#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 98 :
فات عليا هذاك نهار غير نبكي من جيهة فراق يما جاني صعيب ومن جيهة سترجعت لي دارو معايا فيصل ، وليت غير نرد فغشي لشغل قد ماحاولو يحبسوني منيرة وصباح وخالتي فتيحة مي مقدروليش حتى فيصل يعيط فتلفون ويبعث فليميساج تاع متعبيش روحك وجي فبلاصة واقعدي وراكي مريضة...، وانا ولا علابالي المهم نسي روحي لاخاطر اذا قعدت فبلاصة يكثر عليا التخمام ونولي نطلع ونهبط ونزيد غير على روحي، لحق ليل وباه حبست قلت نخلي طاقة شوي لغدوة سابع نتاعها وعارضيين بزااف غاشي ويخرجو الصداقة عليها رحت الملكة للقصص دوشت ولبست بيجامة وتكسلت فبلاصتي دخل فيصل درت على جنبي لوخر _عمري وشبيك ليوم ولا الهرمونات رجعو كي لعادة وزيد قالولي بلي هلكتي روحك في الشغل ياك قتلك متهبيش كاين لي يخدم نتي راكي مريضة ومتقدريش.، محبيتش نجاوبو قلت خلي يفوت الحال ويروحو الناس ونبقى راسي وراسو باش نواجهو يفهمني على هبالو هذا مين مخدوم وكيفاه داير يحطلي نقاط على الحروف،جا تكسل قدامي ودورني ليه غمضت عينيا درت روحي راقدة حط راسو قريب لكرشي وبدا يهدر معاه كي عوايدو من تعبي رقدت وخليتو اصلا عجبني لحال كي راه حاط يدو على كرشي حسيت بدفا ومع لوجع لي حاكمني رخفت روحي وخليتو يلعب بكرشي ورقدت ، فطنت فليل على وجع قاااوي ديما هاك يجي ومرات يروح وحريق فضهري ، قعدت فبلاصتي نشوف في فيصل راقد بنوم بيه التعب نتاع الغاشي لي فوتنااه، هزيت تلفون لقيتها 01:00 ، رجعت تكسلت وحاكمة كرشي ولوجاعة غير تزيد فوتها ليل كامل وانا بالوجع مكنتش نعرف بلي زيادة تجي هك قلت بلاك وجع كي لعادة ويروح وهاذي اكبر غلطة درتها فاتو زوج سوايع وسطر غير يزيد نضت رحت قلت نتحرك شوي بلاك يتنحالي طليت من بالكو المطر خيط من سما ولبرد ناض فيصل جا ورايا وحط يدو على كرشي_وجبيكي نايضة_نو والو جيست سمعت لمطر حبيت نشوف_ارواحي راه لبرد ضك تمرضي، رجعنا بلاصتنا ورقد ماتولهش ليا بلي نتوجع وانا محسستوش ونا رقدت داتني عيني تجيني كي صكرة مع الوجعة طلع عليا صباح وقفت وليت ندور فلاشومبر حتى حسيت بالما يسيل مع رجليا ولوجع قوا بزاف كان من قبل يروح ويجي ضك ملي جا مراحش حكمت حكمت فروحي وعيطت عيطة وحدة ، ناض فيصل مخلوع حكمني من يدي_ وشبيك منال وشبيك متخلعينيش عليك وليت نديرلو غير براسي الهدرة راحتلي اصلا فهذاك لوجع مستحيل اي وحدة تقدر تهدر ولا تخمم ولا تركز ، عيط لخواتاتو جاو دخلو عندي مع شافوني وشافو حالتي عرفو بلي راح نزيد قالولو اجري بيها لسبيطار هاذي تاع زيادة ..
جام للحلقات
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
