بعد هدرتو لي هدرها رحت بعييد مع تخمامي وتهت وش ندير وش ندير هاذا مصيبة سلطو عليا ربي نقبل وندمر حياتي ولا منقبلش وتدمر عايلة كاااملة بسبتي اه ياربي موقف تحطيت فيه مانتمناهش لعدوتي ،مافيقني من تخمامي غير صوتو وهو يقلي منال منال شفت فيه قالي متخمي متقولي لالا اذا قولتيها اعرفي روحك بلي دمري لعايلة نتاعكم انا ماني خاسر والو لي خايف منها اني نخسرك وتكوني لغيري وغير هذي لي متصراش نموت ومتصراش علبالي اذيتك وعلبالي مش منحقي دير معاك هذا شي بصح علبالي نتي راسك يابس متقبليش بيا وانا ملقيت حل معااك اولا بحكم خدمتي بعيدة نخاف نروح ونرجع نلقاك تفكيتي من يدي واي واحد يطيح فيك ويديك وغير هذي لي ندير كلش نقتل لكبير وصغير على جالك ندير لحرام ولا لحلال على جالك مهم تكوني ليا وديجا علاه كي تتزوجي بيا راح تحبس عليك حياة ؟راح نقطعلك رقبتك؟ بلعكس مهم تكوني عندي مهم راكي بسمي مهم راكي نتاعي انا واحد ميشوف فيك ولا يديك مني كوني معايا برك ونصحح غلطتي معاك ونديرلك دنيا دنيتين ولي يأذيك نمحيه قتلو ونتا هاك اذيتني قالي انا منقدرش نحكم في روحي بلعكس شي لي نديرو فيك ولي درتو معاك مدرتو مع حتى واحدة وهاذا اكل من حبي ليك انا نعشقك امنال نتنفسك منقدرش نتخيلك بعيدة عليا ولا مع غيري ، سكت وبقا يشوف فيا مقدرتش نشوف فيه دورت راسي قلبي حسيتو راح يخرج حسيت روحي هازة الجبال على كتافي قالي كي شوفتك اول نهار مين جراو وراك لكلاب وشفتك بذيك لحالة اول مرة يتهز قلبي تحرك من بلاصتو حسيت بيه كنت شبه ميت معنديش معنى لحيااة كي شفتك حييتني غير من رجفتك ونضرتك وصزتك وخوفك وجمالك وريحتك قتلو فقلبي الله يلعن ساعة لكلاب والساعة لي شفتك فيها ، قالي هيا نوصلك لدار وكيما فهمتك ديري منضالش نعاود فالهدرة خليني مليح معاك لاخاطر اذا تقلبت عليه مش راح نرحمك لانتي لا عايلتك قتلو الله يديك يهنيني منك الله يجيبهالك دمرتلي حياتي شاف فيا وضحك بإستهزاء قالي امين (زاد عليا غير ببرودو انا نتكوا بنار وهو ولا علابالو ) ؛ وصلني لدار هبطت وحاسة روحي هازة جبل على كتافي راسي ولا يوجع من التخمام دخلت لشمبرتي بدلت قشي ورحت توضيت لبست قش صلاة وحطيت السجادة بديت نصلي وانا نبكي وشهق (حاجة ماتشفي جروحي من غير طريق ربي الصلاة والقرآن والدعاء) كملت وقعدت على سجادة نبكي وندعي فربي انو يكون هاذ القرار هو الصح لاخاطر قلبي ميهنينيش ندمر عايلتي كامل باه نسلك انا وفي لخر كنت انا الضحية ويتأذى واحد خيرمن تروح العايلة كامل وكان هاذا هو قراري نقبل بيه ونواجه مصيري .. هزيت تلفون عيطت لبابا قتلو راني قابلة وشارطة عليه قرايتي وخدمتي بابا مم هدرتو يبان فرح وهذوين ريح (ضك عرفت مراد باه خوفو بقالي بابا وشكاين بيناتهم لاخاطر مزالت معرفتش) ، مع مشات الهدرة لحق لخبر لماما بلي قبلت لاخاطر ملي قلت لبابا وهي تعيطلي وعلابالي وش راح تهدر فلول ترددت نريبوندي عليها لاخاطر ماعندي مانقوللها مباعد قلت نهدر معاها ونبرر موقفي من غير اني نحكيلها وش صرا ريبونديت عليها بدات طول تعيط قاتلي وش درتي فروحك وكفاه تقبلي بيه وميناسبكش وراه كبير عليك وقرايتك مستقبلك ووو خليتها كملت هدرتها قتلها ماما هاذا قراري ونتمنى تحتارموه انا نحبو وراني قابلة بيه وهاذي تبقا حياتي كيما نتوما نهار صرا هذاك المشكل خبيتو عليا وتصرفتو وحدكم لاخاطر حياتكم انا ثاني هاذي حياتي وانا حرة قاتلي روحي بنتي نشالله متندميش برك وهاذ الزواج مرانيش قابلة بيه لا ليوم ولا غدوة وكوبات عليا ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
