အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 23

『Unicode』

နှစ်သစ်ကူးမတိုင်ခင်ည၌ လုလျန်နင် ဂိမ်းတစ်ပွဲမျှပင် မနိူင်ခဲ့။ သူ ဧည့်ခန်းက ကြမ်းပြင်မှာ တင်ပျဉ်ချိတ်ထိုင်ရင်း စိတ်တထင့်ထင့် ခံစားနေရ​၏။

ဂိမ်း​၏ အသံက ကျယ်လောင်လွန်းလှသည့်တိုင် သူက မည်သည့်ကြောင့် ချန်မြောင် အရွက်လှီးနေသည့်အသံကို ကြားနေရသေးသလဲ ?

အရမ်းကို ဆူညံလွန်းသည်။

ဂိမ်းဖန်သားပြင်ပေါ်၌ နောက်တစ်ကြိမ် သွေးနီရောင် " Game over " ဟု ပေါ်လာချိန်တွင် သူ လုံးဝ စိတ်ရှည်နိုင်စွမ်းကုန်ခန်းသွားပြီး ဂိမ်းမှ ထွက်ပစ်လိုက်တော့​၏။

သူ ဂိမ်းမှ ထွက်လိုက်သည်နှင့်တပြိုင်နက် ဖန်သားပြင်ကြီး​၏ ချန်နယ်တိုင်းတွင် ထုတ်လွှင့်နေသော နွေဦးပွဲတော်ကိုစတင်ပြသနေခဲ့​၏။

အေးချမ်းအသက်ဝင်လှသော ကံကောင်းခြင်းကိုယ်စားပြု အနီရောင်ပွဲတော် ၊ တင်ဆက်သူက နှစ်သစ်ကူးဆုမွန်ကောင်းကို ဖတ်ပြနေခဲ့သည်။

လုလျန်နင် လှည့်ကြည့်လိုက်သောအခါ ချန်မြောင်က စွပ်ပြုတ်တစ်ခွက်နဲ့ ထွက်လာသည်ကို တွေ့လိုက်​၏။ သူဝတ်ထားသော အေပရွန်တွင် မတော်တဆထိမိသဖြင့် ဂျုံမှုန့်အချို့ ရှိနေလျက်။

တီဗွီပိတ်တော့မည့် လက်ဟာ ရပ်သွားပြီး ထသွားကာ ထမင်းစားပွဲမှာ ဝင်ထိုင်လိုက်​၏။

ချန်မြောင်က မီးဖိုချောင်ထဲသို့ ကပျာကယာပြန်သွားကာ ပန်ကန်းနှစ်လုံးယူပြီး လုလျန်နင်အတွက် ပန်းကန်အပြည့်ဖြည့်ပေး၍ သူ့ရှေ့မှာ ချပေးလိုက်သည်။

ကြွေထည်ပန်းကန်လုံးအဖြူမှာ အဖြူရောင် ဖက်ထုပ်များအပြည့်။ ဤတစ်ကြိမ်တွင်တော့ လုလျန်နင်ဟာ ထူးထူးဆန်းဆန်းပင် မည်သည်ကိုမှ မှတ်ချက်ပြုခြင်း ဝေဖန်ခြင်း မရှိပေ။

ဧည့်ခန်းရှိ ဖန်သားပြင်ကြီးပေါ်တွင် အဆို၊အက ဖျော်ဖြေရေးက စတင်နေပြီဖြစ်သည့်တိုင် သူတို့နှစ်ယောက်မှာ ဖက်ထုပ်ကို တိတ်ဆိတ်စွာ စားသောက်ခဲ့ကြသည်။