ليوم صبحة العيد كيما كل عايلة نصبحو نايضين على صوت التكبير نضت غسلت روحي ودخلت للكوزينة لقيت عجوزتي توجد سلمتلها على راسها قتلها صباح الخير يما _صباح الخير بنتي اقعدي نحطلك تفطري_لالا مزال الحال اعطيني نعاونك _لالا خلي برك ،نحيتلها من يدها بسيف ووجدت السينيات قاتلي صبحة العيد يجو لافامي كامل يغافرو وليت وجدت سينيا للقهوة ولحليب ولقاطو ... ، كملت حطيتهم فصالو وفتح تواقي تتهوا الحالة شعلت التيلي دايرين الله اكبر الله اكبر لا اله الا الله..... خرج فيصل لابس قميص ابيض شعرو يلمع بجال ريحتو سابقاتو داير لحية خفيفة وقف في باب الصالو قالي بنة العيد كي راكي دوري فداري ان شاء الله كل عام ونتي معايا ومزهيتلي حياتي مالقري قتلتيني بتشناف مي معليش المهم طلتك فالدار ، جيت نردلو ونقلو كشما خليت فيها ضحكة جات لعجوز قاتلو ايي وليدي راك شباب ربي يحفظك قالها يعيشك لعجوز هيا راه وقت نروح لصلاة قاتلو روح وليدي ربي يتقبل ، هو خرج ويما قاتلي روحي بنتي البسي ووجدي روحك ضك ثم ثم يرجعو من صلاة ويطلعو نسا سلافك ولبنات قتلها معليه يما ضك نروح ، رحت جبدت لقش لي شريتو لبستو وطلقت شعري ودرت سيغتات بلو، ورحت درت شوي مكياج درت غير كونسيلر خبيت ليساغن وماسكارا وغوجلافغ درت غير شوي مكثرتش وفاغاجو ، كملت وخرجت قعدت مع يما حتى كملو الصلاة دخل فيصل هو اللول جا غافر على يماه ونضت انا غافرت عليه جيت نجبد عليه حكمني قالي ديتي عقلي بزين هاذا مت بالحشمة يماه قاعدة وهو يدير فهاذ الحركات شفت فيها لقيتها تشوف فتلفون بناتها يعيطولها قالي روحي جيبي خيمار ديري على راسك ضك يطلعو خاوتي منيش حاب حتى واحد يشوف هاذ الزين وشعر لي كي موج لبحر ، قتلو اصبر نغافر على يما رحت غافرت عليها وهي تتحضن وتعاود قاتلي هذوين حسيت ببنة العيد غير ونتي معايا نشالله نفرح بولادكم ابنتي ، سكت ودرتلها ايه براسي ونضت رحت لشمبرا عيطت لماما اول وحدة غافرتها وعيدت عليهم اجواء الخارج متجيش كي اجوائنا مهما يكون الغربة والله صعيبة وعيطت لختي ملاك ولمهدي وبابا غافرتهم،، وهزيت خيمار حطيتو على راسي ورجعت قعدت معاهم بداو يطلعو خاوتو نسا خاوتو ، المهم فوتناها صبحة غير مع ضياف كي لحقت 1 غلبنا طحنا اكل رقدنا مانضناش حتى للعصر، لقيت فيصل ديجا ناض قالي نوضي حبيبي نديك لعمامك وباباك تغافري قتلو بيت عمي معليش دارنا منروحش(لضك منقدرش ندخلها ونتفكر واش صرا فيها) _ايه كيما تحبي انا المهم نديك تغافري على عايلتك ودبري راسك وين تروحي ، نضت لبست الجلابة لي شريتها مع بليغة ودرت خيمار وهزيت صاكي وخرجت معاه داني لدار عمي غافرت عليهم وقعدنا شوي مباعد داني لدار ختي فرحت بزاف كي رحت لعندها ومام انا فرحت بشوفتها ، المهم فوتناها عشية كاملة من دار لدار داني حتى لخواتاتو غافرنا عليهم حتى لليل وباه رجعنا لدار..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
