بقلم الملكة للقصص 🌸
الحلقة 122:
راكي في عقلك اذا بيك على لعلاج علاجي عندك نتي قتلك من قبل بلي نتي دوايا_سما حبيت تقول بلي كي طبق مرضك وهبالك عليا تبرا وتنقص ولا كيفااه_ايه هكا حتى توالفيني _ونتا في ميزك نقبلها ونتقبلها نورمال ورها لي تقبل الذل والحڨرة والعنف هاك مستحيل نقبلها ! نقولك حاجة مدامني دايرة حجابي وخيماري تقبل بشروطي وتعهادني بعهد انك تقبلهم وتكون هدرتك هدرة رجال وعلبالي بلي نتا عند كلمتك صحة نقعد معاك حتى تخلاص مهمتي ماتوعدنيش خليني ضك نرجع منين جيت _سما راكي تستغلي فيا ك لقيتني ضعيف ومحتاجك في اضعف اوقاتي حبيتي تتقواي عليا بشروطك لي مزال مبان عليهم والو _افهم كيما حبيت وليت نمشي كيما نتا ماشي تستغل المواقف هكاك ؟وكيما يقلك انت معلم وانا منك نتعلم ،بقى يضحك عليا_ راها خارجة عليك هذ التغير ايه واش هوما شروط وضك نقولك نوافق ولا نو _اولاً لازم تتعالج من هذا المرض حتى ومتقبلش طبة انا نعالجك نروشاارشي على طرق لعلاج ونسقسي طبيبة نعرفها من دومان قرايتي تلقيت بيها ونعرفها من زمان،. ولازم وتندمج معايا فالعلاج متحبسش في نص الطريق وتقول عييت لازم تخلص حتى نهاية وثاني شرط متوشنييش كامل بدون رضايتي وتضربني كيما منقبل لانو لحد لان منيش ناسيا واش عملت فيا ومنقدرش نرجع ليك كلي مكاين والو ومش راح ننسا وثالثا صلاتك داوم عليها متتركهاش مش علجالي هذا الشي باش ديرو على جالك نتا بنفسك تلقاها في قبرك توب لربي وكي يسامحك ربي باش نسامحك انا باه حياتك تتيسر و متستنى مني والو انو نكونو كزوجين ندير معااك واجبي كا زوجة ولبيلك طلباتك حتى تبرا ونروح نقطة ونتهى._هذو راهم مش شروط هذو احتياجات نعاهدك عليهم كامل الا وحدة منعاهدكش عليها انو منستنى منك والو ونخليك تروحي ولله وتروحي لقندهاار جايبك ليا جايبك لا هنا منوعدكش نصبر عليك وي وندويلك جراحك ونحتوييك ليا ونعوضك على كلشي باش ترجعي ليا وفي حضني بصح باه تقولي مانستنى والو نو منقبلش_منرجعش ليك قتلك مترغمنييش وتسيف عليا هذو هوما شروطي مستحيل نرجع ليك كلشي فيا مات من جيهتك_خلاص نخلوها مع لاياام نحييهالك هذي لي مات كلشي فيك مع انو خليتك في حالة وضك راكي زايدة غير تعراضي ووتنفخي وتقولي كلش مات خلي مالا ليام هي تنسي مام انا منيش ناسي بصح اني نحاول نسي في روحي حتى انا راني نفوت في صعااب ومش ساهلة عليا كي اذيتك هاك راني قابل وفارح بلعكس كي نفطن مع روحي ونشوفك كيفااه تتألمي نتألم كثر منك فوق جهدي لي نديرو فيك هذا الشي لي مقدرتش نحكمو في روحي عليك ونتي ثان متلحقيش روحك معيا نورمالمو هنا تعرفي عقليتي_ملا راك موافق بشروطي توعدني وعد رجال _وعد راجل حر ومنرجعش في هدرتي حتى انا حاب نخرج من هذي لحالة وحابك تنوريلي حياتي لي كانت ضلمة قبلك مع انو راكي منورتيها بوجدك وهذا يكفيني...
جام للحلقات
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
