بقلم الملكة للقصص 🌸
_شوفي ليا انا نتاع واحد ادي لهدرة وجييب ونتاع دراما ودمووع وافلام نقولك انا منقدرش نبررلك وعلاه الشي لي نعرفو اني نحبك ومن قلبي وكيفاه حبيتك ولا وقتااه ولا علاه هذا انا لي نتحاسب عليهم نتي معدو ميعنيك الامر ومحال اني نخليك ونسمح فيك انا هكذا نعبر على حبي افهمييه كيما تحبي_ميهموكش مشاعري كيفاه راني هاك معااك قولي كل يوم نبكي كل يوم دمعتي على خدي وليتلي كبووس في حياتي علبالك لحب مش هااك عمرو ولاكان لحب بسيف انا نعرف لي يحب ميأذييش مام انا كون نحبك مستحيل نحبلك لاذية ولا لعذاب بلعكسب نفنى الدنيا على جالك بصح نتا لالا مشيت معيا هااك ألوووغ انا محال نحبك ونتا هااك محال وحدة تقبل واش راني نعاني معااك حسيتو تفاجئ بهدرتي_الله لا حبيتني انا اصلن وشكون لي حبني في هذي الدنيا لي حبني راه راح وحبو كان كفييل باش نعيش لضك_شكونو؟؟ علاه يهمك هذا الشي ولا غرتي؟؟ سكتت خليتو ودورت راسي علييه (بقيت نهدر فقلبي هذا مخص ثاان كان يحبوه شكوون هذي لي تحبو وراحت اووه بداات الغيرة تمشي في قلبي) ، كملنا الطريق وانا غير نخمم وهو ساكت مي نشوف فيه غير يتبسم على غير عادتو يفرح على حساب تعاستي دمرني ومزال يضحك ويفرح، وصلنا لدار فتحلي الباب طلعت ودمعة بين شفاري غايضتني روحي وحالتي ووضعيتي ،طالعة وندعي في ربي يفرج عليا والله الدنيا ضلامت فوجهي، دخلت لدار رحت طول لشمبرتي بدلت قشي ورحت توضيت وصليت دعيت ربي يفرج عليا لاخاطر تاع الصح تعبت من الوضع هاذا ، ماجيت نكمل حتى حسيت بوجع فكرشي ملتحت رحت نجري لبلاصتي تكسلت وباه خف لوجع شوي ، هزيت تلفوني عيطت لماما قتلها على حملي قاتلي ندبتلي على الحمل كييفاه ترفدي لحمل ونتي صغيرة ولاه مدرتييش حسابك كي لبنات يخي راكي تقراي واش عجبك في لحمل ونتي صغيرة كيفاه تقسمي روحك مع حياتك ولا مستقبلك كلامها كل كان لوم وعتاب اني لاه نرفد لحمل حكمت حكمت وخليتها خلصت قتلها كوون جيتي قدامي ومعايا ومش نحي في شوقي آبااار تلفوون ونحكيلك على يومياتي باش ترضاي عليا بصح الشي لي صرالي كامل واحد ماهو جايب خبرو ونتي لي لوم لكبير عليك ماما بنتك نتوما لي ضيعتووها بيدكم مش انا ذنبي لوحيد اني عشت في خوف وستغلو بنتك وكبيت عليها محقنيش نهدر معااها هاك بصح تلمت عليا من كلش كل واحد يرفض رايو عليا وانا وراه رايي نكريلو ڨرااج (اكبر ندم اني حكيت معها هاااك)و قتلها اكيد قرايتي ومستقبلي هوما الصح وهوما من اولاوياتي بصح درتها ومكاش حاجة تخليني نفرط في قرايتي،. بصح انا صح جاهلة والشي هذا مدرتلوش لحساب من كثرة الموجاات لي فوتتهم كيفاه يجي في بالي اني نرفد ولا ندير لحساب لهذا الشي صح لازم طفلة يكون عندها دباار يكون واعي ويدبر عليها بصح انا لي خيرت هذي لحياة وعدت نفسي اني انمشي في هذا المشوار وحدي واحد منحكيلو على همي وضك خلي نحلها بسنياا...، جيت نوض رجعلي نفس لوجع وليت رجعت تكسلت ، تفتح الباب دخل فيصل قالي معامن كنتي تحكي مشفتش اصلا ليه قلبي خارج منو ومن صوتو بقى يستغفر ويقول اللهم طولك ياروح قولي كشما تحتاجي نجيبلك راني خارج _ منحتاج والو _وتشناف علاه ؟؟_ خليني عيشك لي فيا يكفيني _ربي يهديك اول مرة نشوف وحدة مش فارحة بحملها كيما راكي نتي هك _خمم مليح وتفكر كفاه جا هاذ الحمل ممبعد ارواح حاسبني ، سكت وخرج حطيت راسي مرة نبكي ومرة نصبر روحي حتى رقدت ، فطنت على هدرة فالدار عرفتها يما روحت جيت نوض حكمني وجع غير طبيعي فكرشي نحس حاجة راح طيح مني عافرت بسيف ورحت عندها مع شافتني جات تجري تتحضن وتسلم قاتلي كي سمعت مأمنتش جيت نجري ياك صح ابنتي راح يجيني حفيدي ونكحل عينيا بشوفة ولاد بني قبل مانموت ، فلول كنت كارهة ومش حابة هاذ الحمل مي كي شفت فرحتها قلت منصمطهاش عليها ويلي فالقلب يقعد فالقلب مهما كان البيبي معندو حتى ذنب ، قتلها ايه يما كيما سمعتي ناضت تزغرت وتفرح قاتلي ضك كون نموت نروح متهنيا كي راح نشوف ضناية بني ، حكمتني من ذراعي وداتني معاها لصالو قعدتني وقاتلي منا ولجاي مديري والو حافضيلي غير على حفيدي (هاذ لمرا كل مرة تدهشني فرحتها وصلتني وحسيتها صح فارحة ) ...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
