قالي منكثرش الهدرة نروح ونجي نلقاك وجدتي روحك وتروحي قدام الناس تفوتي هاذ النهار وكي نكونو وحدنا ديري وش حبيتي كيما لبارح يخي درتي وما درتي ومانطقتش بحتى حرف وعندك الحق وديري وش تحبي بصح ضكا مدام مزال هاذ النهار تكمليه وممبعد يرحمها ربي هيا نوضي ، وليت نتخنزر فيه _مناااال عينيك قريب نعميهم هني روحك ، خبط الباب وخرج رجعت تكسلت فبلاصتي مباعد قلت ننعل الشيطان ونوض نفوت لعرس برك ونوريلو ، نضت جبدت عباية لبستها ،ولافاليز خليت فيها غير بدرون باج واكسيسوارات تاعو مع صندالة باج درت خيماري وخرجت لقيتو فالهول قاعد يستنا قالي زعما جاي ليك ، مشفتش فيه طول رحت فتحت الباب ومشيت جا ورايا يخبط فيديه ويستغفر صكر الباب وهبطنا ،ركبنا وديمارا قالي وينا حفافة نديك ليها قتلو ربي يسهل تحب حتى منروحش _كفاه هذا متروحيش لازم تروحي وكيما وصيتك زعاف وتشناف حطيه على جنب نكملو العرس برك وديري رايك ، ضحكت بإستهزاء وقتلو ايه متهني ضك نضحك ونشطح وندير كلش وننسا حتى العملة تاعك ، ناض يخبط فالفولا ويعيط قالي خلاص ارب خلاااص كل دقيقة تعاودي نفس الهدرة مكرهتيش؟، سكت وخليتو يخبط فروحو قتلو فقلبي والله ننخرجلك قلبك ولا منيش منال ننكرهك فنهار لي شفتني فيه ، وصلني للحفافة دخلت قتلها عروس وصبوحي تاعي قاتلي وش تحبي نديرلك قتلها ديريلي حاجة سامبل برك منحبش المكياج بزاف ومام شعري خليه مطلوق ، قاتلي ايه كيما تحبي هيا نبدالك راح الحال قتلها على الاقل من مهلك ، بدات بشعري سشوراتو ومباعد المكياج دارت باج مع شوية مارون ايلاينر وشفار مع ليبستيك غوز وشعري عاوداتو بليسور خلاتو مطلوق كيما قتلها جبدت قشي لبستو وركبتلي الجبين ، انا كملت وهو عيطلي قالي واجدة قتلو مزال خلي يزيد يستنا ، بقا كل 10دقايق يعيطلي وانا نقلو مزال حتى المرة اللخرا بدا ياكل فروحو ويقلي راح الحال وليت قتلو صاي راني كملت ، مطولش وجا لعندي لبست عبايتي وحطيت خيماري وخرجت عطاني دراهم خصلت الحفافة ورجعت مع ركبت ديمارا طول يسوق بالزربة قتلو وشبيك بعقلك ماحبش يجاوب حتى انا مزدتش هدرت معاه و تجاهلتو ، لحقنا للاصال هبطت لقيت عجوزتي فالباب تستنا سلمت عليها قاتلي مبروك عليه يالعروس تبسمت معاها فوق لقلب (قلت بيني وبين نفسي علاه تباركيلي وبنك كمل كلش قبل شهر) ، قاتلي هيا بنتي ندخلو راهم يستناو فيك ومام ماليك مبقاش ويلحقو ، دخلنا لقيت غاشيهم كامل ثم وصلتني عجوزي للفوتاي قعدتني جاوني نسا خاوتو وخواتاتو سلمو عليا وباركولي وانا غير نتبسم فوق القلب كلش صامطلي ، عيطتلي ختي قاتلي قريب نلحقو بقيت نستنا فيهم قريب نص ساعة كانو لحقو جابو من كل خير ربي يبارك القاطو شحال من نوع المسفوف الفاكية .. (كل حاجة يجيبوها في صبوحي لعروس )ختي وبنات عمي ومرت عمي وجدو كلش وحاولو قد مايقدرو يعوضو الفراغ تاع ماما ، جات ختي سلمت عليا وقعدت قدامي هي تهدر وانا عقلي بعيد ماركزتش طول مع هدرتها مافيقني من تخمامي غير هدرتها وهي تقلي هاكي تلفون ماما تعيط ، حكمت عليها تلفون ونضت رحت للاشومبر رفدت عليها وكيما كل مرة مع نشوفها نطرطق بالبكا قاتلي متبكيش بنتي راكي عروس _توحشتك اماما راني محتاجاتك معايا والله_سمحيلي بنتي وتهلاي فروحك بزاف والله مام راني بعيدة عليك مي قلبي معاك _علاه راه صاريلنا هااك علاه هذا الهم لي راه فينا علاه اماما اروااحي علاه روحتي وخليتينا وحدنا؟_ابنتي كلش يفوت مام انا حابة نجي غير تولد مرت خوك وترييح ونجو ان شاء لله المهم نتي كوني بخير هذا منحوس_معليهش ماما تهلاي في روحك_ بسلامة بنتي كوبيت بقيت مع تخمامي كيفاه نعيش مع هذا الڨوريلا قلبي مزير عليا كارهة كلش مع هكذاك ونخمم كفاه نكرهو ويفكني منو لاخاطر مستحيل نقدر نكمل معاه حياتي وشي لي دارو فحياتي ماراح ننساه، طبطب الباب دخلت عجوزتي قاتلي راه وقت تحزام ارواحي بنتي قتلها ايه خالتي راني جاية _ااا نزعف منك بنتي قوليلي يما وبربي نشالله نكونلك كيما يماك علابالي الام بلاصتها وحدها بصح مني انا تلقاي غير الخير _ان شاء الله يما ربي يخليك ،نضت مسحت عينيا وخرجت معاها قعدت على الفوتاي دخل سلفي الصغير باه يحزمني (في عاداتنا يحزمو بالذهب ) وقفت جا لعندي لاح يدو بوجرت عليه قالي وشراكي قتلو الحمدلله جات عجوزي عطاتو مڨياس ذهب دارولي في يدي وحزمني وجبد عطاني دراهم جات ختي عطاتني ساشيا عطيتهالو وراح، قتلها مزية تولهتي ووجدتي هاذ لحوايج قاتلي ايه علابالي مام ماما فكرتني فكلش ، فات هذاك نهار عادي حتى للعشية روحو تاع دارنا خلاوني نبكي ياربي وش صعيبة تقعدي مع ناس متعرفيهمش وخاصتا فحالتي زوجت وانا مش راضية، ومام حنا رجعنا لدار ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
