အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 34

『Unicode』

ထိုနေ့က လုလျန်နင်သည် အလွန်မူးခဲ့၍လား ၊ ရုပ်ရှင်ပြီးကာစ အခြေအနေကြောင့် အဆိုပါအခြေအနေထဲက ရုန်းမထွက်နိုင်သေး၍လား မသိပါ။

သူ့ကြည့်ရတာ အခြေအနေနှင့် အလွန်လွတ်ထွက်နေသလိုပင်။

မျက်လုံးမှိတ်လျက်နှင့် ချန်မြောင်​၏ ပေါင်ပေါ်မှာနားနေခဲ့သည်။ ချန်မြောင်မှာ အချိန်ကို ကြည့်မိရာ မနက်ခင်း ၁၂:၄၀ရှိနေပြီမှန်းသိလိုက်ရ​၏။

ထို့အပြင် သူနှင့် လုလျန်နင်​၏ သူငယ်ချင်းများက ပထမဆုံးအကြိမ် ဆုံဖူးကြခြင်းဖြစ်၍ သူတို့နှင့် မရင်းနှီးပေ။ လုလျန်နင်​၏ ပုံစံက သူ့ကို အမှန်တကယ် ဖြေရှင်းရခက်စေတော့​သည်။

ချန်မြောင်မှာ တစ်နာရီထိတိုင် ဆက်လက်ရှိခဲ့သော်လည်း တကယ် သည်းမခံနိုင်တော့ပေ။ ဘားထဲရှိ လေထုက နောက်ကျိနေပြီး မီးတွေကလဲ ရှုပ်ယှက်ခတ်ကာ မွန်းကျပ်သလို ခံစားရလာရသည်။ လုလျန်နင်ကမူ သေသလို အိပ်ပျော်နေဆဲ။ သူခေါင်းငုံ့၍ ကြိမ်ဖန်များစွာ ခေါ်ကြည့်သည့်တိုင် လုံးဝ မတုံ့ပြန်ခဲ့ပါချေ။

ချန်မြောင် နောက်ဆုံးကျမှ လုလျန်နင်ကို အရင်ပြန်ခေါ်သွားနိုင်ရန် အလယ်တွင်ထိုင်နေသော ပုဂ္ဂိုလ်ကို ပြောဖို့ဆုံးဖြတ်လိုက်သည်။သူ ထိုပုဂ္ဂိုလ်​၏ အမည်ကိုပင်မသိသေးပေငြား လုလျန်နင်က အနှီပုဂ္ဂိုလ်ကြောင့် ပိတ်ပွဲပါတီ ပျက်ရကြောင်းကိုတော့ သိပါ​၏။

သူက လုလျန်နင်ကို တစ်ဝက်ပင့်, ကူလိုက်သည်။ရိုက်ကူးရေးကြောင့် ဤကာလအတွင်း ကိုယ်အလေးချိန် အများကြီးကျသွားသည့်တိုင် Alphaသည် မပေါ့ပေ။

" မင်္ဂလာပါ... ငါသူ့ကို အရင်ခေါ်သွားနှင့်ပါ့မယ် ၊ သူအရက်တွေ....အရမ်းမူးနေတယ်။ " ချန်မြောင်​၏ အသံက ဘားရှိပွက်လောရိုက်နေသော အသံများကြားတွင် ပြတ်တောင်းပြတ်တောင်းနှင့် မရှင်းလှ။

သို့သော် အလွန်နီးကပ်နေကြသဖြင့် ချီကျန့်ဟာ ချန်မြောင့်ထံမှ လုလျန်နင်​၏ ဖယ်ရိုမုန်းနံ့တွေ ထွက်နေသည်ကို အနံ့ရမိသည်။