အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 65

『Unicode』

လီယန်မှာ လုလျန်နင်​၏ အပွေ့အဖက်ကို မရုန်းမပြုနှင့် ခံနေရသည်။ သူ့မျက်လုံးတွေက တစ်ဝက်စင်းကျလျက် အလွန်အားနည်းနေဟန်ပင်။ သူသည် ပြိုလဲလုတဲတဲအသံဖြင့် ဆိုသည် : " ငါ တကယ် မင်းကို သည်းမခံနိုင်တော့ဘူး။ ဒီလိုမျိုးဆိုဘယ်သူမှလဲ မင်းကို သည်းခံနိုင်မှာမဟုတ်ဘူး။ "

လုလျန်နင်​၏ လက်များမှာ ချက်ချင်း တင်းကြပ်သွားသည်။ ထိုအခါ လီယန်​၏ ခန္ဓာကိုယ်မှာလည်း ရုတ်တရက် ကျုံ့သွားကာ လည်ချောင်းမှ မသဲမကွဲအသံတစ်ခွက်ထွက်လာ​၏။ လည်ပင်းမှ ဒဏ်ရာကြောင့် ဖြစ်ပုံရသည်။

လုလျန်နင်​၏ မျက်နှာမှာ ကြိမ်ဖန်များစွာပြောင်းလဲနေလျက်။သူသည် လျာဖျားတွင်ရှိနေသော မကောင်းသည့်စကားများကို ပြန်မျိုချလိုက်ရသည်။ သူသည် သူနှင့်မျက်လုံးချင်းတည့်တည့်မဆုံလိုသည့် ရင်ခွင်ထဲမှ လီယန့်ကို ကြည့်ရင်း သူ့ဦးနှောက်က သေချာပြန်မကောင်းသေးဘူးလားဟု တွေးမိလာသည်။ သူက လုလျန်နင်​၏ " ငါမင်းကို နာအောင်လုပ်မိသွားလား " ဟူသည့်စကားကို " ငါမင်းကို ထပ်ကိုက်ချင်တယ် " ဟု ကြားလေသည်။

ထို့နောက် လုလျန်နင်ကို ထိုသို့သော စကားကြမ်းများပြောဆိုခဲ့သည်။

ထိုနေ့ကတည်းက လီယန် စိတ်အခြေအနေမကောင်းဖြစ်ခဲ့ပြီး အပြင်မထွက်ပဲ အိမ်မှာ ရက်အနည်းငယ်မျှ နေထိုင်ခဲ့​၏။ယင်းက တကယ်ပင် မူမမှန်လှ။

အိမ်တော်ထိန်းမှာ လုလျန်နင်​၏ ခေါင်းညိတ်မှုကို ရရှိပြီးနောက် လီယန့်ကို တီဗွီကြည့်ချင်သလားဟု အကြံပြုလာသည်။

လီယန်မှာ ဆိုဖာပေါ်တွင် ကိုယ်တစ်ဝက်မှီ၍ တီဗွီကြည့်နေပြီး ရံဖန်ရံခါ အိမ်တော်ထိန်း ယူလာပေးသော အဆာပြေသစ်သီးကို ပါးစပ်ထဲ ထည့်သွင်းနေလိုက်သည်။

အိမ်တော်ထိန်း ခြံပြင်သို့ ထွက်သွားစဉ် လီယန်သည် ရမုဒ်ကွန်ထရိုးကို ဆွဲယူလိုက်သည်။ သူသည် ချန်နယ်ပြောင်းလိုက်ပြီး မင်္ဂလာပွဲကျင်းပမည့်အချိန်ကဲ့သို့သော လုလျန်နင်နှင့်စုန့်ရွမ်၏ စေ့စပ်ပွဲနှင့်သက်ဆိုင်ရာသတင်းများကို ကြိုးစားရှာဖွေကြည့်လိုက်သည်။