အမှောင်မြစ်ခွင်း အလင်းတည်ရာ || ဘာသာပြန် ||『Completed』

Chapter - 50

『Unicode』

လီယန်တစ်ယောက် မြို့တော်A​၏ နယ်နိမိတ်မှ ထွက်ခွာလုဆဲဆဲအချိန်တွင် လုလျန်နင် ဖုန်းခေါ်ဆိုမှုတစ်ခုရခဲ့သည်။

ယင်းသည် လုမိသားစု​၏ အကြီးတန်းစီမံခန့်ခွဲမှု၏အလွန်အရေးကြီးသော အတွင်းရေးအစည်းအဝေးတစ်ခုမှာပင်။ လုအန်းလင်က အလယ်ရှိ ပင်မထိုင်ခုံတွင် ထိုင်နေပြီး လုလျန်နင်က သူ့ဘေးမှာ ထိုင်နေရသည်။

ဖုန်းက ဆက်တိုက်တုန်နေခဲ့လျှင် လုလျန်နင် နှစ်ချက်မျှ ဖိပိတ်လိုက်သည်။ ယင်းက သုံးကြိမ်မြောက် မြည်လာသောအခါလုအန်းလင်က မျက်မှောင်အနည်းငယ်ကြုံ့သွားသည့် အောက်မှပင် လုလျန်နင် ဖုန်းပြောရန် ထွက်လာခဲ့လိုက်သည်။

ခေါ်ဆိုမှုမှာ ဤကာလအတွင်း လီယန့်နောက်မှ တိတ်တဆိတ် လိုက်ရန် လုလျန်နင် စီစဉ်ထားသည့်သူ , လင်းချန်ထံမှပင်။

သူက လူပျောက်သွားခဲ့ကြောင်းပြောလာ​၏။ ညနေခင်း ၉:၄၀ရှိနေပြီဖြစ်သည့်တိုင် လီယန်ဟာ လုအိမ်သို့ ပြန်မရောက်လာသေး။

လုလျန်နင်​၏ မျက်နှာမှာ ရုတ်ခြည်း ပျက်ယွင်းသွား​၏။ သူလက်သီးကို ကျစ်ကျစ်ပါအောင်ဆုပ်လိုက်မိသည်။ လီယန်သည်ကား အနာကျက်သွားသည့်နောက် နာကျင်မှုကို မေ့လျော့သွားသည့် နမူနာဟု တွေးနေမိသည်။

သူ အစည်းအဝေးခန်းသို့ ပြန်မဝင်ဖြစ်တော့။ သို့သော် လုအုပ်စု​၏ အမြင့်ဆုံးအလွှာမှ စင်္ကြံရှိ ပြင်သစ်ပြတင်းပေါက်​၏အရှေ့၌ ရပ်ကာ သူ့ခြေထောက်အောက်မှ တလက်လက် မီးရောင်များကို ကြည့်နေလိုက်သည်။

၃နာရီကြာသော် လုလျန်နင်​၏ ဖုန်းမှာ လီယန်​၏ နောက်ဆုံးရသတင်းကို လက်ခံရခဲ့သည်။

မည်သို့ ဖြစ်စေ ဒါသည် ဆွေကြီးမျိုးကြီးမိသားစုဖြစ်သည် လုမိသားစု အလွန်အာဏာရှိပြီး လုပ်နိုင်စွမ်းရှိသည့်မြို့တော်A။လုမိသားစုသည် မျိုးဆက်ပေါင်းများစွာ​၏ အခြေခံအုတ်မြစ်များနှင့် ရှုပ်ယှက်ခတ်နေသည့် အဆက်အသွယ်များ ရှိသည်။ သူတို့တွေ လေလာရာဘက်ကို အနည်းငယ်မျှ အရိပ်ပြလိုက်ရုံဖြင့် မရေမတွက်နိုင်သည့်လူများက သူတို့အတွက် အလုပ်လုပ်ပေးဖို့ အပြေးရောက်လာကြလိမ့်မည်။