فاتو ليامات وكان عندو شهر ونص ملي راح عرفتو بلي هاذو ليام في اي لحظة يرجع للدار عاودت لنفس حالتي الستراس والخوف بعد ماتحسنت نفسيتي وقلت تهنيت اصلا عندي يامات وانا في تقلبات مزاجية مش طايقة حتى روحي كفاه يروح ليا هذاك لمريض غير لا هبلت ، وكيما توقعت فهذوك ليام روح كنت نقرا كي روحت لقيتو فدار والله شفتو الموت جاتني مع دخلت جا طول ليا حكمني من ذراعي ودخلني لشمبرا وليت نعيط ليما بلاك تسمعني تجي قالي عيطي ولا اقعدي يماك راحت راني غير انا وياك هنا وشاف فيا بنضرة لي انا نعرفها مليح بقا يقرب ليا وانا نرجع للور قالي ليوم تتحاسبي عليهم وحدة وحدة قتلو فيصل عيشك خليني والله ماني مستعدا لأذيتك تعبت خلاص بقا يقدم كشغل منيش نهدر قرب ليا حكمني من طرف شعري وبقا يشم فيه ويضحك كي لمهبول وانا راني نرجف ونبكي ، هو هز يدو وجا راح يبدا في مرضو وانا تغاشيت مافقتش حتى لقيت يد تمسح على وجهي فتحت عينيا لقيتو قاعد قدامي وحاطلي راسي في حجرو ويشوف فيا كيما عادتو بندم قلت باين طبق مرضو عليا وانا مش فايقة نضت بقيت نشوف في قشي هو هو قلت الحمدلله ، جيت نوقف الدنيا دار بيا هز لخيمار حطو على راسي وقالي امشي معايا قتلو وين قالي نشوفو دوخة هاذي منين _خليني برك مابيا والو ، شاف فيا وعڨد حواجبو قالي تروحي برضايتك ولا نديك بطريقتي (ياربي هاذ العبد كلشي عندو بتهديد) وليت عدلت خيماري ومشيت معاه رحنا لكلينيك قعدنا شوي وفتنا لطبيبة جا داخل معايا قتلو ونتا لاه تجي خلي ندخل وحدي قالي حاب نطمن عليك هيا امشي قدامي بقيت نستغرب فيه هاذا هو لي يقولو عليه يجرح ويداوي ، دخلنا لطبيبة شافتني وقاتلي ديري هاذ ليزاناليز وارجعي ليا خرجنا من لبيرو تاعها ورحنا وين ندير ليزاناليز جات الفرملية نحاتلي الدم وقاتلي ساعة يخرجو ، رحنا قعدنا في لاصال (salle d'attente) حتى عيطتلنا الفرملية رحنا هزيناهم ورجعنا لطبيبة عطيتهملها شافتهم قاتلي مدام مبروك عليك راكي enceinte (حامل)نضت طول قتلها كفاااااه تخلعت قاتلي مدام Calme-toi وشافت لفيصل قاتلو ياك نتا راجلها هو نشوف فيه عينيه دمعو من الفرحة قالها ايه راجلها قاتلو مالا المدام مكانتش دايرة حسابها ضك وراهم la majorité تاع ضكا يحبو يطولو في زواجهم وباه يجيبو ولاد En tout cas مبروك عليكم وربي يتمم على خير ضك نعطيها فيتامينات تشربهم وتحاذر روحها حتى تفوت هاذ المرحلة الصعيبة قالها ايه ان شاء الله ، انا واقفة مصدومة ودمعة راح تهبط وهو ميت بالفرحة عطاتو طبيبة ل ordonnance حكمها عليها وحكمني من يدي ومشاني معاه بقيت غير مصدومة كفاه هاذي بالحمل وانا لي كنت ناوية نهرب وننفذ بريشي كفاه حصلت مع بيبي ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
