အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 73

『Unicode』

ကိစ္စများက လုလျန်နင်​၏ အစီအစဉ်အတိုင်း သွားနေခဲ့သည်။ နည်းနည်းတော့ ချောမွေ့လွန်းနေသည်ဟုပင် ဆိုလို့ရနိုင်​၏။

မတ်လလယ်လောက်၌ ညစာစားချိန်မှာ လီယန်က စားနေရင်း ရုတ်တရက်ထရပ်လိုက်သည်။ ထိုင်ခုံက စူးရှစွာ ကျွီခနဲ့မြည်သွားပြီးနောက် သန့်စင်ခန်းသို့ အန်ရန် အလန့်တကြားပြေးသွားသည့်အသံများက တစ်ပါးတည်းပါလာသည်။

လုလျန်နင်​၏ မျက်လုံးများ အနည်းငယ်ပြူးကျယ်သွားကာ ပြီးကာမှ တစ်စုံတစ်ရာကို သဘောပေါက်လိုက်ပြီး အိမ်တော်ထိန်းကိုကြည့်လိုက်​၏။

အိမ်တော်ထိန်းက ချက်ချင်း ကျန်းကျစ်ကိုခေါ်ကာ ညနေပိုင်းမှာ လာခဲ့ရန် ပြောလိုက်သည်။

လီယန်​၏ ကိုယ်ဝန်ရှိကြောင်း သတင်း အတည်ပြုနိုင်လိုက်သည်နှင့်တပြိုင်နက် အိမ်ရှိ အခြေအနေမှာ သိပ်မအေးဆေးလှတော့ပေ။

ထိုနေ့က ကျန်းကျစ် သူ့ကို လာစစ်ဆေးခဲ့သည်။ စစ်ဆေးပြီးနောက် သူက ဘာမှ မပြောပဲ လုလျန်နင်ကိုသာ မျက်နှာသေနှင့် ခေါင်းညိတ်ပြလာသည်။ ထို့နောက် လီယန် ကြားလို့မရသည့် တစ်စုံတစ်ရာအား ပြောကြမည့်အလား နှစ်ဦးသားအပြင်ထွက်သွားကြ​၏။

လီယန်သည်လည်း အနည်းငယ် စိတ်ပူနေသည်။ သူ အပြင်းအထန်နေမကောင်းဖြစ်နေသည်ဟု ခံစားရ​၏။

လတ်တလောမှာ လုလျန်နင်​၏ သူ့အပေါ် အပြုအမူများက ယခင်ကထက် အများကြီး ပိုကောင်းလာခဲ့သည်။ ဤသို့ ဖြစ်လေလေ ၊ လီယန် ပို၍ စိတ်ထင့်လာလေလေပင်။ သူ့မှာ အချိန်အများကြီးမကျန်တော့ဟုတွေးမိသည်။

သို့တိုင် သူ လတ်တလောမှာ ဆေးမထိုးရတော့ပေ။ တစ်ခါတလေ စားချင်စိတ်ပျောက်သည်မှလွဲ၍ မသက်မသာဖြစ်တာမျိုးလဲ မရှိ။

ပြီးလျှင် လုလျန်နင်က ရုတ်တရက်ကြီး သူ​၏ တစ်ပတ် ယွမ် ငါးဆယ်ကို ရုတ်သိမ်းသွားခဲ့သည်။

ယင်းက လီယန့်ကို အလွန်ဝမ်းနည်းစေသော်ငြား လုလျန်နင်က သူ့ကို အိမ်မှာပဲ အမြဲနေစေချင်နေသည်မှန်း သူခံစားလို့ရခဲ့ပါ​၏။