الحلقة 68:
نطقت مو قاتلو اهلا وليدي وين كنت مبنتش لبارح وليوم تحيرت عليك ( تهدر معاااه على اساااس مدار والووو معايا)حرت منها،، هو حرف منطقو راح جيهة لخزانة ومو خرجت وخلاتنا وحدنا ، بقيت واقفة علامة الاستفهاام فيا وهو ماشاف فيا ما عبرني كشغل مانيش موجودة(معرف لا سمعنا انا ويمااه نحكو عليه ولا نو) حاط كابة قدامو ويحط فيها القش تبانلي رايح يخدم ، دار شاف فيا عينيه حومر دم نضراتو فشلوني بالخوف نطق بصوت خاافت مي في نفس الوقت يزرع الرهبة،_اسمعي نتي تخطي خطوة من هذا لباب بلا اذني نفعل فيك لعجب وعلبالك نديرها ونورمالمو حفظتي عقليتي كي نتقلق فهمتي؟!؟!!، هز قشو وراح لساني تربط باش نفرغ غشي ليه مانبا مخلينش نهدر ونريكلامي على روحي مانبا مطلبش سمااح ولا قال راني ندمان ولا جابها الشيطان انا فاه غلطت معااه وخرج! نظرتي ليه تبدلت بعد لي سمعتوو من مو وتفكرت طفولتو حسيت قلبي تحرك وبدا ضميري يأنبني بصح هذا الشي ميعنييش اني ننسا ونساامحو مهوش نتاع مسامحة هذا ولانمدلو فرصة الثانية، خرج لأمو نسمع فيه يقولها اني رايح لخدمة ونطول باش نروح لآبال لولة كي نعيطلك تهزي عليا وهي منقبلهااش تخرج بلا رااي راني خليتها على ضمانتك وتهلاو في رواحكم وخرج ، كي قال رايح قعدت فبلاصتي رحيت ورجعتلي النفس واخيرا راح نتهنا منو، ضكا نعيط لخويا يجي يدني منبقااش هنا حكمت تلفون دخلت عليا يما قاتلي راه راااح هيا بنتي ارواحي تعشاي وارقدي معايا مترقديش وحدك قتلها راح نحكي مع دارنا لازم يجو منبقاش هنا دقيقة معندي علاه نبقى جات لعندي و حكمتلي يدي وتبكي وتحلل فيا قاتلي يابنتي تعيشي ضك هاهو رااح ونبقى وحدي ومشاكل يرجعو عليا انا وراه من قبيل وهو يوصي فيا ويعاود تعيشي اقعدي معايا حتان يرجع وساعتها نتي دبري رااسك تروحي ولا تقعدي كي سكون هنا ديري رايك المهم اقعدي معايا ونسيني متخلينيش وحدي وزيد راني ولافتك معايا متخليليش الدار فارغة بعد ما عمرتيها نتي بطلتك يعيشك بنتي على جال مصلحتكم راني نهدر تعيشي بنتي متحشمنيش اول مرة نطلب منك طلب، بقيت نشوف فيها ودموع في عينيا مسكينة غاضتني مقدرتش نحشمها وزيد هي معندها حتى ذنب المشكل تاعي مع بنها مش معاها هي واش ذنبها خممت شويا ولحصرة في قلبي معرفت كيفااه نخرج منها وقررت نقعد حتى يرجع ونشوفلها حل ..
فاتو ليامات ويما كل يوم تحاول تخرجني من هذااك لجو كي تشوفني ديما قاعدة وحدي ونخمم على همي تقولي ارواحي ريحي معايا نتوانسو انا وياك وبدات تعلم فيا الطبخ وتقالييد بضحك ولمسايرة ولي تكون صعيبة عليا نشاورها وندي رايها على كبيرة وصغيرة لقاتني ماني فاهمة فيها والو بصح بالها كبير وتعلم غير بضرافة ورزانة ولعقالة تقطر من وجها (عكس بنها المتوحش) ومزيا راسي خفيف تعلمت يعني خرجت من هذاك لجو والتفكير الزايد وخليتها على ربي وليام وكي يجي الوقت نشوف حل لعمري ، فيصل كان كل يوم يعيطلها يعني حفظت توقيتو لي يعيط فيه عندو على8و 12 و 4 وفليل(كان داير كاميرات برا) يقولها تخرج برا بلا مشورتي تخلصها غالية ونعرف ويين تخرج وتروح ومين ذااك ختي وخويا وبابا يجو يطولو عليا وسااعات ويقولولي لاه متخرجييش ولاه ديما قاعدة في دار تولي يما دير في السبة تقولهم راني مريضة عليها متحبش تخليني وحدي كانو ديما يقتانعو بهدرتها وعلبالهم بلي نحبها ومنحبش نزعفها باصكو كنت ديما نحكي لختي على يومياتي (من غير فيصل وعقليتو) وأختي من ذاك تبات عندي تحكمها يما بااه منهربش والله هي لي كانت حاكمتني عندها وزيد انا حبيتها كي شفتها حنينة معايا وتحكيلي على نتاع بكري والثورة خرجتني صح من حالتي كل يوم عندنا جو وعندنا حكياات على بكري اروع ايماات فوتتهم معاهاا...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
