جا يهزني وليت نخبط بيديا غير بشوي تفابليت طول وصوتي رااح بقيت تقلو اطلقني متمسنيش وهو كي الحجرة كشغل مش سامعني، هزني حطني في شومبر وحدة اخرى فيها سرير كبير قعدني على حافة السرير وقعد قدامي قرب عندي باسني من راسي و قالي علبالي بلي راح ديري هاك وتعجبني كي تخرجي واش كاين في قلبك بقيت غير نشوف فيه مابقا فيا حتى طاقة تخليني نجاوبو ولا ناقشو جا ينحيلي في روبا باش نبدل حوايجي مخلتوش جاوبتو ب صوت متقطع قتلو غير اخرج عليا منيش حابة نشوفك اخرج عليا ونبعد فيه بيدي بسيف وباه نتحرك هبطلي سكر من قلة الماكلة وزيد لعياط ولبكا وتكسار زاد خلصلي طاقتي ،حطيت راسي على لمخدة وغمضت عينيا وانا نشهق كي لولاد صغار وصلت لأقصى درجات الضعف ، صكر الباب و راح مشفتش خليقتو كنت فحالة عقلي حابس من التخمام نحوس غير وقتاه نريح تعبت تعبت نفسيتي تعبت عقلي تحرق من تخمام عينيا طابو من لبكا نار شاعلة فقلبي ومبغاتش تطفا ،داتني عيني رقدت (يعني مكانش طفلة عقبت ليلة لعمر هاك الا انا عقبتها هكذا ومزيا درت هاك)، مافقتش حتى لصباح مانوضني غير ضو الشمس بقيت فبلاصتي محبيتش نفتح عينيا كرهت الواقع لي راني عايشة فيه حابة نهرب منو برقاد بصح مقدرتش حسيت بيه كي فتح الباب ودخل عندي قعد قدامي حط يدو على شعري ويمسحلي على راسي وينوض فيا غير لعقل وبلحنانة ويهدر غير بشوي منال حبي نوضي ،محبيتش نفتح عينيا فيه حسبني راقدة حتى نطقت و قتلو منضوش خلني نرقد قالي نوضي باش تاكلي راه وجهك صفر قتلو روح اخطيني ربي يهنيني منك اخطيني لاه تحوس عليا قالي معلبليش بلي تزوجت بعزوج ملي تنوض وهي تدعي بقا يضحك عليا_ايه اضحك ماتضحك غير نتا ضك_خلاص منال هيا نوضي لصبوحي نتاعك بقيت نشوف فيه لاحركة لا سكون قتلو صبوحي نتا لي تفوتو ولا قولهم رانا فوتناه عندنا شهر وكون مديتلهم دليل ثان ياك أربع ايام و نزيف حكمني منك ، ثم ثم تبدل وجهو وحكم يديه ويزير ويتخنزر فيا شعرة ويضربني تكريزا عليا كي شفتو هكذاك نضت وخليتو مع وقفت حسيت الدنيا دور بيا عرفتها من الجوع حكمت فالحيط مقدرتش نتحرك جا يعاوني خبطتلو يدو قتلو نتا وقتاه تفهم ياك قتلك خليني ، هز يديه قالي هاه مش راح نمسك هيا امشي برك معايا برك ، رحت نمشي ونسند فروحي على الحيط دخلت للكوزينة لقيتو موجد لفطور قعدت على الكرسي شفت فيه قتلو تقدر تروح _ايه خوضي راحتك راني رايح ، هو خرج وانا بديت ناكل اووه يومين وانا للجوع طاقتي اكل راحت ، كملت شبعت ونضت رحت نحوس على الفاليز تاعي لقيتو حطهالي فلاشومبر لي بايتة فيها فتحتها و هزيت قشي ورحت للدوش نحيت عليا هذيك لاغوب حرت فروحي كفاه رقدت بيها مسحت وش بقا فوجهي مكياج حليت شعري ودخلت تحت الما حاسة جسمي اكل يوجع قعدت قريب نص ساعة نشفت روحي ولبست بيجامة لايمت شعري في فوطة ودرت كرام مرطب لوجهي وخرجت ، رحت طول تكسلت فسرير تعبانة نحوس غير نرقد ، فتح الباب دخل عندي قالي نوضي لاه رقدتي _وش حبيتني ندير؟_ يخي ليوم صبوحي تاعك هيا نوضي نوصلك للحفافة ونروحو للاصال بقا نهار ليوم نفوتوه على خير ومباعد ناكلو بعضانة_منروحش فيصل اخطيني اخطيني_ منال منعاودش الهدرة زوج خطرات لحد الساعة راني مسايرك ونساعف فيك اسمعي الهدرة ومتكبريش راسك _ وكون منسمعش الهدرة وش دير زعما وش بقالك دير فيا كثرمن مما درت ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
