بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

76

#بًـََـــلَوٌةّْ_حًـَـيَاَ‌تٌـــيَ
بقلم الملكة للقصص 🌸
الحلقة 76:

  قتلها مكنتش دايرة لحمل في لحساب علابيها مابديتش فالعلاج (التضرر كان بسبة اغتصابو ليا وكاين ثان امر خليقى من عند ربي يبقى خصوصي ) _ على الاغلب تباني عانيتي فالجماع وهاذا لي سبب تضرر كبير فالرحم على كل حال  بنتي  ضك الحمل راه لاباس بيه مالقري نزفتي مي البيبي مطاحش الحمد لله، وضك نحبسولك نزيف ونديرولك لكلامو يخف عليك لوجع، على هاذ الهدرة ناضت يما تحضنت الطبيبة وتفرح وتقول الحمدلله ياااربي الحمدلله ، صدقوني فرحت لفرحتها حسيتها صح متمنياتو يجي لدنيا (ولاكن تجري الرياح بما لاتشتهي السفن مع الاسف) قاتلها ربي يدوم فرحك يالحاجة وكي ليوم نشالله تحطيه فحجرك مي نوصيك تهلاي فيها برك هاذ الفترة ومايكون والو بإذن الله_والله نديرها فعينيا المهم تكون بخير هي وحفيدي برك ، دارت ليا قاتلي سمعتي منال بنتي ؟؟! لازمك الراحة التامة ونعطيك ضكا ابر بروجيسترون لازم ديريهم يوميا ضك تساعدك غير الراحة ودوا بيسك السيركلاج ميصلحلكش بسبة التضرر لي فالرحم المهم ساعفي روحك وتهلاي في حملك حتى تلحقي للشهر السابع فهمتي بنتي _ايه ان شاء الله (يخاه وقرايتي ضك وش حكايتها مدرتش حسابها ولا حساب لهذا لحمل) نضت قعدت على الكرسي حكمتني يما من يدي وفي عينيها دموع الفرحة وتحمد فربي وتدعي ، كتبتلي الطبيبة الدوا عطاتني الورقة وخرجنا  لقيت سلفي يستنا طلعنا معاه حبس فطريق جاب الدوا ورجعنا لدار مع لحقنا راحت تجري عجوزتي سقمتلي بلاصتي في لاشومبر تاعهاا وداتني قعدت على السرير  قتلها يما لازم نبدل قشي _ايه بنتي تحبي نجيبلك لهنا ولا تروحي _لالا خلي ضك نروح وحدي ونغسل روحي ونجي ، وقفت بسيف ومع لوجع مقدرتش طول رحت للاشومبر تاعي جبدت بيجامة وملابس داخلية ورحت لدوش غسلت روحي ولبست كي كملت وخرجت لقيتها تستنا فيا  قاتلي روحي اتكسلي بنتي وريحي روحك نعيط لفيصل ونجي رحت للاشومبر وتكسلت بقيت نسمع غير فهدرتها من بعيد تقلو والله يا وليدي مابيدي وقتلها متروحيش تقراي .. معليش وليدي متتقلقش هي ضك راهي بخير حتى طبيبة قالت لازمها الراحة برك وميكون غير الخير.. المهم متتقلقش وليدي وسوق بشوي ..، كملت الهدرة معاه وجات لعندي تزير فيديها وتستغفر  قاتلي يابنتي قتلك متروحيش راه ماخلى مايقول _وانا وين علابالي بلي راح يصرا هكذا يما خليه يهدر شوي ويسكت ، سمعت تلفوني يصوني لقيتو هو يعيط محبيتش نهز بقا يعيط ويعاود قاتلي يما هاذا فيصل؟_ايه هو_يعيشك بنتي غير ارفدي عليه راه حاكم طريق وضك غير يتقلق ، بقيت هازة تلفون ومترددة خايفة من هدرتو علابالي يبقا يلومني وهو السبة تاعي ، _بنتي ارفدي عليه متكبريش راسك _ضك نرفد خلاص متتقلقيش يما ،كي شافتني راح نهدر معاه صكرت الباب وخرجت زاد دقيقة وعاودلي ريبونديت عليه لا سلام لا كلام بدا طول يهدر ويعيط ياك قتلك حافضي عليه ياك وصيتك ونتي لالا تحبي تزكري. فيا  وديري رايك كيما ماولفة ، كمل يهدر ويلوم ويعاتب حكمت حكمت فروحي وليت نعيط ماكثرمنو وشبيك جاي تحاسب فيا وتلوم علاه درتها بلعاني انا ولا نضت نشطح ونسوطي اصلا هذا من هبالك راه صرالو هاك نتا لي ندبتلي في رحم وراه مضرر بزاف نتا السبة لي لحقتني لهنا ماتجي تلومني ما ولو نتا لي درتها بيديك حلها بسنيك سكت حرف مازدو معيا بقى غير يستغفر _ايه انا ديما هااك لازم لحاجة كي تجي تفرحني لازم فيها مشاكل معليهش راني مالف ايه وضك وش قاتلك طبيبا بلحرف متزيدي متنقصي عليا،. حكيتلو كلشي_صايي ملا ضك نبعث لوحدة ديما تجيك ديرلك لباري ونتي من فراشك متنوضيش ونديرلك maladies متروحيش تقرااي حتى تبرااي وكي نروح انا لي نتهلا في عمري.....