#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة90
كي لحقت لآخر الشهر السادس قالي لازم نروحو نشوفو جنس البيبي فلول محبيتش قتلو حتى يزيد وراه يبان مي هو ويما بقاو مصرين وليت رحت وجدت روحي لبست روب بوتشامو باج مع مونتو فيرور مارو وبوت وخيمار مارو وشال باج لبرد وعندي وقت مخرجت لازم ندفي روحي(كنا في شتا) درت غير غوسيل ومرطب الشفاه باش منبانش زومبي كملت ورحت لعندو لقيتو قاعد مع يما فالصالو ، كي شافني هكاك مقال والو لقاني مستورة قالي وجدتي روحك نخرجو ؟_ايه راني واجدة ، شفت ليما قتلها هيا نوضي البسي تروحي معايا _اا روحو وحدكم بنتي بلاك تحبو تخرجو كشما وين تروحو ، رحت حكمتها من يدها قتلها كون متروحيش معايا منروحش حتى فيصل قالها هيا لعجوز تروحي ، ولات راحت لبست دقيقة وجات وهبطنا ركبنا ، لحقنا لطبيبة دخلت انا ويما وهو بقا برا يستنا طلعت فوق لاطابل شافتني طبيبة _ شوفي بنتي مزال حملك في خطر نزيد نكتبلك دوا ديريه وابقاي مريحة على الاقل تلحقي لنصف الشهر الثامن ميبقاش خطر على الجنين ضك زيدي اصبري شوي لازمك الراحة باش يكمل الحمل_بصح مدام ولله راني عييت من لفرااش وضااق خاطري بديت نتعب من هذا لوضع_ايه جوستومو بنتي بصح لازم تصبري راهي روح في رحمك لازم علجالو تحملي تعب اي ام تفوت هااك اوك بنتي؟_ايه ان شاءلله ، بقات تشوف فالإيكو تبسمت_ وش كنتي متمنيا يجيك _عادي لي جابو ربي مرحبا ، ولات دارت ليما_لحاجة ونتي وش راكي حابة _والله يابنتي لي جابها ربي مليحة بصح فقلبي تكون طفلة والله نعززها ونديرها في عيني ، ضحكت طبيبة_معليش الحاجة الخطرة الجاية يفرحوك بطفلة ضك راه جايكم طفل مبروك عليكم ، بقيت تشوف في يما فرحتها مش واسعتها (كي عاد بنها متمني طفل) شفت ليها_يما تعيشي نتي لي خبريه انا منخبروش كان مورالي هابط مش كي عاد طفل في كرشي من لول حالي متقلب كي خرجنا لقيناه واقف ويستني ومتحمس واش نقولولو شاف ليا ايا فرحوني واش قاتلكم راحت ليه يما وحكماتو من يدو_او جايك سبع كيما كنت متمني_صح لعجووز؟ شاف فيا صح منال؟! انا سمطتو حسيت روحي على الهامش ديركت سقسى على جنس الجنين ومسقساش عليا ، كي شافني ساكتة ومشنفا جا ليا ووتحضني_ وشبيها الاموورة زعاافنة ولا كي عاد طفل ونتي حابة طفلة؟ضك انا عندي بنتي هي نتي ونجيبو طفل ونربوه ومباعد زيدينا وحدة كيما نتي اوكي؟! بقيت نشوف فيه وعينيا تعمرو دموع ،صح الراجل مهما يكون مراحش يراعي لمشاعر مرتو خمم على مصلحتو ومخممش فيا اسكو مليحة ولا نوو جات ليه مو_ راهي مقلقا كي قاتلها طبيبا زيدي احكمي لفراش مزال حملك في ريسك وهي بيها ضاق خاطرها من دار ولفراش عليها راهي هااك...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
