#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 92رحت بدلت حويجي وغسلت روحي وصليت اوقاتي وهو تكسل ورح يرقد (جامي ثبت على صلاة يصلي ويترك) ورحت تعشيت مع يما وهو خلينالو عشاه كي رقد...
فاتو ايامات وفيصل راح لخدمتو بقينا وحدنا وليت نشوف في عجوزتي تبدلت حالتها ولات ديما راقدة ومتحبش تاكل غير ساكتة على غير عوايدها مع شفت حالتها هك عرفتها بلي مريضة وعندها حاجة حاولتها على طبيب محبتش علابالي يقدرلها غير بنها ،عيطت لفيصل وقتلو بلي يمااه مريضة ومحبتش تروح لطبيب بعث خوه محمد باه يديها لطبيب فلول محبتش مي كي عيطلها فيصل ولات ناضت لبستلها حيجابها وداها سلفي لطبيب ، قعدت فدار نستنا فيها ترجع وقلبي مقبوض فاتت ساعة وزوج وثلاثة وهوما مارجعو حتى للعشية خلاص طليت لقيت سلفي جا درت خيماري وهبطت سقسيتو قالي وش نقلك لعجوز مهيش مليحة لقاو عندها كونسار في راسها وراه في مراحل متطورة وضك حكموها في لكلنيك يعالجو فيها ، مادرت حتى رد فعل سكت وطلعت مع دخلت لدار وصكرت الباب طحت وبديت نعيط ونبكي حرقة فقلبي مايعلم بيها غير ربي هاذي ميمتي وعوضي فدنيا مرضها طاح عليا كي الصاعقة مقدرتش نصدق ولا نستوعب وش صرا بكيت عيطت كليت روحي ، لايمت روحي ورحت للاشومبر تاعها وين كنت نرقد انا وياها جيت فوق سرير وتكمشت نبكي كي طفل لي تروح عليه امو ، ماقدرتش نتحكم فروحي نبكي ونعيط حسيت الدار باردة وصامطة ، صونا تلفوني رحت جبتو لقيتو فيصل يهدر ويتنهد حسيتو هاز الجبال حاجة باينة راه كثرمني مي هو ميبينش زاد شافني نبكي مالقا يواسي روحو ولا يواسيني انا تنهد وقالي منال مديريش فروحك هك شهدي وستغفري وقل لن يصيبنا الا ماكتب الله لنا المهم تهلاي فروحك وراني جاي فطريق غدوة ان شاء الله نكون عندك ونديك ليها ، كملت هدرت معاه ورجعت لبلاصتي رقدت ودمعة في خدي ، صباح مع نضت رحت لبست حيجابي وخيماري مع فاست وقعدت نستنا فيه ، مع دخل لقاني لابسة ونستنا رحت نجري تحضنتو قتلو يما يا فيصل يماا _منال راني كثرمنك مي كوراج بنتي ، بعدت عليه قتلو هيا اديني ليها _ايه امشي معايا ، رحنا لعندها لقيت صباح ومنيرة عندها حاكمينها من يديها وحدة من ووحدة من ويبكيو رحت لعندها سلمت على راسها قتلها يما وشراكي ، فتحت عينيها بشوي قاتلي جيتي بنتي راني بخير تهلاي فروحك برك وفي حفيدي ، زاد قدم عندها فيصل عينيه مغرغرين بدموع مي كي عادتو مايبينش ، قعدنا عندها شوي وخرجنا بقينا كل ما نروحو نشوفوها تقولنا اديوني لدار منقباش لهنا مقدرتش لهنا وتغميت زاد عليها لحال كي شافها فيصل هااك خرجها محبش يخليهالها في قلبها دارلها في شمبرتها واش يلزمها من علاج وليت انا لي قايمة بيها مخليتها ولا دقيقة واقفة عليها مع طبيبتها تجي ليها يوميا تسويفي فيها وتمدلي نصائح باش نديرهملها وحتى فيصل دا كونجي كي شاف حالت امو متعجبش لا ماكلة لا شراب لا هدرة...
جام للحلقات وبارطاج للمنشور
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
