بعد لفطور جاتني عجوزتي قاتلي البسي وهيا نروحو مام لبنات راحين قتلها مش حابة نروح(فهذيك لفترة كان كلش صامطلي مالقري فات شوي وقت وفيصل يحاول ينسيني مي مقدرتش كرهت كلش) ، دخلت وقعدت قدامي قاتلي وشبيك بنتي ياك راكي عروس ولعروس لازم فعيدها اللول تلبس مليح وتعدل روحها لاخاطر لعينينك اكل عليك هيا قوليلي وشبيك بنتي ياك انا كيما امك احكيلي بلاك نقدر نعاونك ، مالقيت مانقلها مقدرتش نحكيلها على اغت*صاب بنها ليا سيرتو كي مزال منعرفش عقليتها مليح قتلها يما مابيا والو جيست توحشت ماما برك سيرتو كي لحق العيد والفت لمة العايلة قاتلي يابنتي ماماك كي يكتب ربي راها ترجع احمدي ربي لي راه داها البعد برك ومداتهاش الموت بعيد الشر قوليلي بنتي هكذا خير تحكي معاها وتطمني على حوالها ولا تحوسي عليها ماتلقايهاش _لالا الحمدلله كي نعيطلها وتقلي راني بخير ونحكي معاها وتسمعني الدنيا ومافيها_ خلاص مالا بنتي قولي ديما الحمدلله هكا ولا كثر ،وضك نوضي البسي وارواحي ندي بنتي تشري واش يخصها ودوري شوي برا تنحي على خاطرك ومباعد نرجعو _صحة يما شوي ونلحقك ، هي راحت وانا نضت جبدت عباية نوار ودرت خيمار باج وهزيت صاكي ورحت لعندها لقيتها لابسة وتستنا ، هبطنا لقينا لخرين يستناو لتحت ولينا خرجنا كيف كيف ، مع خرجنا كل زوج راحو لجيهة انا رحت مع عجوزتي واختو الصغيرا يعني هاذي نتفاهم معاها بزاف وعندنا نفس الڨو فلبسة تالمو قراب لبعضانا فالعمر ، دخلنا لبزار كان فيه شحال من ايطاج طلعنا للفوق وين كاين لبسة تاع نسا ، بديت نشوف عجبني جبادور بولونوي ومطروز بالفضي مع سروالو كيفو ومطروز ملتحت مع حزام تاعو فالفضي وخرت معاه بليغة ارجونتي ، وجبت معاه جلابة (مروكية) لونها بلو سيال وطروزة غير فالجنب ملفوق بدوري خيرت صاك ونسقتو معاهم ، مام ختو شرات حوايج قاتلي نكمل واش مزال يخصني في جهازي شرات شحال من حاجة وخيرت معاها قفطان للتصديرا تاعها ، كملنا وجينا خارجين فتنا على كوسميتيك قاتلي منال تشري كشما يخصك مكياج قتلها عندي قاتلي هيا برك زيدي اشري هنا لبنات هاذا وش نحبو قتلها والله ماعندي حاجة فيه، يما قاتلنا راني عيانة ادخلو ونستناكم هنا خليناها قاعدة على كرسي ثما ودخلنا شرينا حوايج وخرجنا ، لقيناهم كامل كملو تلايمنا ورجعنا لدار كيف كيف ، كي روحت لقيت فيصل ديجا روح وقاعد فشمبرا متكسل دخلت نضحك ومورالي طالع كي خرجت ونحيت على خاطري قالي وش عمري جيتي تضحكي قتلو لاه ستخسرت فيا ضحكة؟ _ لا حول ولا قوة الا بالله انا فرحت كي شفتك تضحكي وفارحة ونتي تقوليلي ستخسرت فيك؟! ، هزيت لحوايج حطيتهم فالخزانة وجبدت بيجامة وخرجت لدوش لبستها ورجعت ، رحت طول لبلاصتي رايحة نرقد جا فبالي بابا معلاباليش لاه حسيت بلي بيه حاجة رحت جبت تلفوني وبعثت ميساج لمهدي قتلو وشراكم وشراه بابا _بابا شوي مراهش مليح ملي راحت يما وصرا لي صرا حالتو متعجبش وندامة تقتل فيه يحوس غير يما تهبط لدزاير ويصلح معاها مي هي محبتش _شفت يا مهدي بنت الكلب فرقت عايلة كاملة وكيما يقلك مايقعد فالواد غير حجارو بابا كي قعد وحدو عرف قيمة ماما، كملت الهدرة مع مهدي ورحتتقلقت علبهم فيزوج والله حالتهم حالة ميستاهلوش قاع وش صرا بيناتهم ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
