#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 75:
لحق وقت لعشا نضنا تعشينا مع بعض وداتني معاها للاشومبر تاعها قاتلي ارقدي معايا ، رحت معاها رقدت انا في سرير وهي فالسرير لي مقابلني صونا تلفونها قاتلي هاذا باين فيصل عيط يسقسي ، هزاتو قاتلي والله هو ريبوندات عليه نسمع فيها تقلو ايه راها بخير ..راها راقدة معايا..ايه بلاما توصيني راهي في عينيا متخاافش عليها المهم تهلا في روحك برك وليدي ، عرفتو يسقسي عليا درت على جنب ورقدت وخليتها تحكي معاه.. غدوة نضت صباح بكري باش نروح نقرا ماجيت نوض بسيف بصح قاومت رحت بسيف لبست حيجاب نوار عريض وخيمار باج (من خوفو وليت نلبس غير الحيجابات لعراض)جيت خارجة لحقتني يما قاتلي يابنتي راه وجهك اصفر كون مرحتيش ليوم_لالا يما لازم نروح ، عيات فيا باه تحكمني ومقدرتش الملكة للقصص خرجت من دار حبست طاكسي وصلت للكلية هبطت نمشي ولوجع حاكمني وليت نمشي شوي ونقعد دخلت نقرا وانا حاملة لوجع ، كي لحقت 12 صاي مقدرتش حسيت موس ينغز في كرشي ، رحت طول ركبت طاكسي و رجعت لدار لحقت للباب طحت على ركايبي مقدرتش نوقف بقيت نطبطب في لباب مسمعتنيش نضت بلعقل باش نوصني روبونداتلي في الانترفوون قتلها يما حلي هذي انا... حتى تفتح طلعت في دروج وانا رجليا يتخالفو مقدرتش نركز عليهم شافتني يما ولات تعيط وتقلي وشبيك بنتي جات تعاوني نوض مقدرتش نوقف قعدت قدامي قاتلي بنتي وشبيك جاوبتها بصوت متقطع تالمو من لوجع الهدرة راحتلي قتلها لووووججع فكرشي قتلني _خلاص بنتي ماصرا والو ضك نلبس ونجي نديك لطبيب ، خلاتني ساندة روحي على الحيط وراحت جابت حيجابها ولخيمار تلبس فيهم ومفرفدة وهازة التلفون معرفتش لمن تعيط ، لبست وجات قاتلي هيا نعاونك بنتي نوضي نهبطو راه عبدو(خووه آخر) يستنا فينا لتحت ، نضت بسيف وتسندت عليها مع وقفت حسيت حاجة هبطت عرفت روحي طول بلي راني ننزف_يما وقيلا راني ننزف ، وجها ولا اصفر حسيت بيها صح خايفة_ معليش بنتي تروحي لطبيبة وتشوفك وان شاء الله مايكون والو ، حكمتني من ذراعي وعاونتني ماجيت نهبط بسيف وهي غير تستغفر وتدعي وتقول ان شاء الله ميكون غير الخير وياربي ميصرا والو ، خرجنا لقيت سلفي برا يستنا ركبت لعجوز وركبت بجنبهاا وحطتلي راسي على حجرها دار ليا سلفي_وينا طبيبة تروحي ليها ولا نديك لكلينيك؟ قتلو اديني ل*** (هاذي طبيبة جينيكولوق صحبت ماما) تخدم في نفس لولاية وين يسكونو دار راجلي ومن قبل علبالي بيها؛ وصلنا عندها هبطت كان لوجع خف شوي دخلنا لقيت عندها غاشي كبير بصح غير قتلها حالتي وزدت قتلها قولي لطبيبة عليا اي تعرفني دخلتني طول ، كي دخلت رحبت بيا وسلمت عليا قاتلي وشراكي وشراها مريم (ماما) قتلها راها مليحة الحمدلله حكيتلها وش عندي طلعتني طول فوق لاطابل ودارتلي الايكو، قعدت عجوزتي على الكرسي مقابلتني وحاكمة قلبها والله غاضتني وكي شفتها هك الدمعة طاحتلي ، مع شافتني قاتلي مدام حملك راه في دونجي بسبة التشوه لي عندك فالرحم علاش مابديتيش بالعلاج وعالجتي الرحم تاعك ممبعد رفدتي الحمل......
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
