" بعض الخسّاير الله يامكبر ارباحها "

73

العصر
الكل مجتمع بالغرفه عند غزال
حنان ونجمه ونجود وملاك والاكل من حولهم
كانت جالسه عند رجول غزال : ماشفتيهم؟
غزال: لا يقولون بعد العصر
نجود : هو العصر الحين طولو
لفت نجمه من انفتح الباب ولمحت السرير : جو جو وقفت وحملت نايف : تشوف عروستك؟
نجود : حشى بسم الله على غروري
كشرت نجمه ؛ بس سمتوها غرور عزالله اخذناهاز
ضحكت نجود ومن قربو بسرير غرور لها واخذتها وقربت لامها واخذتها غزال : يالله ياحلو هالصغيره وقلبي
نجود : صغيره مره
لفت غزال وناظرت بحنان حامله نواف
غزال غمزت لحنان : شكلك اشتقتي للحمل اقول احملي
ضحكت حنان وضحكو عليهم : وين يوم عجزت
نجمه : وين توك اصغر من غزال الي يشوفك
نجود : كانك غلطتي على امي
نجمه : افا
بعد ساعتين طلعو كلهم ماعدا حنان طلبت من نجود تروح وترتاح
جلست حنان ولفت لها غزال : تذكرين يوم اقولك اني خايفه من ردة فعل عيالي على حملي ؟
حنان : اي
غزال : لو قلتي لي بيصير الي صار اليوم ماني مصدقتك
حنان رجعت ضهرها للخلف : وش صار
غزال حكت لها عن كيف شعورهم وكيف لمحتهم وهي بغرفة الولاده فرحانين ومبسوطين فيهم
ابتسمت حنان : انتي عطيتيهم وماتركتيهم انا اعرفهم ماينسون وهذا هم يردون لك
غزال : الله يحفضهم ويحميههم لفت للصغيرين تناظرهم وابتسمت
-
بسياره بعد ماركبت
نجود : تكفا كيف اروح لاهلك كذا
مجاهد ناظرها : وش فيك
نجود : توني طالعه من المستشفى واحس قرفانه ياخي خلني اروح لبيت امي
مجاهد : ماتببن اهلي ؟
نجود: الحين لا
مجاهد لف السياره بقوه وعكس الطريق : وين بتروح
مجاهد : بيتنا
لفت له بصدمه : بيتنا الحين وتونا ماخلصنا الباقي
مجاهد : مخلصين غرفة النوم بس بوديك بيت امك شد على كلمته ينبها : تاخذين اغراض خفيفه وتجيني
لفت عنه
بعد مده
وقف عند بيتهم
" بيت نجود ومجاهد "
نزلو واخذ شنطتها وبعض الاكياس اكل لان البيت فاضي
ونجود ماسكه سلة فيها اكل ملاك مسويا عشاء وحاسبتهم لفت وفتح الباب ودخلو ناظرت بالحوش مغبر : والله البيت يبي له تنظيف الله يهديك
مجاهد فتح الباب الداخلي ولف لها : لا تلوميني لي كم يوم عنك وماجلست معك من يوم رجعنا
نجود نزلت الاكل على الطاوله الي عند الباب ونزلت عباتها : من يوم رجعنا تشوفني
مجاهد وهو بالمطبخ : مشغولين بالمعرض طلع وناظرها كانت مغيره بجامتها ولابسه فستان ناعم ووسيع شوي اصفر توترت من انتبهت انه يناظرها من فوق لتحت: هالمره ابي نجلس سوا ونسولف بدون قلق
هزت راسها واخذت السله وتعدته تدخل المطبخ ناظرت بالكراتين والاكياس لفت من وقف خلفها ابتسم من انتبه لبروز بطنها ومع الفستان خيال صايرهً
مجاهد ؛ شوفي حتى بطنك توني انتبه انه بارز
ابتسمت وحطت يدها على بطنها ؛ مشتهيه معكرونه تونه
ميل راسه : ابشررري
قرب وفتح الاكياس يطلع الاغراض وطلع السكين والقطاعه وبدا يقطع ويجهزز وهي واقفه تناظره
لف لها وناظرها واقفه مكانها سحب الكرسي : تعالي قريب
قربت وجلست من جنب
مجاهد : اي عطيني اخبارك
نجود : بقولك عن المعرض هز راسه وكملت : مجاهد كمية الرسايل الي توصلني ومدح الناس للمعرض كثيررر
حتى ناظرت فيهه بغرور واخذ القدر يحط البصل : مدحوني
رفع حاجبه : اي اكيد لانك معي بالمعرض
نجود : مو عشان شغلي بالمعرض عشان جمالي يقولون اني هيبه
مجاهد : الصرصور تحت شهقت توقف تبعد عن الكرسي : وشو صرصرور انا قلت لك البيت وصخ ابتعدت لعند الباب
ومجاهد انهار انهار ضحك عليها وعلى وقفتها وركضتها
حرفياً عجز يسكت
مالت بوقفتها من انتبهت انه يكذب : ياشينك خربت ابو هيبتي
مجاهد مسح دموع الضحك وهو باقي يضحك : اجل هيبه هههههه ضحكت وجلست بمكانها
مجاهد : وش قالو عن تصميمك
نجود : مدحو التصميم والاضاءه حتى اغلبهم يسالون بالكومنت عن المصمم وما تكلمت
مجاهد : ليش هذا مصدر رزق لك دامهم اعجبو بالديكورات وتصميمك انشري وقولي
نجود : الحين ماني فاضيه حتى اكيد بتجي حجوزات ومالي خلق خلني مع عيالي ومع ابوهم حط القدر على النار
ولف لثلاجه يطلع فواكه من انواعها
نجود رجعت ضهرها للخلف : من متى هذي هنا
مجاهد : انا قبل يومين جيت هنا وجبت الاغراض
نجود: قعدت هنا؟
مجاهد : اي وقف ولف لها وقرب بالفواكه : ومرتب السرير عشان تنامين مرتاحه
ابتسمت له واخذ صحن وبدا يغسل الفواكه
وقرب لها وهو واقف يقطع من التفاح ويمد لها اخذته تاكل واخذ حبه ياكل وقرب للقدر يحرك التونه ولف للمعكرونه يناظرها
لف لنجود وكمل يقطع ويمد لها ياكلون
-
سوا القهوه وخلص منها وقرب لها يجلس قدامها
نجمه : احس البيت هدوء من زمان عن الهدوء
نجم : تغلطين على ولدي ؟
نجمه : يالله اكثر من يعصب عليه انت
نجم : شقي
نجمه : الحين وش شعورك واليوم جاي لك اخوان صغار؟
نجم : ترا عندي اخو صغير تقريباً خمس سنوات عمره عادي
نجمه : ماشفته اخر مره
نجم : يلعب بالحاره من صغرنا حنا ما نجي للبيت غير للاكل والنوم ولا باقي اليوم نلعب برا
نجمه : حتى يوم نجيكم وحنا صغار كنت بالبدايه استنكر اننا بس برا بعدين اتعود
نجم : اي بس ماتطولون وبعدين يوم انقطعت اخباركم وصرنا مانتقابل كثير
نجمه : اي افترقنا بس الحمدلله رجعو لبعض
نجم : ابوك مع ابوي ما ابتعد بس عمك ابتعد عن ابوي
نجمه : مو بس ابوك تراه ابتعد عن ابوي مدري احسه يبي يبدي حياه جديده لحاله
نجم : يمكن بس علاقته مع ثامر حلوه يعني بعرس سلمان اشوفهم سوا يمكن لان يدوام معه بالمركز
نجمه اخذت نفس : مدري الصدق عنه الله يهديه صدقني اهم شي يكون مع عياله نجود ومنيف هذا اهم شي
نجم : صح عليك
نجمه : اي نجم مستعد تكون اب للمره الثانيه ؟
نجم شرب من قهوته وهز راسه بنفي استوعب يناظرها والكوب بفمه ابعد الكوب وكح بقوه
ضحكت نجمه تناظره
نجم هدا ناظرها : حامل ؟
نجمه هزت راسها وضحكت بقوه
نجم : صدقيني انا وياك ماينفع نكون اباء
نجمه : نحتاج من يربينا
نجم : ناخذ نايف ونروح لحنان تربينا ؟
ضحكت نجمه : اخخخ
-
مبسوطه وتناظره من يوم جاها الصبح وهو كل شوي يعيد ويشرح لها عن فرحته بجية اخوه وتضحك منه
ضحكت ملاك من قالها عن كلامه لنواف: احسه ندم وش جابني
ملاك : ماراح يندم صدقني
منيف : شدراك؟
ملاك : اعرف
وقف واخذ كاسة الشاهي وقرب جلس جنبها : انا احس من يوم تزوجنا واحنا مو شايفين بعض السبب؟
ملاك : كل وقتنا ننضغط طبيعي
منيف : ودك نسافر فتره؟
ملاك : بس هالحين ماينفع
منيف : بعد شهر ان شاءلله نسافر فتره طويله
هزت راسها وابتسمت وقربت له وحطت راسها على صدره ورجع ضهره للخلف وحط يده على كتفها
رفعت راسها وهي باقي بحضنه : احبك منيف
ابعد الكاسه عنه وناظرها : ماسمعت عيدي
ضحكت ابتعدت وهو باقي حاط يده على كتفها: الكوب حول فمك مب عند اذنك
منيف : صدقينيي ماسمعت عيدي
قربت له : احبك
ضحك يحضنها بقوه
-
جهزت نجود الصحون : مجاهد وين ناكل ؟
مجاهد : في جلسه بالصاله بنروح لها
نجود : تمام اساساً لازم تمشيني على البيت
مجاهد : ابد ماطلبتي شي قفل على النار وقربت بصحون يغرف فيها شمت الريحه : ييوهه يالريحه
مجاهد : انا اقول بخلي بالقدر لنا بكرا غداء بس شكله مابيكمل ساعه
ضحكت : على هالريحه يمكن اخذ القدر من الحين
حط لها : بالعافيه
وحط له واخذت نجود العصيرين ومشو يطلعون من المطبخ ودخلو لصاله وفتح البكلونه وجلسو على جلسه ارضيه والبكلونه صغيره شوي
جلست قدامه وحركت بالشوكه المعكرونه ورفعتها تلفها : مغرقها صوص
مجاهد : ماتصير معكرونه اذا مغرقتها
اكلت نجود وتلذذت : لذذيذذذ
ابتسم : بالعافيه
نجود : لازم تقولي وش سر لذاذه
محاهد رفع يده : يديني
نجود : عطني الوصفه وبجرب لو ماطلعت نفسها بصدقك
مجاهد : اانا اكلي لذيذ ورسمي لذيذ اما انتي كلك لذيذه
بلعت لقمتها بصعوبه تناظره وتحس بحراره : مجاهد وش هالمدح
مجاهد : اقول الصدق وش فيك ؟
اليوم الثاني ولان الحمدلله غزال وعيالها بخير قررو خروجها اليوم
بيت مجاهد
واقفه عند المرايا ووتتجهزز: ماني مصدقه بينورون بيت امي
مجاهد سكر الكبك وقرب لها واقفه عند المرايا تشغل الفحم
مجاهد : بخريني
نجود لفت له بالبخور وبخرته : بتلبس شماغ؟
مجاهد : لا مايحتاح
نجود : يالله احس تاخرت
هز راسه واخذت عباتها تلبس عند الباب وطلعو
-
ساعدت حنان غزال ولبست عباتها وتجهزت
دخلت لها نجود : ام نواف وغرور
ضحكت وقربت لها نجود وحضنتها بقوه : وربي البيت بدونك شين
ضحكت غزال : ياكذبك منيف مكلمني وقايل انك مع مجاهد
ضحكت : مايوفر ذا ههههههههههههههههههههه
ضحكت حنان وساعدو غزال تجلس على الكرسي المتحرك واخذت حنان غرور وحملتها
ونجود حملت نواف : بعطيه مجاهد عشان اقدر ادفك
غزال : تمام
طلعت نجود لمجاهد واقف : نسيتك تسلم على امي قبل اعطيك نوافي ؟
مجاهد عقد حواجبه وقلدها : اي بسلم قبل اخذ نوافي
ابتسمت له ودخل مجاهد وسلم وطلع لنجود واخذه منه وقرصها مع جنبها  نفرت وضحكت منه : وجعع
دخلت لامها ودفتها يطلعون
-
بالبيت
مجهزه ملاك غرفة الاستقبال ومزينتها وحاطه كروت صغيره على كل طاوله
سكرتها ودخلت لصاله تشوف الاكل والقهوه والشاهي مجهز كل شي لفت بتطلع وانتبهت لنزول منيف : والله يانك شايله البيت
ملاك : وش اسوي مابي شي ينقص
منيف : ارتاحي
هزت راسها وجلست بصاله تنتظرهم
بعد مده سمع صوت دخولهم وطلع لهم منيف : حي الله امي وبناتها واخوي ونسيبي
نزلت حنان : نسيت ترحبي
منيف : وحي الله زوجة عمو ترا زوجك مزعجني مايقدر على بعدك
نجود : عزالله كبر نواف على العلوم الزينه
ضحك مجاهد واخذه منيف للمجلس عند ابو نجم وبعد شوي بيجون نجم ونجمه
بصاله ماسكه ملاك نواف : يعمري ياهو يجنن
نجود: شوفو سحبت على اختي واخذت الولد عشان منيف
ضحكت غزال : لاحظت
ملاك : تحبون تلفون بالكلام
وقفت حنان : ابي اروح البيت ارتاح واتجهز
غزال : ارتاحي هنا
حنان مسكت كتف غزال وحطت غزال يدها على كفها : تسلمين بس بروح حتى بتروش واجيكم على العصر مع نجمه
غزال : ماتشوفين شر
طلعت حنان
وحطت المخده خلف ضهرها نجود وجلست بتعب
غزال : اذا تعبانه روحي ارتاحي
نجود : ماباقي الا شوي عن العصر مايسوى
غزال اعتدلت تجلس ولفت لها ملاك ؛ تبين شي ؟ اعدل لك المخده
غزال : لا ياعمري
ملاك : قلت لمنيف بنجيب سرير للغرفه او الصاله وضحك علي
غزال : مايدري ان هذي الحركه قبل يسونها
نجود : شمعنى ؟
غزال : يعني شوفوني انا الوالد ضحكت
ضحكت ملاك : بس ترا اريح لك اذا جو الحريم تقومين من سريرك وتجلسين
-
عند دانه وسلمان
لندن
لبست جاكيتها وغطت شعرها وطلعو
سلمان : ودك نروح للبحر؟
دانه : اعشقه تكفاا
سلمان : ابشري
بالبحر
ركبو قارب صغير
وبدا يحركه برجله وهي تحرك برجلها احيان واحيان تصور
سلمان : يخرب بيت عدوك اشوفني بس الف حركي معي
ضحكت دانه ؛ ابي اصور لفت الكاميرا عليه وابتسم وصورته وقربت له وحضنت كتفه وصورت
العصر
بغرفة الاستقبال
انهار واميره وشيهانه واريج ونهال وحنان وملاك ونجمه ونجود
ماسكه نجود غرور ومقربتها لنايف : شوف ترا هذي زوجتك
نايف مسك يدها وضغط عليها وابعدت نجود يده عن يدها : ياحيوان وش هالعنف كنسل مافيه
ابعد نايف وقرب لنجمه يسالها : نروح البيت ناخذ زوجتي
ضحكت نجمه بقوه وانهارت ضحك
ضحكت نجود وانتبهت لنظراتهم لنجمه
ناظرت فيهم نجمه ولفت نايف لهم : وش تقول عيد ضحكت تناظر بغزال
نايف قرب لها يناظرها
نجمه قربت له : ناخذ مين؟
نايف همس طفولي :زوجتتي
ضحكو عليه وضحكت حنان : شكله يحسبها اسمها كذا
نجود : مسكها بقوه ولدك يعنف ماعليش اختي رقيقه
نجمه : قولها من زينك انتي واختك
نايف : زينك ولف لها وتوهق وش يقول
ضحكو عليه وكملت نجمه : قولها اصلاً يحصل لكم مثلي الطيار
ضحكت نجود : ياجعلك تشوفينه طيار ان شاءلله
نجمه : امين يارب
طول جلستهم نجود ماسكه بغرور واذا بكت تسكتها وغزال عينها ماطاحت من عليهم
بعد ماراحو الضيوف تغطت نجمه
ودخل منيف وعلطول قرب لسرير نواف ولف يناظر بنجود : ياشينك اخوي تاركته وتلاعبين اختك
نجود : ترا ملاك مانزلته من يدها
منيف : موصيها انا مابي اخوي يعقد كذا يناظرك
نجمه: شكل منيف يحسبها حرب يالطيب
ضحك منيف وضحكو عليه
وحمل نواف ولف وجلس جنب امه : من تحبين اكثر انا ولا هو ؟
ابتسمت غزال
حنان : شكله بيرجع ااصغير
ابتسمت ملاك تشوفه كيف حاضن نواف ويسولف معه مسكت بطنهها بهدوء
-
وقفت نجود من جاها اتصال من رقم غريب طلعت وقرربت لصاله وردت : هلا
الموظفه : السلام عليكم مديرة اعمال مجاهد ال نجم؟
نجود : اي نعم
الموظفه : النتايج لافضل لوحه طلعت وحبينا نقولك عن الحفل اا،،،
سكرت نجود الجوال مبسوطه وحيل لنجاح مجاهد
ارسلت له اذا وده يمشون ورد لها بنمشي
دخلت لهم وقربت تبوس غرور ولفت تبوس امها
غزال : بتمشين؟
نجود : اي ياقلبي
لفت بتشمي ولفت لمنيف : عشان ماتقول كارهه اخوي قربت وباست خده ولفت لهم : ماتشوفون شر
نجمه : مايجيك وطلعت لبست عباتها وطلعت تركب معه
وصلو لبيتهم
ونزلت ودخلو
نزلت عباتها عند الباب مشت ودخلت غرفتهم
ناظرت فيه منسدح على السرير بتعب
قربت له وجلست على طرف فتح يدينه
نزلت كعبها وقربت له تنسدح على صدره
كان ودها تقوله لكن واضح انه تعبان ف سكتت وانتظرته الين غفى ونام وقفت تبدل لبجامه وسيعه وتمسح الميكب ورجعت انسدحت تنام
-
بغرفة منيف
جالس على الكنب يمسح على راسه يحس بصداع
دخلت الغرفه وناظرت فيه : شفيك؟
منيف : مصدع عدل جلسته وانسدح
قربت له وجلست وحطت راسه على فخذها وبدت تدلكه
منيف : اخخخ
فتحت السحاب حق الطاوله وطلعت منه بوكس صغير
ملاك ؛ منيف اجلس
لف لها وانتبه للبوكس وجلس ناظر بالبوكس باستغراب
ملاك قربت له ونزلته قدامه : افتحه
منيف : وشو
ملاك : افتحه
فتحه وعقد حواجبه ياخذ اللبس الصغير ضحك
رفع راسه يناظرها : منجد بصير ابو ضحك مب مصدق
ضحكت من ردة فعله وقربت له تحضنه : بتصير اطلق ابو
حضنها منيف وهو باقي ماسك اللبس ابتعدت ووقف : لازم اقول لامي
ضحكت تمسكه: يمديها نامت من اليوم تنوم فيهم
هز راسه وجلس : وربي راح الصداع اخخ وش هالفرحه لف لها : من متى دريتي ؟
ملاك : قبل اسبوع حسيت وتاكدت
منيف : ياشينك ماقلتي من اسبوع
ضحكت وسكتت
-