قاتلتي ومعشوقتي

3- مـنـتـوت الـعـيـد مـيـلاد

صلي على خير الأنام 🤎

عدة طرقات بصوت مزعج يعلم طارقها هي من جعلته يفتح الباب مرغمًا ليجد سكر هي الطارق حسنًا ومن غيرها سيكون :

-خير يا سكر جاي تقرفيني على المسا

هزت رأسها بأجل تدعوه للخروج بيدها وعلى شفتيها ابتسامة بلاستيكية :

-اطلع برا يا أحمد انا عايزة اختي وهنسهر سوا

-نعم يا ضنايا ولما انتي تسهري مع اختك انا اسهر مع امي

-لأ مع اخوك

ما ان ختمت هذه الجملة الباردة سحبت أحمد للخارج بسرعة لم تجعله يستوعب ماذا حدث وما ان سحبته دلفت هي وأغلقت الباب ليصرخ أحمد بجنون :

-بت سكر متهزريش افتحي الباب طب خليني ادخل دلوقتي وبكرة اقعدي معاها اليوم كله لو عايزة

تحدثت الأخرى من خلف الباب بعدما اغلقته بالمفتاح جيدًا :

-روح نام مع اخوك ومتخافش يا عم روميو مش هاخد منها حتة هرجعهالك كاملة بكرة

ظل أحمد يصرخ عليها ان تفتح لكن ولا حياة لمن تنادي فذهب الي غرفة بلال ووجهه ممتعض بشدة ليفتح بلال الباب بعدما استمع إلى طرقاته التي انتشلته من شروده ليجد أحمد يقف على الباب ويبدو على وجهه الضيق فقال بضحك :

-اي اللي جابك عندي ده انا قولت مش هشوف خلقتك غير بعد اسبوع

دفعه الآخر حتى يدخل هاتفًا بحسرة :

-العفريتة بتاعتك السبب أعوذ بالله من منها اخدت مني مراتي

ضحك بلال بقوة على هذه النبرة المتحسرة ليقول بمواساة :

-معلش معلش بكرة تتعوض اروح اجيب فشار ونتفرج على فيلم ده انت مخطتش اوضتي من يوم ما اتجوزت يا جدع

جلس أحمد علي الفراش لينفتح باب المرحاض ويخرج منه رائف بشعر مبلول ملتصق بوجهه يرتدي بنطال باللون الأخضر وتيشيرت بنفسجي ، لا يعلم حتي كيف جمع هذان اللوان معًا، والأسوء من هذا يغني بصوت يشبه نعيق الغربان

🎶 الاقصر بلدنا بلد سواح فيها الأجانب تتفسح.. وكل عام وقت المرواح بتبقى مش عايزة تروح وتسيبنا بلدنا 🎶

-بقى بعد ما كنت هسهر مع الملبن أسهر مع جوز الغربان دول، روحي يا سكر يا بت فيكتور إلهي يطلعلك ابو رجلك مسلوخة يسلخ جلدك

~~~~~~~~~~~~

خرجت نيرة من المرحاض ترتدي مأزر الاستحمام وتمسك في يدها منشفة صغيرة تجفف بها شعرها لتتفاجئ بـ سكر تجلس القرفصاء على الفراش وصدقًا صدمت من وجودها هنا، بينما الأخرى راقصت حاجبيها هاتفة بعبث شديد :

-معلش يا عروسة اخدتك من جوزك الليلة

-وهو ساب الأوضة ومشى كده عادي؟!!