قاتلتي ومعشوقتي

33- لأنـها فـعـلا mon amour

طبعا فيه ناس عملت كده لما قرأت العنوان 😕
دول بقى اقولهم معلش هتعرفوا الكلمة دي يعني اي

صلي على خير الأنام 🤎

نظرت جميلة الي أحمد بعدما صعدوا السيارة ثم قالت بريبة :

-مدخلتش للدكتور صح

-لا دخلت عادي

نظرت اليه بذهول وكأنه اخبرها بأن الشمس ستشرق غدا من الغرب ليقول هو بتساؤل :

-مش انتي قعدتي معاها 8 سنين في أوكرانيا اكيد تعرفي عن حالتها النفسية ازاي وصلت للعقد دي كلها

-لما الإنسان يتعرض لصدمات كتيرة في حياته طبيعي يدخل في عقد نفسية ودوامة سوداء ملهاش آخر ومن وقت ما نيرة كان عندها عشر سنين وهي بتتعرض لصدمات وراء بعض اولهم ان امها مشيت ورجع بعدها خبر موتها وفي نفس السنة اختفوا أخواتها وده كان صدمة

وبعدها تلاقي نفسها وسط ناس متعرفهمش ايوه عيلتها بس متعرفش ولا واحد فيهم وكلهم أولاد ورجالة ده صدمة برضو، انها تدخل مدرسة متناسبهاش كونها بنت ده صدمة برضو، انها تعرف اني مامتها ماتت مقتولة ده كان صدمة كبيرة ليها وكانت هتجيبلها جلطة

التفت أحمد بسرعة لها بالخلف كم لدغه عقرب اما أريام وبلال شهقا بصدمة :

-جلطة انتي اكيد بتهزري

-مش بهزر والله كانت هتيجها جلطة وهي عندها 16 سنة حتى أثرت على دراعها فترة... تنهدت بحزن على ما مرت به ابنة خالتها في هذه الأعوام :

-كل الصدمات دي وغيرها كانت بتتراكم في دماغها لحد ما الموضوع عملها عقد نفسية بس رغم كده مكنتش دموية زي دلوقتي، بدأ الموضوع معاها من وقت ما اختفت شهر من يجي 5 سنين كده ورجعت تاني بس رجعت واحدة غير اللي احنا عارفينها تصرفاتها بقيت دموية جدا وعنيفة بشكل غير طبيعي بالنسبة لبنت

روبن حلل الموضوع نفسياً واستشار بعض الدكاترة النفسيين وحللوا اني حصلها صدمات من نوع غريب أدى ان تصرفاتها في بعض الأحيان بغير إرادة منها بتبقى دموية الموضوع في الأول مكنش يخوف بس بعد كده بقى يرعب مش بس يخوف بقيت عنيفة ودموية شكاكة في الأشخاص الغريبة بتحس اني الكل عايز يقتلها مهملة في صحتها

هي من 5 سنين بس مكنتش بالحجم ده زاد وزنها وبتاكل ومش بتهتم ولولا الرياضة الإجبارية عليها هي وأولاد عمامها كان زمانها بتعاني من زيادة الوزن حاولنا كتير نوديها لدكتور حتى اخدناها في مرة غصب عنها وريتنا بجد ما عملنا جالها حالة هستيريا وبدأت تتنفس بصوت عالي وتتنفض حرفيا كانت عايزة تقتل كل اللي حواليها واللي انا وروبن وابوها كنا من ضمنهم