بقلم الملكة للقصص 🌸
الحلقة 118
ضهرلي بلي فطن من موتو خرج طبيب سقساوه على حالتو كيفاه راه _راهو مليح ضك حالتو مستقرة وتعدى المرحلة لخطر هدرت معاه انا _وشبيه مبونداجي كامل هكذا؟ رانا مخيطينو من فخاذو عندو قداش من نفدة ويديو مكسورة مع كتفو ورجلو ليمنى مكسورا وراسو مخيطينو طااح من فوق جبل كاان عالى بزاف سلك شعرة منها_ وعلاه كومة نورمالمو البنية نتاعو قويا ميحتاجش انو يدخل لكومة وميفطنش؟_وي مدام بصح تقااس في صدرو طااح على حجرة كبيرة جات في ليپومو (Poumons الرئة) ونقص الاكسجين عليها دخل كوما درنالو تنفس الاصطناعي باش فطن _اا اوك بقيت نشوف فيه من زجاج ولا ذرة شعور نحسها من جيهتو متعجبة غير من قدر الله جابلي حقي منو ، شوي هك جات فرملية قالت خلاصت الزيارة راح كل واحد روح لدارو وانا رجعت لداري مع خوتاتو على امل انو يخرج منا على السمانة بصح طول وراوحو خواتاتو بقيت وحدي بين صرااع يعني هنا نفز منو ومندورش ورايا صااي ولا نبقى معاه ونعالجو من كل جهة ونفذ وصية المرحومة ياربي تحطيت بين نارين ، قلت افضل شي نديرو انب نصلي استخارة وندعي ربي يوجهني لطريق الصحيح ، وهذاك لي كان رحت توضيت وصليت ودعيت ربي وبكيت ، مع كملت رحت نرقد (كنا فليل) قلت ان شاء الله يبينلي ربي الطريق الصحيح ، نضت نص ليل مفزوعة ونعرق ونرد في نفس شفت منام خوفني صح شفت يما فالمنام تبكي وتقلي يعيشك بنتي متخليش فيصل وحدو يستاهل فرصة اخرى ومن جهة اخرى نشوف في فيصل طايح وجسمو اكل مدمم على هاذي ونضت ، ستغفرت ونعلت الشيطان ورقدت ، غدوة صباح نضت وعقلي مشتت مالقري احساسب يقلي ابقاي ومع لمنام لي شفتو مي قراري كان انو نخرج من حياتو ونبدا حياتي بلى بيه وكان عقلي هو سيد القرار حطيت قلبي واحساسي على جيهة وخممت في نفسب فقط بلاك هاذي اول مرة فحياتي ملي عرفت صلاحي نخمم فيها بأنانية ونقول مصلحتي فوق الجميع ،فاتت عشريام وانا كل نهار نزيد نأكد على قراري بقيت ديما نعيط لمهدي نسقسيه على الاوراق _اصبري لوراقي مش راح يوجدو بين ليلة ونهار ، بقيت صابرة مي مش حابة يخرح فيصل ونبقا معاه في دار وحدة رحت وجدت قشي باه نروح لملاك ولا لدار عمي المهم منقعدش معاه مابين لا وجدو ليپابي تاوعي وقلت كي يجي نهدر معاه ونفهمو بلي هنا وخلاص ، نصلي فالظهر ماجيت نكمل حتى سمعت هدرة رجال قدام دروج رحت هزيت خيماري درتو ورحت طليت نلقى محمد وعبدو مع فيصل قاعد في لشااز ويمشو فيه تخلعت يعني كيفااه كان وكيفاه ولا هاك منيش نستشفى بصح غاضني حليت عليهم لباب جات عيني في عينو غير ما لمحني دور راسو عليا دخلوه حطوه في لاشومبر وخرجو بقيت انا مصمرة في بلاصتي معرفت نروح ليه ولانتجنبو دخلت لكوزينة قلت نتجنبو احسن وزيد كي شافني دور راسو عليا فهمت بلي مش حاب يشوفني سمعتو يعيطلي روحت ليه رجل للقدام ورجل لور لقيتو متسطح بلاط في رجلو..
جام للحلقات
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
