بقلم الملكة للقصص 🌸
الحلقة 126
فتحت لباب جيت رايحة لعندو نسمع فيه يعيط ويكفر وبدا يكسر في طابل دونوي لي قدامو صراحة انا خفت مقدرتش نروح ليه وهو بهذي لحالة نسمع فيه يسعل باين بلي ضر روحو رحت نجري ليه خفت يهلك روحو كثر لقيتو نار لاهبة منو خاوتو وخاافو منو وهربو وانا وين جاية ليه معرفتش كيفااه تلحت ليه نهدي فيه جاتني وحد لقوة نتاع عشر رجالة وانا ناكلمي فيه بسيف بااه هدا وسعلة عقاابو شربتو لما وبديت نقراا عليه لقرآن بدا يهدا بشوي عاونتو تكسل فبلاصتو ، بقيت نمسحلو بيدي لعرق لي في وجهو دار جهد كبير غاضني اقرب ناس ليه يجو يدورولو هااك وهو في اضعف حالاتو ناس مبقات فيها رحمة وكل مصيبة نكونو فيها نعرفو وشكون لي يوقف معانا هاذي هي في وقت الشدة يبان حبيبك من عدوك _خلاص فيصل هدي روحك راك مريض وضريت صدرك غير بلعقل حاجة متنفعك من غير صحتك متقلقش بزاف كلشي يهون دار يدو على صدرو ويتألم يتنفس بصعوبة (حالة هذي نعرفها وحاسة بيه مام انا كي نتقلق تضياق عليا النفس)درت يدي على صدرو و بقيت نقرالو لقرآن ونمسح لوحيد هو لي يخفف عليه ، حتى دوا منقدرش نعطيلو لازم بنظام بقا هكاك حتى حتى غفى غاضني والله دمعة جاتني عليه يدير كي لولاد صغار كي يتقلق ميعرفش يحكم في روحو وكي يحب ميعرفش يحب وكي يحزن ميعرفش يحزن حليلو صدمات لي عاشها في حياتو مهيش ساهلة وضك زاد تيتم وبقى وحدو وميحبش يبين ضعفو لناس ابسط المثال خاوتو وخوتاتو ميحبش يشوفوه بهذيك لحالة قد ماهي عقليتو صعيبة وعنيدة بصح قلبو حنين ، ولي صرا ضكا مش ساهل غاضو لحال كي عاد مريض وجاو خاوتو يستغلو فيه بقيت هكاك ساعة نقرالو القرآن ،لي حافضاتو قاع قريتو عليه نضت غير بلعقل باش ميفيقش ونحي في يدي كانت في صدرو ويدو فوق يدي حاكمني باش منوضش غير مجبدت فطن_ريحي منال متروحيش اني عيان مسحتلو على راسو_خلاص هاني هنا ارقد_علاه ناس يخلوني نرقد في غرضي هاتلي تلفون نعيط لمحامي _خليك منهم فيصل التهى بصحتك مطاوعهمش راهم غير يهدرو برك(مقدرتش نقلو بلي نساهم جاوني مين كنت في سبيطار تزيد تخلى عليهم وديجا هو عارفهم بلي هوما مسموماات يدروها نورمال) _منال هاتي انا كي نخرج لهدرة نطبقها هوما وصلو رواحهم لهنا هذي سنين كامل وانا لايمهم وياكلو من رزقي ومتفحشيين فيه جامي لاحسابتهم على حاجة كي لقاوني مريض بعثوهم نساهم جاو يتجرااو يحوسو يورثوني وانا حي نساو لخير لي درتولهم معليهش من ليوم يعرفوني شكون انا!! ،مديتلو تلفون بقى يعيطلو قالو وجد رابور باش خاوتي يخرجو منا على سمانة اذا مخرجوش هاتلهم لابوليس..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
