" بعض الخسّاير الله يامكبر ارباحها "

74

الفجر
صحت غزال بانزعاج وناظرت بغرور تبكي اخذتها تسكتها
فتحت الباب ملاك بهدوء : صحتك؟
غزال : اي والله اتعبتني
ملاك : انا صحيت خلاص عطيني اياها
غزال : بدري ليش تصحين الحين؟
ملاك : ما باقي شي على صلاة الفجر ومنيف عنده دوام بدري بجهز فطوره
غزال مدت لها واخذتها ملاك تحضنها : ياحلوها
غزال : واضح بتطلع مغروره
ملاك : يحق لها
ابتسمت غزال وطلعت ملاك وقعدت بصاله
ناظرت فيها ملاك وابتسمت يوم غفت غرور ونزلتها على الكنب ووقفت تجهز فطور عشان بس يصحى تحضره
-
اخذت نفس وهي نايمه تحس بثقل مو طبيعي لفت للجهه الثانيه وصحت تأففت بانزعاج من الثقل اعتدلت تجلس وناظرت فيه نايم بعمق على بطنه
مدت يدها : مجاهد قوم ضربته اقوى : مجاااهددد
رفع راسه : وش شفيك
نجود : نام على ظهرك بنام على صدرك
رفع حاجبه : مضيعه السرير
اعتدل رفعت الغطاء وتقدمت له وحطت راسها على صدره : تحملني انا وعيالك
مجاهد حط كتفه خلف ضهرها ونام
ونامت من حست ارتاحت
-
نزل منيف : ملاك وبعدين وراك ضاغطه نفسك
ناظرت له ملاك وهي ماسكه غرور : وشفيني
منيف : ارتاحي البيت مب طاير ولا داومي بيطير
نزلت غرور ووقفت : يالله صباح خير ترا اشتغل عادي ما اضغط نفسي
مننيف : شسويتي بجامعتك؟
ملاك : باقي ترم مايسوى اجله خلني اتخرج وافتك
منيف : بشرط ماتضغطين نفسك؟
ملاك : اكيد ان شاءلله
لف منيف
ملاك : ترا جهزت الفطور
لف لها : منجدك وشقلت لك !
ملاك : ياخي امش اكل واسكت عني
رفع حاجبه : من اهاوش اهاوشك ولا اهاوش ولدي ؟
سحبت عليه وقربت لطاوله وجلست وجلس قدامها : وش طلع ولد ولا بنت؟
ملاك : انتظر باقي
منيف : ليش لك اسبوع عارفه المفروض رحتي شفتي
ملاك : باقي شهور عشان اعرف
منيف : صادقه؟
ملاك : غبي انت ؟ ماتعرف ان الشهر الرابع هو الي نعرف الجنين بوقته
منيف : شدراني شايفتني مجرب
-
صحى بتعب ناظر فيها نايمه على جنبها الثاني وعلى كتفه نزل راسها بخفيف واعتدل يجلس ناظر بكتفه ثقيله همس: نجود نايمه عليها انتي وكرشتك
حرك يده ووقف يطلع من الغرفه دخل المطبخ شغل النور مشتهي فاصولياء بدا يسوي الفطور
بعد ما خلص دخل الغرفه ودخل الحمام يوضي وطلع يجفف وجهه ناظر فيها : نجود
عقدت حواجبها : تكفا اسكتت
مجاهد : ترا اذن الفجر
نجود : اصص
مجاهد : تقومين ولا بالماء
نجود : اذلف انت وعيالك
مجاهد : شجاك من امس ودك تذبحينا
رفعت راسها واخذت المخده ترميها عليه مسكها يضحك : لا شكله واصله معك
نجود : مو طبيعي وصلت لمرحله ما ارتاح بنومتي
مجاهد : وظلمتي كتفي رفعها لها
نجود : اوجعتك ؟
توقع بتعتتذر او شي : اي اوجعتني
نجود : احسن
صغر عيونه ولف ياخذ السجاده وكبر يصلي
وقفت تدخل دورة المياه توضي
بالمطبخ
سحبت كرسي وجلست بتعب : مجاهد بكرا عندي موعد لا تنسى
مجاهد : ابشري عدل الكرسي وجلس يغرف له
استغرب الاتصال واخذ جواله يشوف عقد حواجبه " عم سلمان "
رد : هلا والله ناظر بنجود الي تاكل
سلمان : هلا مجاهد كيف حالك بشرني عنك
مجاهد : الحمدلله بخير
سلمان : كيف نجود وكيف صحة احفادي
مجاهد : بخير يارب لك الحمد انت شلونك عساك طيب
سلمان : بخير بغيتك تمرني المركز اليوم
حك مجاهد حاجبه بترردد اخذ نفس : ان شاءلله
سلمان : انتظرك ماتشوف شر
سكر الجوال وناظر بنجود من سالته : مين؟
مجاهد : ابوك
استغربت : ايش فيه؟
مجاهد : مدري قالي امر المركز اليوم
نجود : غريبه
سكتت شوي بعدها نطقت : مجاهد يوم امي ولدت ناظرت فيها كملت : لقيت ابوي رانيا والده من شهر قبل امي بس البنت تعبانه وحيل
مجاهد : ماقالك ابوك يوم رحتي انتي ومنيف ؟
نجود : لا ماقال لنا شي مدري ابوي صاير غريب
مجاهد : تلقينه ماوده يضايقكم
نجود : حسيت بس ان شاءلله تقوم بسلامه
مجاهد : ان شاءلله
ابتسمت تناظره : بقولك حاجه
ناظرها وهو ياكل : وش
نجود : طلعت نتايج افضل لوحه
رفع حاجبه : ماشاركت!
ضحكت : انا سويت كل شي واخذت المركز الاول انت
ميل راسه يناظرها : نجود منجدك شاركتي بدون تقولي لي
نجود : شلون ماقلت لك وانا قايله بالمعرض ان الوحه الي فيها الوان بشارك فيها
مجاهد : مااكدتي لي حسبتك كنسلتي !
نجود : ماكنسلت ومسوين حفل
وقف : ماني رايح
ناظرت فيه من وقف : من جدك مجاهد انت اخذت الاول
طلع برا المطبخ وطلعت خلفه : زعلت علي؟
سكتت ووقف قدام الدولاب وطلع له ثوب ولبسه وهو ساكت
ناظرت فيه : مجاهد ياخي ماسويت شي ترا كله لك
مجاهد لف لها ومسك نفسه لايعصب : مو قلت لك نيتي مو اني انافس احد !
نجود : طيب انت ما نافست ولا رحت ودخلت بالحرام انت اخذتها من تعبك الناس حبو الوحه من نفسهم ما رحت وجمعت لك ناس كذب وهذا انت فزت بالاول
مجاهد رفع يده : نجود المعرض وسكتت قلت عشان نجود وحماسها لكن تروحين تسوين اشياء وبعد بدون تقولين لي هنا لا والحفل مدري وشو ذا تكنسلينه ولا اشوفك تسوين شي من دون علمي والمعرض لو انك ما تعبتي عليه كان اقفله سكر سحاب ثوبه ولبس حذيانه وطلع برا البيت
تأفتت تناظره : ياشينك يامجاهد ياشينك
تقدمت للتسريحه وناظرت في نفسها : وش بسكت لك يعني ؟ بخلي فرحتي تروح كذا
اخذت جوالها ودخلت على رابط التاكيد للحضور وحطت اسمها واسم مجاهد
بعد شوي ارسلو لها معلومات واشياء تخص الحفل
نزلت تحت ترتب المطبخ
-
نزلت صحنها غزال : ياعمري ياملاك تسلمين
ملاك : بالعافيه
بعد بشوي : امي بتجي بعد شوي
غزال : ليه تتعب نفسها
ملاك : لا تعب ولا شي
غزال : حياها الله
-
صحى نجم ناظرها تحاول تنيم نايف : اطلعي انتي وولدك
نجمه بدون تناظره : صار ولدي الحين!
نجم : وراي دوام اطلعي ريحيني
نجمه وقفت اخذت نايف : لاتبكي علي
ناظرها نجم الين طلعت وسكرت الباب وقفت عند الباب : اسكره ليه وهو طاردني ؟ فتحت الباب وشغلت النور وفتحت الباب بقوه وابتعدت وجلست بصاله
رفع الغطاء عنه : ياربي ياعالم ارحموني من هالادميه وقف وطف النور وسكر الباب انسدح بينام وطار النوم غمض عينه بقوه : غصب تنامممم
دخلت المطبخ وحطت نايف على درج المطبخ : وش تبي فطور؟
نايف بصوت طفولي : بيض
نجمه : وش بعد ؟
نايف : وتمات
نجمه : وش بعد
نجم وقف عند الباب : احسبي لي
نجمه : الله خلق لك يدين لوش ؟
ابتسم وتذكر كيف جننته بحملها بنايف وقرب لها
صحيح توترت وش بيسوي لكن سوت انها ما اهتمت
حضنها  ورفعها فوق الدولاب يجلسها جنب نايف : لاتسوين انا بسوي
نجمه : توفر لفت لنايف الي يضحك انه شالها : عشانه شالني ادري مو متعود ابوك يدلعني
نجم نززل السكين ولف لها : وش بقى مادلعتك فيه؟
نجمه تطقطق : ابي اهلي
نجم : تحلمين حملك بنايف رحمتك لكن بذا مدري ذي تحلميننن
نجمه : اشق هدومي وين اروح
نجم لف وابتسم : شقيها قدامي
انصدمت ولفت لنايف تغطي اذانيه وعينه : ماسمعت ماسمعت غمضت عينها : استغفرالله ياربي
نجم : سلامات تراك زوجتي
نجمه : خلاص ياوصخ
نجم : ماقلت غلط
نجمه : خلاص يادمي
نجم لف للاكل واكل خيار
نايف مد بوزه : ابي تمات
نجم : وش تمات
نجمه : ابو على الفاضي
نجم : اشق هدومي يعني
نجمه : اي شقها قدامي
لف لها نجم وفتح بجامته من فوق بقوه
شهقت تخطف نايف وتبعد عن المطبخ : ابوك استخف يمين بالله جلسست بصاله وهو ميت ضحك عليها مايدري وش جاه روق اليوم رغم انه صاحي من بدري
حضرت شيهانه الفطور وجلست جنب رند : يالله يامامي مدت لها العصير
وشربت رند
قرب عماد : صباح الخير قرب الكرسي وجلس
شيهانه : صباح النور
عماد : كيف اخوانك امس
شيهانه : يالله تاكلهم وربي يجننون
عماد : ابوك متحمس طاير
ضحكت : جحدني انا ونجم
عماد : بتروحين اليوم؟
شيهانه : لا بكرا ان شاءلله
عماد : فاضيه
شيهانه: اي ليش
عماد : بنطلع نتمشى اليوم فاضي بعد
هزت راسها : تمام
-
وقف ثامر ونزلت نهال : ثامر ماتنزل ؟
ثامر : برجع برتاح تعبان
نهال : تمامم اجل انتبه لنفسك
هز راسه ودخلت بيت اهله بتفطر عندهم وحرك لبيته تعبان بينام لان دوامه الين الفجر
دخل البيت ونام
-
تجهزت حنانن واخذت فطورها وقهوتها ومشت لغزال
عند غزال
جالسه وهي وابو نجم وملاك متغطيه وجالسه
ابو نجم ماسك نواف : يشبه لمين
غزال : مدري من تعطيه
ملاك : توه على من يشبه
غزال: صح
ضرب الجرس ووقفت ملاك : امي وطلعت تفتح ابتسمت من طلعت حنان : حياك الله
دخلت حنان : الله يبارك فيك كيف حالك
ملاك : الحمدلله
دخلت عند غزال وطلع ابو نجم
-
تمشي بالغرفه رايحه جايه : وش تقدمونه حسبي الله رفعت راسها : القاها منكم ولا من صاحب الحفل اوووف
نزل من سيارته وسكرها مشى يدخل المركز وقرب لمكتب سلمان طق الباب لف من انتبه لصوته خلفه
سلمان قرب له وسلم عليه : حياك الله
مجاهد : الله يبقيك
سلمان فتح المكتب : تفضل
دخل ودخل خلفه مجاهد وجلس قدام سلمان
سلمان : ناديتك ابيك ترجع يامجاهد
مجاهد : لايش؟
سلمان : للمركز انت قاطعه مجاهد ورفع يده سلمان يسكته : خلني اكمل انت ماعندك وظيفه تضمن فيها نفسك وعيالك بعدين ونجود بنتي ابي ترجع لوظيفتك يامجاهد وانسى واترك كل شي وراك انت الحين ماعاد تفكر في نفسك فكر في عيالك واضمن حياتهم بعدين
مجاهد : انا اشتغل ومايحتاج
سلمان : وش وظيفتك؟ تضمنها لا طبعاً تقدر بليله تنفصل منها يامجاهد الله يرضى عليك افهم
مجاهد وقف : صدقني مالي نيه ولا افكر باني ارجع للمركز
طلع برا مجاهد بعد ماودعه وسكر الباب وطلع برا المركز يركب سيارته
ناظر باتصالات نجود اخذ نفس يرد مسك عيونه : ايش يانجود
نجود : مجاهد ياخي ايش فيك وربي عشانك اسوي كل هذا
مجاهد : اصصص سكر الجوال وحرك للبيت
-
يفطرون بصاله ونجم يمد لنايف وياكله
نجمه اخذت نفس وكملت تاكل
نجم : وش منكتمه ؟
نجمه : اي
نجم : الله يعين ماياكلها غيري بحملك
نجمه : ليه من تبي ياكلها؟
نجم : انتي لحالك
ضحكت وناظرت بنايف ياكل
-
نزل للبيت وناظرها واقفه عند الباب : وش مطلعك؟
نجود : انتظرك يعني بطلع لوش
دخل ووقف عند الباب ينزل مفتاحه على الطاوله : وشعندك؟
نجود : مجاهد ياخي ارجوك
مجاهد : نجود وربي ماني ناقص الغيه وبس
نجود : ليش ؟ تدري وش الجائزه ؟
مجاهد : مايهمني
تأفتت من دخل الغرفه ونام
-
يوم الحفل
اخذت جوالها من اتصلت نجمه
نجمه : وشصار؟
نجود : ياختي يقهر مايكلمني صحى وطلع علطول
نجمه : انتي غلطتي وش تشاركين بدون تقولين له
نجود : ياخي خلاص صار الي صار
نجمه : وش نسوي؟
نجود : بروح انا وبستلم وانتي تعالي بعد
نجمه : اكيد حبيبتي نزلت نايف من زمان عند امي
نجود : ذيبه
سكرت منها ولبست عباتها وجهزت
وطلعت تركب سيارتها ومشت للحفل
وقفت وعلطول وقفت خلفها نجمه ونزلو سوا
نجمه : ها ما اتصل؟
نجود : لا وش عاد بعد مابدا؟
نجمه : امشي يالله
دخلو ووقفت اول مادخلو
مدو لها كرت الكرسي حقها من الصفوف الاولى
هي ونجمه ومشو الين كراسيهم وجلسو
مدو لها القهوه والتشوكلت ويتقهوون
بعد ساعه تقريباً انتشر الهدوء وبدا المقدم بالحفل
- اهلاً وسهلاً بالجميع ها نحن اليوم نحتفل بفائزنا بالجائزه الاولى نشكر كل من شارك معنا وكل مبدع اضهر ابداعهه لنا بلوحه ولكن شاء ان يكون فائزنا لهذه الليله
مجاهد بن مساعد ال نجم
بدا الجمهور بتتصفيق وصفقت نجود وناظرت بنجمه
نجمه : اذا ناداه روحي بداله
هزت راسها وسكتو
المقدم : ندعو فائزنا الى هنا من فضله
بدا الصمت والهدوء
طقت نجمه يد نجود : قومي
نجود : ياخي اقوم كيف يقهر يقهرررر
عم الهدوء والصمت لفتره والكل يتلفت والهمس بينهم
نجمه بهمس قربت لنجود : قومي
نجود : فشله وربي
فجاءه
انفتح الباب من خلفهم والتفتو لباب
ابتسمت نجود من شافته واقف دخل مجاهد وانتبه للي صوت له يجي قرب ووقف لف يناظر بعيونه يدور نجود وابتسم لها بهدوء مد له المايك واخذه مجاهد
ناظر للمحبين له الي لولا الله ثم نجود ماكان هو بهالمكان
اخذ نفس : مرحبا فيكم جميعاً معكم محبكم مجاهد ال نجم الكل بدا يصفق له ونجود بحمس وقفت وصفقت له بفرحه ابتسم لها ومسكتها نجمه تجلسها : درينا انه زوجك اهجدي
نجود : وربي فرحانه انه جاء
كمل مجاهد : بكون معكم واقعي وابتسم : ماكان لي نيه بأني افتح معرض ولا كان لي نيه بالمشاركه في هذي المسابقه ولا برضو كان لي نيه اني اشهر لوحاتي كنت مخبيها عندي بالغرفه الين بيوم زوجتي اصرت علي باني افتح المعرض كل نجاحي وكل الي تشوفونه بفضل زوجتي نجود
ابتسمت نجود تناظره
اغلب الجمهور استغربو وجاء بخاطرهم بانهم يشوفونها
كمل مجاهد : كل الشكر والفضل لله ثم لزوجتي واشر عليها بيده
توترت من نزل لها المقدم يطلبها ترقى
نجمه : روحي روحي
وقفت نجود ورقت بدرج الين وقفت جنب مجاهد ولف لها وابتسم ومدت يدها تدخلها بكتفه وابتسمت من تحت نقابها وصفقو لهم الجمهور
صورتهم نجمه وهي مبسوطه وحيل لها
وقف احد الصحافه : انتشر خبر بيبع لوحه لك ب مليونين ممكن تقولنا سبب الرفض ؟
اخذ نفس وقرب له المايك : انا رسام اعرف لكن مالي نيه نهائي بمنافسة احد او اني ابيع لوحاتي
كمل الصحافه : لكنك شاركت؟
مجاهد : المشاركه انسبها كاملاً لزوجتي
لف من شافهم جايين له بالجائزه وقدم نجود لها
لفت له نجود مستغربه حركته رفعت حاجبها له
قرب المقدم وووقف من اشر له مجاهد يسلمها لنجود
وفعلاً مد لها المقدم الشيك مدت يدها واخذته ولفت للكاميرا ووقف جنبها مجاهد واخذو لهم صوره ولفت له بهدوء : ليش ؟
مجاهد : مب انا الي مشارك
نجود : لوحتك!
مجاهد : لوحتي لوحتك
نجود : بس ال،، قاطعها : اصص
سكتت تناظر لقدام وانتبهت لنجمه تصورهم
-
بعد اسبوع
بيت مجاهد
نزلت نجود الصور باطار وحطتها بغرفة نومهم : حبيت الصوره
مجاهد : اي حلوه
نجود : اشوا كرشتي ماكانت واضحه
ضحك مجاهد وحط يده على بطنها : كم باقي لهم؟
نجود: شهر ونوص
هز راسه : ان شاءلله
بيت غزال
مصدع راسها وماسكته بطرحه : يانكم تسكتون ياتراني بوزعكم
منيف بصدمه : استغفري يمه
غزال : تعبت خلاصص
ماسك نواف : عاد تراني بصفقك زودتها
كان يتحرك ومنزعج وهزه : نام ياوليدي
غزال : بكرا يجي ولدك ان شاءلله وتسحب عليه
منيف : لا وليدي هذا الكبير
ضحكت غزال
-