အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 15

『Unicode』

ရှောင်းမင်မှာ အလွန်မူးနေပြီး ဖြူဖွေးလှသောမျက်နှာက ရဲနေ​၏။ လုလျန်နင်​၏ တည်ကြည်သော မျက်နှာကိုကြည့်ရင်းသူ့မျက်လုံးထဲတွင် မျက်ရည်များပြည့်လာသည်။

ညစာစားပြီးနောက် ရှောင်းမင်အကြာကြီး မနေတော့ပေ ၊ သူ စိတ်အခြေအနေတကယ်ဆိုးရွားနေသည်ဟု ထင်မိ​၏။ လုလျန်နင်​၏ ဆက်ဆံရေးကို ရပ်ဖို့ ရုတ်တရက်ဆုံးဖြတ်လိုက်ခြင်းက သူ့ကို အငိုက်မိစေသည်။ သူသည် ကိုယ်ပိုင် ခံစားချက်များအတွင်း နစ်မြှုပ်ရင်း သူ စကားပြောမှားခဲ့သည်သော်၎င်း ၊ လုလျန်နင်ကို သွားဆွမိသည်သော်၎င်း လုပ်ခဲ့မိသလားဟု ပြန်လည် အမှတ်ဖော်မိသည်။ သူ မည်သည်ကိုမှ အမှားမလုပ်ခဲ့သလို ခံစားရမိ​၏။ သို့သော် လုလျန်နင်က သူ့အား ရိုးရိုးတန်းတန်းပင် ငြီးငွေ့သွားလေသည်။

ဤသို့သော နည်းဖြင့်တွေးကြည့်ပါက သူ ပိုလို့တောင် ထိတ်လန့်ရ​၏။

စင်စစ်တွင်မူ သူဟာ ခေါင်းရှင်းရှင်းထားရန် မိမိကိုယ်ကို သတိပေးနေခဲ့သည်။ သို့သော် ဤအခိုက်အတန့်၌ သူ ဆို့နင့်ကာစိတ်ဓာတ်ကျနေရဆဲ။

ဘာပဲဖြစ်ဖြစ် ပိုက်ဆံကိုဖယ်ထား၍ လုလျန်နင်​၏ မျက်နှာကို ကြည့်နေရရုံဖြင့် ၊ သူနှင့်အကြာကြီး အိပ်ခဲ့ပြီးနောက်မည်သူက မည်သူ့ကို အခွင့်အရေးယူနေသလဲ မသိတော့သလို ခံစားရ​၏။

ရှောင်းမင် ညစာစားပြီးနောက် သူ ဒယီးဒယိုင်နှင့် ထရပ်လိုက်သည် ; မူးနေသည်မှာ သိသိသာသာပေ။

သူက တံခါးထံလျှောက်သွား၍ ပြုံးကာ လုလျန်နင်ကို နှုတ်ဆက်လိုက်​၏။ ထို့နောက် ကားသော့ဖြင့် ထွက်သွားမည်ပြုသည်။

လုလျန်နင်ကမူ ခေါင်းတစ်ချက်သာညိတ်ကာ ဘာမှ မဆိုပေ။

တံခါးပိတ်သွားသံကို ကြားလိုက်ပါမှ ချန်မြောင် ရုတ်ခြည်းအသိဝင်လာ​၏။

သူဟာ ဘေးမှာ ကြမ်းတိုက်နေခြင်းပင်။ သူ့ခြေထောက်အောက်မှ ကြမ်းပြင်မှာ ဆယ်မိနစ်နီးပါး အတိုက်ခံလိုက်ရ၍သန့်ရှင်းလွန်းလို့ အရောင်ပင်ပြန်နေချေပြီ။