အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 57

Unicode

လုလျန်နင်တစ်ယောက် လီယန် ဆေးထိုးအပ်ကြောက်သည့်အကြောင်းကို မမျှော်လင့်သည့်ဖြစ်ရပ်မျိူးနှင့်သိရှိခဲ့ရတာပင်။

လီယန်ဟာ ကြောင်ကုတ်ခံခဲ့ရ​၏။

ရက်ပေါင်းများစွာတိုင် မတွေ့မြင်ခဲ့ရပါသော လမ်းဘေးကြောင်လေးဟာ ဖန်လုံအိမ်ထဲ၌ ရုတ်တရက်ကြီး ပေါ်လာခဲ့လေသည်။

ကြောင်ပိန်လေးက ပန်းစင်ထောင့်တွင် ကွေး၍ သက်တောင့်သက်သာဖြင့် တစ်ရေးတစ်မောအိပ်ခဲ့သည်။

လီယန်တစ်ယောက် ၎င်းကို အတန်ကြာ အကဲခတ်နေခဲ့ပြီး သူ့လက်ဖြင့် ထိမကြည့်ပဲ မနေနိုင်တော့ပေ။

မမျှော်လင့်စွာ သူလက်ဆန့်လိုက်သည်နှင့်တပြိုင်နက် သတိကြီးလှသည့်ကြောင်က မျက်လုံးဖွင့်လာကာ ခြိမ်းခြောက်နိုင်စွာဖြင့် မာန်ဖီလိုက်​၏။ ၎င်းက လီယန့်ကို စူးရဲသည့်မျက်လုံးများဖြင့် စိုက်ကြည့်ပြီး လက်ကို အမြန် ကုတ်လိုက်လေတော့သည်။

လီယန်မှာ လက်မောင်းပေါ်တွင် စူးကနဲ့နာကျင်မှုကိုခံစားလိုက်ရပြီး လက်ရုတ်လိုက်သည့်တိုင် လက်မောင်းတွင် သွေးစို့ရာများစွာ ကျန်နေရစ်ခဲ့ပြီပင်။

သူ သန့်စင်ခန်းအတွင်း အလျင်နှင့်ပြေးသွားလိုက်သည်။ သို့သော် မည်သည့်ကြောင့်ရယ်မသိ ကြောင်က ကြောက်သွားပုံရကာ ပန်းအိုးနှစ်လုံးကို အောင်အောင်မြင်မြင်နှင့် ခွဲလိုက်လေသည်။ အိမ်တော်ထိန်းက လီယန်တစ်ခုခုဖြစ်ပြီအထင်နှင့်ဝင်လာသည့်အခါ ကြောင်က ပြေးထွက်သွားသည်နှင့် ပက်ပင်းမိလေ​၏။

ကြောင်မှာ အဖမ်းခံခဲ့ရသည်။

လီယန်မှာမူ သူ့လက်များကို အိတ်ထောင်ထဲထည့်ထား​၏။ အိမ်တော်ထိန်းက လာမေးသောအခါ သူက ခေါင်းယမ်းပြ၍ မထိခိုက်မိပါဟုဆိုလေသည်။

အိမ်တော်ထိန်းက ခေါင်းညိတ်ပြပြီး လီယန့်ရှေ့မှောက်မှာပင် လုလျန်နင်ကို ဖုန်းခေါ်ကာ လီယန် ကြောင်ကုတ်ခံလိုက်ရကြောင်း ပြောလိုက်လေသည်။

လီယန်တစ်ယောက် အိမ်တော်ထိန်းကို ခဏမျှ စိုက်ကြည့်နေပြီးမှ ပါးစပ်တွေစေ့ကာ အိမ်ထဲပြန်ဝင်သွားတော့သည်။