بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

104

#بًـََـــلَوٌةّْ_حًـَـيَاَ‌تٌـــيَ
بقلم الملكة للقصص 🌸
الحلقة 104:
بقى يدوور وحااكم راسو ويلوم فيا وفي روحوو حتى هو حليلو حسيتو كبر الموضع فوق لازم مقدرش يأمن بقدر الله بلي ربي هو لي كتبلو هااك وشاف فيها خير حبيت نهدر معاه ونكالميه بصح مقدرتش يبان هاايج وحاب يفرغ زعافو_معرفتش علامن نحزن على لعجوز لي معنديش سمانة ملي دفنتها بيدي ولا على  بني لي دفنتو وقلبي يتقطع شفات عليا المقبرة طالع هاابط عليهم حرقتيلي قلبي منال النار راها شااعلة فصدري الطبة قالو بلي نتي لي طولتي كان حكمك لوجع ونتي لي تتحملي لمسؤولية ضك! تشوفي وينااه فيصل ضك تشوفي نتي لي حبيتي هااك لعذااب وجهك وجه لكف حابة تجربي فيصل لي يعذب وميرحمش نحرقك كيما حرقتيني نكويه كيما كويتيني بقى يهدد فيا خوفني نتاع صح هبل عليا لقطرة نتاع الدم لي داروهالي راحت من خلعتو وكلت امري لله وخليت عليه ربي يهديه منزيدش عليه لي فيه يكفيه هي صح صعيبة عليه بين امو وبنو فقدهم على ضربة بصح ميجهلش هااك ويقنط من بلاء ربي بقا يشوف فيا حتى خفت من نضراتو دورت وجهي عليه قلبي راح يحبس دارلي الرعب ناض خرج وخبط الباب دخلت عليا ملاك وحدها عرفتهم خوتاتو راحو معااه بقات تشوف فيا ملاك وفي فمها هدرة قتلها واش قولي_منال تعرفي راجلك مبانليش نورمال السيد جهل على ماترينيتي كامل يهدرو عليه سركلهم كامل ويحاسب فيهم بلواحد بداها من لآجوو واطلع معندوش لحق يدير هااك لي يشوفو يقول غير هو لي خسر وليدو.، شفت ليها _ملاك تعيشي خليني نريح هو هاك عقليتو جاتو مع بعض عليها دار هااك قوليلي ويكتا نخرج مقالتش طبيبة؟_كي فطنتي ضك  بلاك غدوة تخرجي_ايه كي نخرج ملا نروح معااك منروحش لداري ولغاشي ماني حابة نشوف حتى واحد_ايه معليش مذابيا حتى ماما قاتلي اديها معااك متخليهاش وحدها.. قعدت معايا شوي وجا راجلها باه يديها ،بقاتني على خير وخرجت بقيت وحدي نخمم في هدرتو وتهديداتو النوم طار من عينيا بايتة نتقلب حتى دوخني دوا ورقدت..
صباح نضت جات ليا فرملية نوضتني زيادتي كانت طبيعة 100٪ مزادوش فيا كي عاد وليدي صغير قد لكف ليد قلبي تحرق عليه كي مشفتوش ديراكت دفونه داتني درت تحليل وبدلت قشي لبسة بيجامة قطنية مع كومينو نتاعها وغسلت روحي وحكمت بلاصتي دخلو عليا منيرة وصباح جابلوي لفطور وتيزانة كليت شوي لابيتي مصكرة بقاو معيا شوي وخرجو دخل هو وجهو عابس لا سلام لا كلام قعد وراسو لسما وقارو في يديه وينسف حتى في وقت حزنو متعجرف ومتكبر وشايف روحو يستنى فيا نهدر كي شافني ساكتة راح يخرج عيطتلو_اني حابة نروح عند ملاك نبقى اياماات_جاا ليا وعاقد حواجبو ومزيرهم_لاه ولا لإقامة مش عاجباتك عندي؟_نو حابة هي لي تخدمني وزيد في داركم لغاشي وخوتاتك مبقالهمش ويروحو ولادهم يقراو وانا معامن نبقى اني مريضة على اقل كي نبرا نرجع لدار_مكانش لغاشي ولبنات يقعدو معاك سمانة ويروحو وانا اني هنا منيش رايح نخدم حتى تبرااي ملييح ونداوييك على يدي باش بلخف تنوضي وترجعي كيما كنتي تبسملي بستهزااء وخرج ستغربت من ردت فعلوو الهدرة لي قالهالي مورها الف هدرة والف حكاية وحكاية وهنا بدأت رحلتي الزوجية معااه وبان وجهو الحقيقي مين مخدووم....