كل ما يشطح يروح ويجي يدي عقلي معاه هو صح قلبي مزير من جيهتو بصح ولله عجبني (هاذي بيني وبين نفسي فقط )، محبيتش نبينلو كل ما يطلع يلقاني مقلبة وجهي عليه قالي والله من حقك صح انا لي خسرت معاك وندير لي عليا باش تسامحيني بصح معليش اضحكي شويا هذا عرسنا يجي مرة في حياتنا _اهاه عرسنا ملا هذا عرسك نتا مش عرسي انا صايي انا قتلتني في ذاك نهار وضك راني حاضرة في جنازتي بقى يشوف فيا يحفظ في وجهي قالي ولله منقلق روحي برك مع الوقت تتحل كلش نصبر عليك المهم راكي معيا وعندي وحكمني من يدي باسها زربت خطفتها ودرت لجيهة لخرى _ايييه دير لحرام وغضب ربي وحڨر ولية باش ترضي قلبك ورغبتك وشهوتك ومرضك والله ماني مسامحتلك بقا يشوف فيا الهدرة راحتلو اكيد ماعندو حتى رد ، وصلنا للاصال هبط وجا لجيهتي فتح الباب وهبط لعندي سقملي البرنوص غمني بيه قتلو لاه هذا وكفاه نشوف طريق قالي احكمي يدي برك انا نمشيك _بصح نتخنق قالي مامتيش مين كنتي تحتي راح تموتي على دقيقة ، جوابو ديما حاضر قالي هيا هاتي يدك نعاونك عمري ، حكمتلو يدو هبطني دارني تحت جناحو ويمشي فيا وهوما راهم مقلبين الحالة بالبارود ، قتلو اطلقني خنڨتني قالي امشي برك لمهم واحد ما يلمحك وصلنا لباب وذنيا ولاو يصونيو من ضرب البارود حتى دخلنا وباه نحا عليا عليا هذيك الغمة لقيت عزوجي فالباب رافدة سنيوة فيها حليب وتمر جات عندي سلمت عليها وهزت شربتلي لحليب ووكلتني تمر وزادت شربت لفيصل ووكلاتو قاتلي مرحبا بيك بنتي قتلها يعيشك، حكمني من يدي ودخلني على صوت الزغاريت البارود من برا ، دخلت نلقا هذاك الغاشي اخاااه وشنو هذا عارض نص دزاير عندهم بزاف لفامي من جيهة بويو (كي عاد متزوج بربعة سما كل مرا عارضين اهلها) وصلنا وين نقعدو فوتاي باج مع طابلة باج وفوقها الورد لحمر حتى فالحيط كامل بالورد المهم ديكور يهبل ولاصال كبيرة نتاع همة وشان وقف ودورني ليه قابلتو يعني هزلي الطرحة بقا باهت فيا قالي بوبية مشاء الله باسني من جبيني قالي تبسمي منال يخي ليوم عرسنا قتلو خلاص متضالش تقلي تبمسي تبسمي ماعندي حتى قلب يخليني نضحك ونتبسم وديجا اضحك نتا وازهى نتا يكفي مدام درت لي فراسك الفرحة توليلك فرحتين سكت مانطق بحتى حرف حسيتو يساير فيا كي عدنا في نهار العرس قعدت وجا قعد قدامي حاكملي يدي غير حشمت من يلي راهم يشوفو فينا سينو نجبدها ، وحنا قاعدين دخلو خاوتو وولاد عمومو باش يشطحو (هذي لعقلية قاااع عدنا) دار ليا قعد يهبطلي فالبرنوص على راسي ويغطي فيا قتلو اطلق برك ضك نسقمو وحدي ولا ناض لعندهم و عيط لختو قالها استريها شعرة متبان فيها جات تجري تسقملي و تغم فيا هي وملاك ختي وانا قلبي خارج مزيا مغموليش وجهي باش نشوفهم كيفاه يشطحو نشوف فيه راح لديجي ويبرح عليا بأسمي معرف قاع وشحال عطالهم مع لمدحات كيفاه يغنو ذاك لغنى وذاك صوت ولله عرس في لاحلام مكانش ومباعد صحابو جابوه يشطحو فيه قلهم ديرو لغنية نتاع عجال داروهالو "حاجة بنتك عجبنتي زين وطاي وعقلية لحاجة لا تعطيهالي غدوة نرسل والديا يا مرا بنتك تهبل عندها وحد لمشية تقتل مين نشوفها قاع نفشل تحسبها حوريا" ويا ربي كيفاه يشطح مع لغاشي يبان غير هو ويحرك في راسو غير بلعقل ويضحك معاهم وكي يلحق لغنية نتاع تحسبها حوريا ويشوف ليا ويشر بيدو عليا تقول هذا دا اكبر انتصراتو هي انا وربحني في اخطر حرب ليه يايما كيفاه يشطح لبنات هذوك يشوفو فيه ويريڨو ولله حسدوني عليه بصح حتى انا مش قليلة يشفو ليا ويشفو ليه كأنو حنا كوبل ليل وقمر ههه قعدو زماان يشطحو ومباعد خرجهم وجا ليا نحالي البرنوص وقرب ليا قالي تبسمي برك احرقي عديانك راه نصهم لهنا حليت عيني فيه وهمسلي قالي نصهم راه قلبهم محروق كي خيرتك نتي بينهم _اهاه سما رانا في برنامج من هو الرابح _نتي لي رابحة يخااه وش راه يقول دورت راسي ونشوف فيهم قاع يشوفو فينا وسيرتو وحدة نشوف فيها كيفاه تلحلح قدامنا شفت ليه نلقاه حاط معايا ومع مو يهدر معاها......
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
