#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 97:
_معليه يابنتي راه مأنبني ضميري عليك اسمحيلي! وثاني في وقتها ماعطيتو والو عليك مباعد خممت وقلت بلاك كي تزوجي بيه تولي تعرفي تمشي معاه وتتفاهمو مالقري هاذ شي شبه مستحيل لاخاطر نتي عشتي معيشة وهو معيشة يعني كزوجين متليقوش لبعضاكم هو كبير وقبيح وواعر ويدي حاجتو بالملاحة ولا بالقباحة ونتي حشيشة وطالبة معيشة وصغيرا وعاقلة وهدرت معاه وفهمتو وقوتلو خلي الطفلة راها عاقلة ومتقدرلكش ومحال تقبل بيك(عليها عند ودار خدمتو لكحلة وفرح كي ربح ودا واش يحب) وحتى اهلها ميقبلوش كي عادو عارفينك من صغرك ويعرفو كلش عليك وزيد كبير عليها_وش قالك بعد الهدرة هاذي؟_قالي انا مديها مديها برضايتهم ولا بلا رضايتهم وزيد الطفلة صغيرا مزال متفتحوش عينيها ومتعرفش هاذو صوالح يسما نزرب نديها قبل مايطيرولي بيها ونرابيها على يدي ومدام درتها فراسي مديها مديها ويا انا يا لموت.،ايه بنتي كي سمعت بلي الحاجة توفات مأمنتش وهو لي عيطلي قالي اروحي اوقفي مع منال اي مريضة متخليهاش دوور بزاف تعرفي فرحت قلت يحبك صح وميحبش يشوفك هااك غضتييه(اييه باينة بلي غضتو.بزااف)....
بعد هدرتها رحت لبعيييد وسترجعت الأحداث تفكرت بلي كنت كل خطوة نخطيها لبرا ولا مع صحباتي ولا فدار كان عندو علم بيها علابيها عرف كفاه يتصرف معايا وحتى نهار اغت*صبني كان علابالو بلي مستحيل نحكي لأهلي ولا نشكي بيه كان عارف عقليتي مليح وعلابالو بلي نخاف من المشاكل ونخاف من لفضايح وهدرة الناس وكي هددني بأهلي كان عارف بلي متعلقا بيهم وقلبي ميهنينيش نشوف اي واحد فيهم يتأذى يسما كان داير حسابو لكل خطوة يديرها ضك الملكة للقصص وحكمني من ليد لي توجع نتاع صح حڨرني حڨرة كبيرة وزدت انا بينتلو خوفي وضعفي وهو دار فيا رايوو كي لقاني وحدي لا سند لا اهل و تأكدت منو بلي مريض ومهوش طبيعي وقلت لازم نواجهو بشي لي دارو خالتي فتيحة الله غالب عليها واي واحد يخاف على روحو(لي خاف سلم) هو لي وحش في هيئة انسان دمرني وانا صغيراا غاضتني عمري ملقيت لمن نحكي لهمي يما الله يرحمها لوحيدة لي كانت أنيستي في همي و وحدتي وقفت معايا وهمها لكبير وخوفها اني منتخلاش على وليدها وزاد حملتني الوصاية اني نكون معاه ومنتخلاش عليه هذا راه توضح رسمي انو مرييض ومن لول وانا كنت نقول بلي طبيعتو هكاك.....جام للحلقات
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
