قاتلتي ومعشوقتي

11- لـغـز مـعـقـد

صلي على خير الأنام 🤎

كان داوود يقف في المنتصف وعلى جانبه الأيمن تقف أريام وعلى جانبه الايسر عبدالرحمن وكلاهما يسانداه للقيام بجلسة العلاج ليقول داوود بقلق فـ الأمر حقا متعب :

-ما بلاش دلوقتي مش احنا لسه عاملين العلاج الصبح يا أريام هو كل شوية

-معلش علشان تبقى كويس يا داوود ويا سيدي الخضرة اهي في كل حتة والموضوع هيساعدك اكتر

هزت اسماء رأسها تأيد كل تقوله أريام لتكمل هي :

-طب بقولك اتخيل انك على كوكب المشتري هناك الجاذبية شديدة جدا وعلشان ترفع رجلك من على الأرض محتاج مجهود وهما بس كام خطوة مش هنطلب تدخل ماراثون

ابتسم عبدالرحمن علي كلمات أسماء اما داوود بدأ في تحريك قدمه ويضغط بيديه على كفى أريام وعبدالرحمن الممسكان به بينما أسماء تقف على بعد عدة خطوات منه تحاول تخفيف الألم عنه قائلة بمزاح :

-طب اقولك لغز وكل ما تقول الإجابة غلط تتقدم خطوة، ما هو الشئ الذي يدخل القبور بالليل والقصور بالنهار، تخاف منه الملوك، تحبه النساء ويكرهه الرجال وتلعب به الأطفال

اعتلت البلاهة وجوه الثلاثة كما اعتلت وجهك انت ايضا أيها القارئ، ما هذا اللغز المعقد فـ جميع الجمل متناقضة ليبدأ عقلهم في العمل محاولين إيجاد إجابة تتناسب مع كل الجمل ليقول داوود :

-المياه

-تؤ غلط اتقدم خطوة

تقدم داوود خطوة وعقله يفكر في إجابة لتقول أريام وهي تميل عليه هامسة :

-ما تقول كده الميزان

ضحكت اسماء وهي تهز رأسها نافية :

-لا غلط برضو اتقدم خطوة يا داوود

رفع عبدالرحمن يده قائلا بحيرة :

-ممكن اقول انا

-لو غلط داوود هيتقدم يلا قول

-الهواء

-لا غلط برضو

تقدم داوود ثم اردف بسرعة فقد وجد الإجابة :

-عرفتها الجن بيدخل القبور بالليل وممكن القصور بالنهار وبيخاف منه الملوك واي كائن هيخاف اساسا وتكرهه الرجال بس لحظة هتحبه ليه النساء

اكملت أريام ببلاهة وهي تحك شعرها بعدم فهم :

-وهتلعب به ازاي الأطفال

ابتسمت اسماء على هذه الحيرة ثم اردفت بنفي :

-غلط أساسا لازم الشئ يتطابق مع الكل يلا يا داوود اتقدم

تقدم داوود عدة خطوات هذه المرة وليس خطوة واحدة ولم يلحظ هذا فهو كان يفكر جدياً في حل لهذا اللغز حتى انه لم يلحظ ان أريام تركت يده وبدأت تفكر هي أيضا