فطنت على طبطيب فالباب نسمع في فيصل يقول ليماه رانا نضنا لعجوز قاتلو هيه اوليدي راه وقت ارواحو تسحرو ، ناض جا لعندي يحسبني راقدة حط يدو على راسي قتلو راني نايضة متشقيش روحك نحيتلو يدو ونضت رحت للدوش غسلت روحي ولحقت عجوزتي للكوزينة لقيتها وجدت السحور(الكسكسي مع حليب ولبن والبطيخ و خبز البيرووش..)قعدت وزاد لحقني فيصل قعد قدامي انا نضت من الرقاد غير دايخة ونشوف قالي فيصل كولي منال وبدا يقدملي كولي هاذي هاذي قتلو منيش موالفة نتسحر قالي بصح هنا تولي تتسحري باه متتعبيش فنهار ،بقا معايا حتى حتملي كليت شوي شربت الما ونضت توضيت وستنيت الاذان كي اذن صليت ورجعت لبلاصتي طول رقدت مافطنت حتى لل10 تاع الصباح ، نضت لقيت فيصل مزال راقد نضت وخليتو هزيت قشي بيجامة كيما العادة ورحت لدوش دوشت وكملت نشفت روحي ولايمت شعري في فوطة وخرجت رحت للاشومبر لقيتو مزال برك راقد فتحت التاقة يدخل ضو الشمس شفتو هز مخدة وحطها على وجهو خفت زعما نرجع نغلقها مباعد قلت خلي وشراحلي فيه اصلا فات وقت الرقاد، رحت للكوافاز هزيت كرام مرطب درت لوجهي عندي بزاف ماتهليتش في بشرتي وحليت شعري مشطتو جيت ندير بسوشوار لقيتو مزال راقد هزيتو وبقيت حايرة نشعلو وخلي تخلا ولا نكسر الشر (مزلت منعرفش عقليتو كي يكون راقد ونوضو وش يدير) بعد تخمام شعلتو وقلت خلي ينوض ، درتلو كملت مشطتو ولايمتو درت ورايا لقيتو قاعد ويشوف فيا قالي كون مجيتش نحبك ونعزك ياعيون الريم راني الدار قلبتها عليك مي ديري رايك اذا هاذ الشي ينحيلك الغش مني قتلو معلاباليش بيك شكون قالك راني نقلق فيك دوشت وراني نشف فشعري وراه المشكل _انا كي نكون راقد مانقبل حتى صوت ونتي من صباح ديري فالحس وزدتي فتحتي تاقة وكملتيها بهاذا ، محبيتش نردلو ونزيد ناقشو كثر ورحت هزيت المصحف وقعدت نقرا حتى لحق آذان الضهر نضت صليت وقعدت مع عجوزتي قاتلي ضك يطلعو يوجدو لفطور ومنا ولجاي تبقا هاذي هي العادة حتى يكمل رمضان قتلها ان شاء الله ، وصح بعد ربع ساعة طلعو كامل سلافاتي وخواتات فيصل (عندو ثلاثة بلا زواج ) ، بداو يوجدو ويطيبو وانا غير قاعدة ونشوف بصح لي تولهت ليه يخدمو بسكات ومام ولادهم مطلعوهمش معاهم قلت ليما وشبيهم ساكتين هك ولولادهم مجاوش معاهم قاتلي فيصل ميحبش الحس ولفوضى جنتو طيرتو الحس والفوضى سيرتو لاعاد راقد نومو خفيف ويحب الكالم ، جاني الضحك كي تفكرت كفاه صبحت مدايرة الفوضى عند راسو تاع الصح راه مساعفني وصابر عليا ، خليتهم يطيبو ونضت رحت لشمبرتي جبدت كتاب وقعدت نقرا نستذكر فقرايتي ونهز في معلومات جدد عليا يفيدوني كي نرجع لقرايتي ، حتى قريب اذان المغرب وباه رجعت للكوزينة لقيتهم وشمن ليبلا حاطينهم يفنوو في طياب تفنان بقيت غير نشوف الله يبارك حطة بداو يهزو ويحطو فصالو قاتلي يما ارواحي نقعدو فصالو راه قريب الآذان رحت معاها (هوما عندهم صالو كبير وطويل جاي على الكوتي فوتايات ستيل خليج وعلى جيهة كاين صالة مونجي salle à manger كبييرة ) انا جيت نقعد وفيصل دخل كي شافني وجهو تقلب قالي منال ارواحي معايا بقاو كامل يشوفو فيا وليت نضت لحقتو قتلو غير الخير وشبيك تعيط عليا قدامهم قالي علابالك بلي خاوتي يطلعو؟_ايه ووين يفطرو_ولاه لابسة هك ومش دايرة خيمارك _نسيت _متزيديش تنساي وروحي استري روحك ، بقيت نشوف فيه قالي روحي وهبطي عينيك عليا لانعميهملك ، راح خرج وليت رحت جبدت جبة لبستها ودرت خيمار ماجيت نكمل حتى اذن وليت رحت توضيت قلت نصلي قبل كملت ورحت للصالو قاتلي يما ارواحي اقعدي رحت قعدت قدامها بدينا نفطرو ماطولوش هو وخاوتو وجاو جا هو قعد قدامي همسلي في وذني قالي لخطرة لجاية ديري لخيمار الطويل تاع صلاة هاذا راه ماغطا والو ، جيت نقلو اخنقني حتى في دار خير وليت سكت نعلت الشيطان ، بدا يقدملي فالماكلة كولي هاذي وهاذي جيت نشرب الما قالي متكثريش باه متشبعيش طلعت راسي نلقا فيهم غير يشوفو فينا سيرتو سلفاتي غير عجوزتي تشوف فينا وتضحك والفرحة تبان من عينيها...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
