قاتلتي ومعشوقتي

23- بـنـفـس الـنـبـرة الـمـتـحـسـرة

غيرت الغلاف يا جماعة علشان لاحظت اني فيه ناس كتير حاطة نفس الغلاف بس العنوان بس مختلف اي رايكم في الجديد 💜👀

صلي على خير الأنام 🤎

ما ان اغلقت المكالمة مع والدها نظرت الي أحمد النائم ثم قالت بأسف :

-معلش يا احمد مضطرة اعمل كده علشان تصحى

ما ان ختمت كلامها حتى صفعته بعنف على وجهه مرة واثنين فسقط أحمد أرضاً بهلع ليجد نيرة تقف امامه وهي تمسك بهاتفه فقال بضيق وهو يمسح وجهه بنعاس :

-اي يا نونة فيه حد يضرب حد وهو بيصحيه حرام علفكرة

-أحمد ازاي نمت دي الساعة 10 بالليل

نظر الي الساعة بالحائط بدهشة قائلا :

-اي ده بجد ده الوقت عدي انا فضلت اشتغل على تحليل دمك ومن النعس نمت انا منمتش من ليلة إمبارح

-طب قوم يلا بابا من الصبح بيتصل عليك وانت نايم زي الجاموسة قوم علشان نمشي

رفع حاجبه باعتراض وعدم رضا لتلك الكلمة :

-جاموسة ماشي يا ملبن هعديها بمزاجي

تحرك ناحية الباب وفتحه بكلمة السر وهو يفرك عينيه بنعاس ثم تحرك للخارج وهي معه لكن قبل أن تخطو خارج المنزل سمعت صوت ماسة آتى من خلفهم قائلة بدهشة :

-نورين اهلك بيدوري عليكي بقالهم 3 ايام ومن شوية جم سألوا عنك انتي وأحمد

-ما انا رايحة اهو

نظرت إلى ملابسها او الاصح ملابس والدتها بعدم رضا :

-بس اغير هدومي الأول

تحركت نحو الدرج حتى تذهب للغرفة التي تجلس بها وتغير هذه الملابس لكن وجدت أحمد وقف أمامها قائلة باصرار :

-لا مش هتغيرها هي كده حلوة

-حلوة اي يا أحمد انا مش بلبس بالطريقة دي

-لا حلوة وبالعكس الطريقة دي احلي يا ريت تغيري طريقة لبسك الضيق لدا

عقدت حاجبيها بضيق فمثل هذه الملابس ستعوقها ان تعرض لأحمد أحد لهذا ترتدي البناطيل والسترتات طوال الوقت :

-أولا انا لبسي مش ضيق انا كل لبسي Medium وثانيا اللبس ده مش هيناسبني ثالثا بقى وده الأهم انا عمر ما حد علق على لبسي علشان تعلق انت عديني كده

ابتسم أحمد واعترض طريقها مجددا وقرر ان يستخدم طريقته الخاصة والمميزة في الإقناع قائلا :

-لبسك اه Medium بس علشان انتي دبدوبة فيبان ضيق بلاش تبوظي شكلك الحلوة ده انا أول مرة اشوف لبسك حلو انا مش بقلل من جمالك انتي فعلا جميلة والاحتشام والسترة دايما بيناسبوا اي بنت خبي جمالك يا نورين علشان تفضلي دايما جميلة