အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 75

『Unicode』

အိမ်တော်ထိန်းက စာအုပ်ပုံးအတွက် လက်မှတ်ထိုးပေးပြီးနောက် လုလျန်နင်က စာကြည့်ခန်းထဲသို့ယူသွားလေသည်။ထိုနေ့၌ သူနောက်ကျသည်အထိ ထွက်မလာတော့ပေ။ ညဘက် သူ ထွက်လာသောအခါ လီယန်က အိပ်ပျော်နေချေပြီ။

လုလျန်နင်သည် ယခင်ကထက်ပို၍ အိမ်မှာ အချိန်ဖြုန်းလာ​၏။ နှစ်ကုန်တော့မည်ဖြစ်၍ သူ အလုပ်များနေသင့်တာပင်။

သူ အိမ်မှာရှိနေချိန်ဆို လီယန် အပြင်ကို လွယ်လွယ် ထွက်လို့မရပေ။ နေ့စဉ်နေ့တိုင်း အကြီးမားဆုံးသော လှုပ်ရှားမှုမှာ ခြံဝင်းအတွင်းရှိ မြေဆီလွှာကို ဆွ၍ ရေလောင်းခြင်းသာ။ ထိုသို့သော အလုပ်ကို အိမ်တော်ထိန်းကလဲ အလွယ်တကူ လွှဲယူသွားနိုင်​၏။

ငါးလကျော်လာပြီးနောက် ၊ ညဘက် လီယန် သန့်စင်ခန်းသွားချိန်တွင် သူ ဒယိမ်းဒယိုင်နှင့် အရမ်းသတိမထားခဲ့။

သန့်စင်ခန်း သွားပြီးမှ သူ ဘေစင်တွင် လက်ဆေးသောအခါ သူ့ဗိုက်ထဲမှ တစ်စုံတစ်ရာက လှုပ်သွားသလို ခံစားလိုက်ရ​၏။ ပထမတုန်းက သူ ထင်ယောင်ထင်မှားဟု ထင်ခဲ့လိုက်သည်။ သူ မှန်ထဲက သူ့ကိုယ်သူကို ကြည့်နေပြီးမှ ရုတ်တရက်ရပ်တန့်သွား​၏။ ရေဘုံပိုင်ရှိ ရေများက သူ့လက်ကို ဆေးကြောနေပြီး ရေပူပူက လက်များကို အနည်းငယ်ပင် နီရဲလာစေလျက်။

မှန်ထဲရှိ အမျိုးသားမှာ ဝမ်းဗိုက်ကြီးမားနေသောလည်း လက်မောင်းများကတော့ ယခင်အတိုင်း ပိန်နေဆဲ။ သူ ခြေနှစ်လှမ်းဆုတ်လိုက်ရာ သူ့ခြေထောက်တွေကလဲ ယခင်နှင့် သိပ်မကွာသည်ကို တွေ့လိုက်ရသည်။

ဝ,လာတယ်ဆိုရင်တောင် ဘာကြောင့် ဗိုက်တစ်ခုပဲ ကြီးထွားလာရတာလဲ။ သူ့ စိတ်ရှုပ်ထွေးသွား​၏။ ထို့နောက် ဤကာလအတွင်း အစားစားနေတုန်း မကြာခဏ အန်ခဲ့ရသည်ကို သူ အမှတ်ရမိ​၏။ လုလျန်နင်​၏ မူမမှန်ခြင်းတွေ ၊ သူထိုးခဲ့ရသည့်ဆေးတွေ...ဟုတ်သား.. ပြီးတော့,...ကြောင်ဝတုတ်လေး။ သူ ကြောင်ဝတုတ်လေးကို မမြင်ရတာကြာပြီပင်။

နောက်ဆုံး သူ့မျက်လုံးတွေမှာ ဗိုက်ပေါ်ရောက်သွား​၏။ သူ တုန်ယင်လျက် လျော့ရဲရဲ Pajamas ကိုလှန်ကြည့်လိုက်သည်။လက်များကို ဗိုက်ပေါ်တွင် အုပ်ကိုင်လိုက်သောအခါ ဗိုက်ထဲမှ အရာက နောက်တစ်ကြိမ် လှုပ်လာပြန်​၏။