متخلينيش نعاملك بل عنف وراسك متيبسيهش معيا نتي تاعي وحدي ورزقي وحدي واحد ماني حاب يلمحك ولي يشوف فيك برك نعميلو عينيه وراني نديرها انا نطبق منهدرش فهمتي منال فهمتتتي بقيت نشوف فيه ميبانش طبيعي خفت منو زاد قرب ليا وحط فمو على فمي وبدا يبوس فيا ويتنفس بأعلى ونفسوو سخون وقوي بزااف كمشت روحي غمضت عينيا ووليت نضرب فيه بيديا على صدرو حاولت نبعد ووالو تقول صنم بغيت نطير ونهرب بصح والو مقيدني ومخلانيش نتحرك مع فارق لاطاي لي بيناتنا انا منبانش قدامو طوول بقيت هكداك حتان طلقني وطبعني عليه فتحت عيني شوفتو عينيه حومر دم وشواربو يرعشوو قالى بصوتو الهادي نتي تاعي وحدي نتي ملكي واحد ميملكك من غيري فهمتي منال نتي تااااعي نتي ملكي قتلو تعيش خليني نروح _ روحي وكي يسقسوك قولهم كنت في اصونصار _ لاه_روحي برك ضرك يعرفو ، روحت نجري فتحت لباب وهبطت لقيت الحالة مقلبا يحوسو عليا رحت نجري تحضنت ماما وقلبي راح يخرج من البكا ناضو يعيطو كامل خاوتي بابا وين كنتي قتلهم في الاصونصار ماما قاتلي عرفتها كنتي ثم لاه تطلعي فيه ياك جامي روحتي ليه وكي روحتي ليه راحت تيريسيتي (يعني كان مخططلها ذيب هدا بنادم خبيث كل خطوة يديرها بحسابها والله حصلت معاه وربي كبير هذا تاع الصح بلوة)، دارنا علابالهم بلي عندي فوبيا من بلاصة ضيقة وضلمة نخاف نموت منها حتى عادت ماما تقرالي فالقرآن و قاع دايرين بيا الا مراد جابد روحو ويشوف فيا بشك بقيت نخبي في ذراعي (بلاصة الحرق) خفت ماما تشوفها وتسقسيني والحمدلله متولهتش سينو تموت من الخلعة وتبقا دير معايا تحقيق، هبطو نسا عمامي وعماتي وبنات عمي (قعدو غير عماتي زوج ومرت عمي وحدة) عاودو ركبو باه يديماري الكورتاج ( لاخاطر كي ملقاتنيش ماما ولات تحوس وتعيط كامل طلعو لدار يحوسو عليا) ، قاتلي ماما هيا روحي معاهم وانا وعماتك ومرت عمك نروحو للاصال ماتجو تروحو وتجيو يكونو الضياف لحقو ، محبيتش لخلعة لي ديتها نشفتلي دمي مي مراد ومهدي محبوش قال دوك سموك معانا سيرتو مهدي قعد يقنع فيا حتى قتلو خلاص خليلي بلاصة معاك ضك نجي ،قتلهم نلبس قشي ونجي هوما هبطو وانا رحت دخلت عقمت الحرق ونبكي مقدرتش نستوعب كفاه حرقني هكذا وانا ساكتتلو بقيت نلوم في روحي كفاه نعطيه الفرصة حتى يتمادى معايا هكذا رحت لبست عباية كحلة وخيمار كيما وصاني لانو صح خوفني سيرتو كيفاه كان وكيفاه حرقني درت على رايو وانا مش حابة خفت صح ومبغيتش تتعاودلي نفس اللقطة خممت بلي كون يزيد معايا شوي نحكي لتاع دارنا وخلي تخلى، هبطت وانا نشوف ورايا خفت يزيد يخرجلي مي مزية ملقيتوش حتى جيت نركب وباه شفتو واقف مع مراد خويا محبيتش حتى نشوف فيه ، طريق كومبلي ونا نخمم فيه درلي رعب نتاع MBC2 وهو اصلا يشبهلهم ،لحقنا لدار خالي وانا بالي عند الوحش لي حصلت معاه ماركزتش مع لعرس طول ،دخل مراد خرج عروستو ورجعنا رحنا طول للصال لقينا لمعاريض تاعنا اكل لحقو (عرضنا لافامي لقراب ولبعاد بابا عرض معارفو وصحابو وماما ثاني عرضت كامل معارفها وصحباتها)راكم عارفين لعرس كيفاه يفوت دخل مراد هو و عروستو قعد شوي وخرج وهي قعدت تصدر حتى مع ليل ڤاع جاو خاوتي ولفامي (عندنا عادي يدخلو لافامي في لعراس هك ومام ساعات يدخلو صحاب لعريس واحد ولا زوج مش كامل يعني)دخلو مع مراد باه يدير الخاتم لعروستو ، كي شفتهم دخلو رحت نجري بدلت الفضح لي كنت لابساتو ههه لبست قفطان في غوز كلار مع صندالة طالون بيضا ودرت شوي مكياج مكثرتش غير شوي غوز في فمي وماسكارا كملت ورجعت وقفت مع مع بنات لافامي وولاد عمي وخاوتي دايرين لومبيونص بشطيح بقيت نشوف ونتبسم اصلا مورالي كان في زيرو بقيت نشوف حتى تولهت لعبد نعرفو ومع لغاشي مبانليش ثبت مليح لقيتو فيصل ياربي وش جابو هنا مالا دخل معى ولاد عمي (كي كان هو وخويا بكري صحاب دايرو كي خوه هاذي لحاجة عرفتها ممباعد) مي يبان راه في معركة عاڨد حواجبو ويشنف ويشوف فيهم كيفاه يشطحو حتى تولهلي بقى يشوف فيا منحاش قاع عينيه مني وبنات فاميلتي نشوف فيهم كيفاه يكحلو عليه لاخاطر صح يبان هو برك في هديك لصال طولو عرضوو هيبتو تحسو هاز لقوة في جسمو كامل ڤد ماهو يخوف ڤد ماهو جذاب وقيل هدا هو لي قالو عليه دا لهيبة نتاع رجالة..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
