အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 1

『Unicode』

မြို့တော် A ရှိ အားကစားရုံကို မကြာသေးခင်က ပြန်လည်ပြင်ဆင်မွန်းမံခဲ့သည်။ အားကစားရုံကို အများသုံး အခမဲ့ဖွင့်လှစ်လိုက်သည်နှင့် လူအများက ကွင်းအတွက် အပြေးပြိုင်ဆိုင်ကြတော့​၏။ ဘတ်စကတ်ဘောကွင်းသည် ရေပန်းစားသော နေရာတစ်ခုပေမို့ အကြို ချိန်းဆိုထားရန်လိုအပ်သည်ထင်။ ပြုပြင်ရာ၌ အချိန်အတော်ကြာ ဆိုင်းငံခဲ့သဖြင့် ချိန်းရက်က သုံးလကြာမှ ဖြစ်​၏။

လီယန် ဤနေရာမှာ ကြည့်နေခဲ့တာကြာပေပြီ။ ဘတ်စကတ်ဘောကစားနေသည့် ကောင်လေးများကြား၌ မျက်နှာသစ်လေးတစ်ယောက် ပါလာ​၏။ ယခုမှ ဝင်လာသော အသစ်ကလေးဖြစ်မည်ထင်။ အနှီ ဘတ်စကက်ဘောအသင်းသည် C တက္ကသိုလ်​၏ ဘတ်စကက်ဘောအသင်းဖြစ်ပြီး မြို့နယ်ကျောင်းပြိုင်ပွဲ ချန်ပီယံဆုများ အကြိမ်ကြိမ်ရရှိထားကာ အနိုင်ရရန်ခက်လှ​၏။

ထို့အပြင် ယခုမှ ဝင်လာသော အဖွဲ့ဝင်အသစ်ကစားပုံကလဲ ကြမ်းလှသည်။ ပြီးခါနီးလောက်၌ သူဟာ ပြိုင်ဘက်ကို ၃မှတ်သွင်းယူခွင့်ပေးခဲ့ပြီး ပြိုင်ဘက်အား တစ်မှတ်မှမရသည့် အရှက်ကွဲမှုမျိုး ခံစားခွင့်မပေးခဲ့ပေ။

Sneakerများ ကြမ်းပြင်ကို ပွတ်တိုက်သည့်အသံနှင့် ဘတ်စကတ်ဘောက ကြမ်းပြင်ကိုထိသံ ၊ ဘတ်စကတ်ဘောရိုက်သံတို့က ရောထွေးနေလျက်။

ပြီးဆုံးသွားသောအခါ Bတက္ကသိုလ်​၏ ဘတ်စကက်ဘောအဖွဲ့ဝင်ကစားသမားတိုင် ချွေးတရွှဲရွှဲဖြစ်နေခဲ့ပြီး ချွေးစက်များက သစ်သားကြမ်းပြင်ပေါ်ကတွင် စီးကြောင်းလိုက် ရောနှောကုန်သည်။

ဤနေရာရှိ ဟောဟဲလိုက်နေသော ကစားသမားများနှင့် မတူစွာ C တက္ကသိုလ် ဘက်ခြမ်းရှိ ကစားသမားများမှာတော့ နဖူးတွင် ချွေးစို့ရုံသာရှိ​၏။ ကစားသမားအများဟုက စကားပြောရင်း ရယ်မောနေကြကာ အချင်းချင်း ရေသန့်ဘူးများ ပစ်ပေါက်နေသေးသည်။

တစ်ဖက်တွင်တော့ Bတက္ကသိုလ်​၏ ဘတ်စကက်ဘောအသင်းသားအားလုံးမှာ တစ်ယောက်ကိုတစ်ယောက် စိမ်းသက်သည့်အကြည့်များနှင့် ဒေါသထွက်ရန် စိုင်းပြင်းနေကြ​၏။အချို့က ချမ်းသာသောမိသားစုမှ ကလေးများစွာပါဝင်နေသောကြောင့် C တက္ကသိုလ်ဘတ်စကက်ဘောအသင်းက ပါဝါကြီးတာဖြစ်ကြောင်း ပြောကြသည်။ တချို့ဘတ်စကက်ဘောအသင်းများသည် အားနည်းသူကို အနိုင်ကျင့်၍ အားကြီးသူများကို ကြောက်ရွံ့သည်ဖြစ်ရာ ပွဲကို တမင်တကာလွှတ်ပေးတတ်သည်။သို့သော် တချို့အသင်းများက ထိုသို့ပြုမူတတ်လောက်သည့်တိုင် Cတက္ကသိုလ်​ ဘတ်စကက်ဘောအသင်း​၏ အင်အားကလဲ ကောင်းမွန်ကြောင်း ချင့်ချိန်တတ်သည့် မျက်လုံးရှိသူတိုင်း မြင်နိုင်ပါ​၏။