အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 36

『Unicode』

《Broken Window》ရုပ်ရှင်သည် နိုင်ငံခြားတွင် ဆုတစ်ဆု ဆွတ်ခူးခဲ့သည်။ယွီရန်ကမူ မအံ့ဩ။ မည်သို့ဆိုစေ သူ​၏ပထမဆုံး နိုင်ငံတကာရုပ်ရှင်ဆုမှ မဟုတ်ပါပဲ။

သို့သော် ယင်းသည် လုလျန်နင် လျစ်လျူရှု့လို့ ရနိုင်သော အရာတစ်ခုမဟုတ်တော့ပေ။ ထို့ကြောင့် အင်တာနက်တွင် လုလျန်နင်​၏ သတင်းများ စတင်ပျံ့နှံ့လာတော့သည်။ သူ​၏ သရုပ်ဆောင်စွမ်းရည်နှင့် ရုပ်ရည်ကို ချီးကျူး၍ အခြားတက်သစ်စကြယ်ပွင့်များနှင့် နှိုင်းယှဉ်လာကြရာ အလွန်ပင် ပွဲစည်နေတော့သည်။

ခဏတာမျှ လုလျန်နင်အကြောင်း ခေါင်းစဉ်များက ဆက်လက် Hotနေခဲ့သည်။

ကုချန်မှာ ထိုစဉ်က ဖြစ်ရပ်ကောင်းတစ်ခုဟု ထင်မြင်ခဲ့သည်။အားတက်သရောမဟုတ်လှသည့် လုလျန်နင်တစ်ယောက်နောက်ဆုံးမှာတော့ နာမည်ကြီးလာတော့မည်ထင်။

ထိုနေ့က ပရိုမိုးရှင်းပွဲတစ်ခု ပြီးကာစအချိန်။

ချန်မြောင် လုလျန်နင်ကို အိမ်သို့ ပြန်မောင်းပို့ရ​၏။ သူ လမ်းဆုံမှ ကွေ့လိုက်သည်နှင့်တပြိုင်နက် မီးရောင်က လက်ကနဲ့ဖြစ်သွားခဲ့သည်။ လုလျန်နင်​၏ မျက်နှာမှာ ချက်ချင်း ပြောင်းလဲသွားကာ ဆဲရေးလိုက်သည်။

ချန်မြောင်သည်လည်း အမြန် တုံ့ပြန်နိုင်လိုက်ပြီး လှည့်ကြည့်လိုက်​၏။ အမှန်တကယ်ပင် သူတို့နောက်မှ ကားတစ်စီးလိုက်လာခြင်း ၊ သောင်းကျန်းလှသည်ပေ။

လီဗာကို အနည်းငယ်မျှ နင်း၍ ချန်မြောင်မှာ သုံးလမ်းလောက် ကွေ့ပြီးခါမှ အနှီလူစုကို ရှင်းထုတ်နိုင်လိုက်​၏။ သို့သည့်တိုင် လုလျန်နင်​၏ မျက်နှာမှာတော့ အလွန်အကျဉ်းတန်နေခဲ့ပြီပင်။

ကားက လမ်းဆုံ​၏ မီးနီနှင့် တွေ့နေချိန် ချန်မြောင်က ခပ်တိုးတိုးမေးလိုက်သည် : " ငါတို့ ဘယ်သွားကြမလဲ ? အိမ်... အိမ်ပြန်ကြမှာလား ! ? "

" ချီးကို အိမ်ပြန် ! ငါတို့တွေ ရှာတွေ့ခံလိုက်ရပြီ ၊ တံခါးဝမှာ ထိုင်နေကြတဲ့ ပါပါရာဇီတွေ အများကြီးပဲ ! " လုလျန်နင်သည်လွန်စွာ စိတ်ရှုပ်နေလျက်။