အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 17

『Unicode』

လုလျန်နင်ကို မဆိုနှင့်။ ချန်မြောင်ပင် ပထမဆုံးအကြိမ်အဖြစ် ဆောင်းရာသီကို တောင်ပေါ်မှာ ကုန်ဆုံးဖူးတာဖြစ်သည်။

ချန်မြောင် လုလျန်နင်အတွက် ထုပ်ပိုးပေးခဲ့သော အဝတ်ထူထူများကို လုလျန်နင်က ကောက်ယူခဲ့​၏။

တောင်ပေါ် အပူချိန်က နိမ့်နေသည့်အပြင် နှင်းကျပြီးနောက် အပူချိန် ပြင်းပြင်းထန်ထန် ကျဆင်းတော့သည်။

ချန်မြောင် တွေ့နေရ​၏ ၊ ရိုက်ကွင်း၌ လုလျန်နင်သည် ဆင်တူ အဝတ်တစ်ထည်တည်းကိုသာ ဝတ်ထားရဆဲ။ အလွန်သိမ်မွေ့နူးညံကာ မျက်နှာက ရေခဲပမာ အေးစက်လှသည်။ သို့တိုင် နဂိုဖြူစွတ်သော လက်ချောင်းထိပ်များမှာ အအေးဒဏ်ကြောင့် နီရဲနေပြီပင်။

ချန်မြောင်မှာ လက်အနွေးအိတ်နှစ်ခုယူပြီး အားသွင်းထားရ​၏။ ဇာတ်ကွက်ရိုက်ကူး ပြီးစီးသည်ကို မြင်သည်နှင့် သူ အမြန်သွားပေးရသည်။

လုလျန်နင်က ရောင်စုံဒီဇိုင်းများနှင့် လက်အနွေးအိတ်နှစ်ခုကို ကြည့်​၏။ သူ အမှန်တကယ်အေးနေသောကြောင့် ဖြစ်မည် ၊မျက်နှာက အနည်းငယ် ပြာနှမ်းနေကာ ထိုထိုသော ကြေးထူသည့်စကားများပင် မဆိုနိုင်တော့ချေ။ သူဟာ ချန်မြောင်ကိုအနည်းငယ် ထီမထင်ဟန်ဖြင့်ကြည့်ပြီး လက်တွေကို ထည့်လိုက်​၏။

ချန်မြောင်က သူ့ကို ဂွမ်းသားအထူအင်္ကျီဖြင့် အုပ်ပေးသည်။ ခဏမျှ ပတ်ရုံရှိပြီး ၊ လုံလုံလောက်လောက်ပင် မနွေးခင်ပြန်ဖွင့်ရပြန်သည်။

သူ ယခုပင် အပူပေးထားရသော အနွေးဓာတ်များမှာ လေအေးကြောင်း တစ်ဖန် လွင့်ပြယ်သွားကာ ဖွင့်လိုက်သောအခါပို၍ပင် အေးစက်သလို ခံစားလိုက်ရ​၏။

လတ်တလောမှာ ရန်ချီက အပြီးသတ်ဖို့ကို အပြင်းအထန်ကြိုးစားနေ​၏။ သူ အနည်းငယ် ဖင့်လိုက်ပါလျှင် နှင်းသည်းထန်လာပြီး ၊ တောင်ပေါ် ပိတ်လိုက်ရမည်ကို စိုးရိမ်၍ပင်။ ရိုက်ကူးရေး​၏ အပြင်ပိုင်းရိုက်ကွင်းများက အပြီးသတ်တော့မည်ဖြစ်၍ ပြီးခဲ့သည့်နေ့ရက်များမှာ သူ အချိန်ပိုဖြင့် အလုပ်လုပ်နေခဲ့သည်။