بقلم الملكة للقصص 🌸
الحلقة 107:
قتلو
_علاه تجرجرني كاين راجل يدير هاك في مرتو وهي فهاذ الحالة؟فيصل الطفل بني كيما هو وليدك حتى انا غاضني وبكيت عليه وسهرت ليالي ودمعتي مانشفت _مكانش بصح ضك يولي كاين مانيش مسامحك على الشي لي درتيه يخي قتلك بلي يغلط معيا يخلص بدوبل كي يعود واش يعود ونتي غلطتي على واش وصيتك دعيتي على حملك قلت معليش نخليها راها بيها الغش مني برك وفي حملك درتي فيا رايك كل يوم تخرجيلي برااي ساعفتك قلت بيها لحمل منديريش عليها يهدر ويحسب بيديه مرضت يما بيقتي معها فوق راسها ونتي ثقيلة هدرت معاك الف خطرة باش تريحي مسمعتيش لهدرة درتي رايك قلت خليها قلبها حنين متحبش تشوف لي تحبو مريض قدامها ومدير والو خليت عليك درت نية في لهبال كي توفات روحتي هلكتي روحك بلخدايم وشغل ونسيتي روحك وبعثتلك ووصيتك بلي متعييش روحك بلى منوصيك تعرفيلها ودرتي رايك وزيد جاك لوجع فليل نضت ليك محبيتيش تخبريني باش نديك حتى خسرتيه بيدك وبردتي قلبك ولي قتلهم اسكتو قاع روحتي مع ختك ووصيتك متروحيش الا ودرتي رايك ملى نقولك نتي لي لحقتي روحك لهنا عطالي كف ركعني في لارض وحكمني من شعري جرني لسرير بقى يضرب فيا بلكف ويعيط يضرب في كل بلاصة من جسمي حتى تعب باش حبس خلاني جثة ماعرفتش اذا فقدت الوعي ولا وش صرالي غير دموعي يهبطو وجسمي يرجف اخر واش شفت كي رااح خرج وغلق عليا لباب ، فتحت عينيا منيش عارفة وين راني ولا وش صرا بشوي حتى ستذكرت كلش طاحو دموعي حسيت بالذل ولحڨرة انا وش ذنبي وش ذنبي هاذا مكتوب ربي مدرتهااش بيدي لحضة جااتني وفات عليا الخوف نتاع مرض يما تخلطلي كلشي ، طلعت راسي شفت للتاقة لقيتها ضلمة عرفت روحي عندي ساعات وانا على هاذ الحالة ، حاولت نوقف ماجيت نوض ونحكم في روحي مليح بسيف ، شفت روحي في لمريا تخلعت شوهني ماخلى فيا مابقا ملامحي راحو كلش فيا ازرق وجهي جسمي شعري طالع فسما ، قعدت في لرض ونبكي ونعيط بعد وقت فطنت لروحي قلت انا وش حتمني نقعد لهاذ الميزيرية ولحڨرة ضحيت بنفسي على عايلتي وعلاجالو مي لقيت روحي انا المتضرر الاكبر فالحكاية اهلي عايشين وهو يضرب ويفرغ في غشو وهبالو وانا شبعت اهانة وحڨرة لازم ليوم ندير حل لعمري مستحيل نزيد نسكتلو دقيقة منقعدها عندو هنا وخلاص تعمر لكااس نروح وخلي يصرا لي يصرا حملت بزااف معاه حياتي رجعالهي كوابيس وخلايع واش راح يولي صبرت صبرت صااي هنا نوقفو على حدو يا انا يا هو ، هزيت تلفون وعيطت لمهدي بقى يصوني تلفون رفد عليا_الو مهدي خف نحي كلشي من يديك واروااح ليا ضك او ضربني كسرلي عضامي معلبلييش واش بيه ضك نقبلك هنا عندي (نهدر ونبكي)مخليتوش منبا يكمل هدرتو رميت تلفون روحت نرجع في لقش لي جبتو درتو في فاليزة و غسلت وجهي و عدلت شعري لبست حجاب مع بيل نتاعو ودرت خيماار وقعدت نستنا هنا يجي مهدي هنا يجي ومجاش طول بزاف عيطتلو_اني جااي راني في طرييق فهميني واش صرالك (طريق شوي بعيدة مع انو لولاية مجاورة بيناتنا ثلاث سوايع باش يلحق)_ضربني وانا مريضة ستقوا عليا كي لقاني ضعيفة لا اهل لا مالي دار فيا رايوو ضك تجي ومتقول حتى لواحد خرجني من عندو قبل ميوصل_واش هذا لي يضريك واش رااه حااسب في روحو هبل هذا ولا علاه بقات لمرا تتضرب في هذا لوقت ؟؟ضك نجي ليه نعدمو عليها يحط يدو عليك اصبري عليا اني جاي...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
