بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

34

قعدنا شوي مباعد قالي وضك كفاه تشطحي معايا وروبتك  هكذاا (كي شاف روبتي جاية غير على صدر مفيهاش قاع بروتال وصدري كامل على برا)_ لاه وشبيها روبتي_ شوفي هاهي عريانة يشوفك لكافر يدخل للاسلام ضحكت بإستهزاء و قتلو محال نشطح معاك في جنازتي _هيا منال ولا نوضك بسيف هيا بركاي من صماطة يخي قتلك ساعة نفوتوها مليحة قدام العديان مباعد كي نكونو وحدنا ناكلو بعضانا لاحبيتي ، قعدت نتمصمرلو ونصمط فيه حتى جاتنا Photographe باه ديرلنا فطوات وبدات توريلنا في ليبوز حطي يدك على يدو ومباعد يجيني من لور يحكمني من خصري ونشوفو في بعضانا ...(راكم تعرفو الباقي) وش نقلكم وحد ليبوز قلبي خرج منهم غير حشمت قدام ناس سينو والله مانصور معاه نشوف فيه هو عاجبو لحال ويطبق وش تقلو كي كملت قتلو اطلق جدي وقيل حلااتلك قالي معليش نطلقك وفليل وين تهربي _ايه استنى برك ،جا يجاوبني دخلو علينا بالبياس مونتي جات ختي على جيهتي وختو على جيهتو( زغما يوجهونا) هز الموس عطاهلي وحط يدو على يدي وبدينا نقطعو مع زغاريت وتصفاق قلبو الحالة فيصل حاكمني من يدي وفارح غير انا لي حسيت روحي راني نجوز في امتحان صعب مجا يكمل بسيف وكلني ووكلتو ومباعد جابولنا لخواتم لبسلي لخاتم ولبستلو انا ،كملنا جيت نقعد لاخاطر دخت حسيت السكر هبطلي عاود حكملي يدي قالي متقعديش هيا نوضي اشطحي عرسنا هذا مباعد قال لختو غطيها بلوفاال وصكري كامل لضواو باش واحد منشوفوهم ونتقلق (بقيت نشوف فيه والله مهبول ) قتلو شكون يشطح فالضلمة قالي لاه متسمعيش بالمثل لي يقول خيار الشطيح فالضلمة، بقيت نشوف فيه قتلو مستحيل تكون طبيعي قالي هيا برك وبركاي من لهدرة زايدة حنا نضنا وقفنا ومولات الديجي دارت لغنية تاع شاب بلال صغير (في هاذيك كانت توندونص معندهاش بزاف ملي خرجت ولعراس اكل بيها) " فرحت مين ربي كتبني لييك عرفت نسا بصح نتي unique 🎶🎶 مون غاڥ تكوني معايااا انا نصلي ونتي مورايا 🎶🎶"  ولله هو يعرف يشطح خير مني ومادي راحتو معيا  ويشوف لوجهي ولعينيا ومرة على مرة يهمس في وذني يقولي لي ضاق لبنة عمرو لتهنى وساعة يتغزل وساعة يمدح في جمالي بقيت غير نشوف ماعطيتو حتى رد فعل زاد جبدني لعندو كثر وقالي ولله ماني مصدق ولا مأمن بلي راكي مرتي وتحت جناحي،_مرتك بلحرام  شاف فيا _راني غير نطلعلك كي تكوني عندي نحاسبك عليهم وحدة وحدة  بقينا مع لغنية نروحو ونجو مع وهو راه طايح معيا موووور بصح انا قلبي راح يخرج حاكماتو من يدو ونزيير  عليه قالي بلعقل على يدك لي تتكسر مشا انا. بقيت معاه ودوخة وقلبي راح يخرج غير وقتاه نكملو حتى كملت لغية قلت واخيرا نروح نقعد ماجيت نقلو نروحو نقعدو حتى جات مو وخوتاتو وبنات عمو  ولافامي نتاوعي دارو بينا وقلهم ديرو هزي راسك انا عيني في عينك انا نهبل ونموتااا🎶🎶 (عندو هذا ستيل الاغاني لي يحبهم معرف لاه) جينا فنص وهوما دارو بينا وهو يشطح وحاكم يدي ويدور فيا  جات يماه حكمها هي ثاني ويشطح فينا مع بعض انا هنا مقدرتش نشد روحي تفكرت ماما بقيت نشطح ودموع يجريو كي شافتني عجوزتي عرفت بلي تفكرت ماما اصلا موقف كيما هك نتفكرها بسيف ،بقات تحضن فيا وتبوس تقولي والله نديرك كي بنتي واغلى كي شافني هاك حكمني من يديا ومشاني معاه داني وحد لاشومبر لي نتصدر فيها قعدني على الفوتاي وقعد قدامي حط يدو على كتافي وجبدني لصدرو بقا يصبر فيا و يمسحلي في دموع ويبوس ونا مش حاطة معااه قااع جا يتحضني خبطتو لصدرو ونطبع فيه ندبتلو قتلو بعد عليا شكون قالك توشيني وقرب ليا ولا نتا تنتاهز الفرصة لي تجيك قالي حبسي وش راكي ديري قطة تخبش في اسد ريحي عاقلة وفوتي لعرس بخير وعافية وفليل نحكو قتلو في منامك _ ايه تالمو بيا غير نحلم بيك خايف هذا نهار يكون منام ، سمعنا الباب يطبطب ولا ناض خرج قالي تهلاي فروحك الزين تاعي وراح، دخلو عليا فاميلتي قالولي لازم تتصدري ونا رفضت قوتلهم منيش قادرة ربي يسهل قعدت معايا ملاك ولبنات يقنعو فيا حتى قنعوني قتلهم معليش بصح كي نقول عييت خلاص نحبس متكثروش عليا قالولي كيما تحبي  ناضت ملاك عيطت للماشطة جات ومعاها وحدة بقاو يصدرو فيا ونا ولله ماني حاطة ولا وراني شغل بوبيا تمشي وخلاص ( كي نشوف عرسي في البوم ولي فيديو نقول اخاه كيفاه عقبت عرسي قاع بتشناف نتبسم غير من فوق لقلب) جات لماشطة و مولات لكميرا قالولي اضحكي شوي راهم يقولو بلي نتي تتكبري عليهم يعني عندهم لحق  لي يشوفك يقول هذي راهي مسيفين عليها وزيد يبان راجلك يموت عليك مشاف حتى وحدة منغيرك عليها راهم حاسدينك عليه بصح حتى نتي ولله ماكي قليلة الله يبارك عليك قمر  هوما يهدرو ونا نشوف غير بلعين نحوس نزرب نكمل ونتهنا ضاق فيا النفس وتعبضت،كملت تصديرا خلاص مقدرتش ولجوع حاكمني هذوين تفكرت كرشي راني نهار كامل بلا ماكلة قعدت  الدوخة تدي فيا وتجيب حاسة سكر هابطلي..