အပိုင်း(၅၃)
ရောင်းရန် ဟင်းပွဲများ မကျန်တော့သဖြင့် ဧည့်သည်တစ်ချို့က စိတ်ပျက်သွားကြသည်။
ထိုအချိန်တွင် ဧည့်သည်တစ်ယောက်က ရောက်လာပြီး မှန်တံခါးကို ခေါက်လိုက်သည်။
ချင်းရှင်းက အပြင်သို့ထွက်လာ၍ "အစားအသောက်တွေက အဆင်မပြေလို့လား" ဟုမေးလိုက်သည်။
ဧည့်သည်က ခေါင်းခါပြီး "မဟုတ်ဘူး။ အစားအသောက်က အရသာရှိတယ်။ ဒါပေမယ့် ကျွန်တော့်မှာ တောင်းဆိုစရာ တစ်ခု ရှိတယ်" ဟုပြောလိုက်သည်။
"ဘာများလဲရှင်"
"ကြက်ပေါင်ကြော် လုပ်ခိုင်းလို့ ရမလား"
"ကြက်ပေါင်ကြော်လား"
ဧည့်သည်၏ စကားကြောင့် ချင်းရှင်းက အနည်းငယ် စိတ်ရှုပ်သွားသည်။
သူမရောင်းချသည့် အစားအသောက်စာရင်းတွင် ကြက်ပေါင်ကြော် မရှိပေ။
"ကျွန်တော့်မှာ ကွယ်လွန်သွားတဲ့ သူငယ်ချင်းတစ်ယောက်ရှိတယ်။ သူက အမြဲတမ်း ကြက်ပေါင်ကြော်ကို စားရတာ အရမ်းကြိုက်တယ်" ဟုဧည့်သည်က ရှင်းပြလိုက်သည်။
ဧည့်သည်က စကားပြောဆိုရန် လူတစ်ဦး လိုအပ်နေသောကြောင့် သူ့သူငယ်ချင်း၏ ဇာတ်လမ်းကို ချင်းရှင်းအား ပြောပြနေခဲ့သည်။
ချင်းရှင်းက တိတ်ဆိတ်စွာထိုင်ပြီး ဇာတ်လမ်းကို နားထောင်ပေးလိုက်သည်။
ဧည့်သည်၏ သူငယ်ချင်းက လူနာကို ကုသနေစဉ်အတွင်း ကံမကောင်းစွာဖြင့် ကူးစက်ခံရကာ လွန်ခဲ့သော ရက်အနည်းငယ်ကပင် ဆုံးပါးသွားခဲ့သည်။
ထိုသူငယ်ချင်းကို ဆရာဝန်လီ ဟုခေါ်ပြီး ဆရာဝန်လီက ရွှင်လန်းတက်ကြွသူ ဖြစ်သည်။
ကြက်ပေါင်ကြော်ကို အရမ်းကြိုက်၍ တီဗီဇာတ်လမ်းတွဲများကို ကြိုက်နှစ်သက်သူ ဖြစ်သည်။
"ဒီ TV စီးရီး အပိုင်း(၂) ထွက်လာတာတောင် မစောင့်လိုက်နိုင်ဘူး။ သနားစရာကောင်းလိုက်တာ"
ဧည့်သည်၏ မျက်လုံးထဲ၌ မျက်ရည်များ ဝဲလာသဖြင့် ချင်းရှင်းက "သုံးနာရီထိုးတဲ့အထိ စောင့်လို့ရမလား။ သုံးနာရီကျရင် ရှင့်အတွက် ကျွန်မလုပ်ပေးပါ့မယ်" ဟုပြောလိုက်သည်။
ချင်းရှင်းက ကြက်ပေါင်ကြော်ပေးရန် ဆန္ဒရှိနေကြောင်း သိလိုက်ရသဖြင့် ဧည့်သည်က အံ့ဩသွားကာ "ကျေးဇူးတင်ပါတယ်၊ မင်းရဲ့ ဟင်းချက်လက်ရာကို အရမ်းကြိုက်တယ်။ သူလည်း ကြိုက်လိမ့်မယ် ထင်တယ်" ဟုပြောကာ ထွက်သွားတော့သည်။
"ကျေးဇူးတင်ပါတယ်"
ဧည့်သည် ထွက်သွားပြီးနောက် ချင်ရှင်းက မီးဖိုချောင်သို့ ပြန်သွားကာ ဟူရှင်းကောကို ဖုန်းခေါ်ပြီး ကြက်ပေါင် ၁၀ ချောင်းနှင့် ပေါင်မုန့်ကြွပ်ကို ဝယ်လာခိုင်းလိုက်သည်။
ဟူရှင်းကောက ချက်ချင်း သဘောတူကာ ဖုန်းချပြီးနောက် ကြက်ပေါင်ဝယ်ရန် ထွက်သွားခဲ့သည်။
မေ့ကုန်းလန်က နေ့လည်စာ ရောင်းချထားသည့် ပန်းကန်များကို ဆေးကြောနေခဲ့သည်။
ချင်းရှင်းက ဟင်းပွဲနှစ်ပွဲကို ချက်ပြီး "နောက်မှ ကျွန်မ ဆက်ဆေးလိုက်မယ်။ နေ့လည်စာ အရင်စားရအောင် အစ်မကုန်းလန်" ဟုပြောလိုက်သည်။
ထမင်းစားနေစဉ်အတွင်း မေ့ကုန်းလန်က "ခုနက ဧည့်သည်က ထင်မြင်ချက်ပေးတာလား။ နှစ်ယောက်သား စကားပြောနေတာ အကြာကြီးပဲ" ဟုမေးလိုက်သဖြင့် ချင်းရှင်းက အကြောင်းစုံကို ပြန်ပြောပြလိုက်သည်။
ထိုအခါ မေ့ကုန်းလန်က တိတ်ဆိတ်သွားပြီး သူမ၏ စိတ်ထဲတွင် အနည်းငယ် စိတ်မသက်မသာ ခံစားလိုက်ရသည်။
အချိန်အတော်ကြာ စဉ်းစားပြီးနောက် ဘာဆက်ပြောရမည်ကို မသိတော့သဖြင့် နောက်ဆုံးတွင် ထမင်းကိုသာ ဆက်စားလိုက်တော့သည်။
ထမင်းစားပြီးနောက် နှစ်ယောက်သား တစ်ဖန် အလုပ်ရှုပ်ကြပြန်သည်။
ချင်းရှင်းက ညနေအတွက် ပါဝင်ပစ္စည်းများကို ပြင်ဆင်နေခဲ့သည်။
တစ်နာရီအတွင်း ဟူရှင်းကောက ကြက်ပေါင်နှင့် ပေါင်မုန့်ကြွပ်များကို ယူဆောင်လာခဲ့သည်။
ချင်းရှင်းက ကြက်ပေါင်များကို ဆေးကြောပြီး ဇလုံကြီးတစ်ခုထဲတွင် ထည့်ထားလိုက်သည်။
ထိူ့နောက် ဂျင်းကို လှီးပြီး ဟင်းချက်ဝိုင်၊ ဆားနှင့်
ပဲငံပြာရည်အကြည်တို့ကို ကြက်ပေါင်ဇလုံးထဲသို့ ထည့်ကာ လက်ဖြင့် ဆုပ်နယ်လိုက်သည်။
ထိုသို့လုပ်ပြီးနောက် ချင်းရှင်းက ညနေခင်းအတွက် ပါဝင်ပစ္စည်းများကို ဆက်လက် ပြင်ဆင်နေခဲ့သည်။
နေ့လည် 2:40 ၌ ချင်းရှင်းက ဂျုံမှုန့်နှင့် ပေါင်မုန့်ကြွပ်များကို ထုတ်ယူကာ ပန်းကန်ပြားနှစ်ချပ်ပေါ်တွင် လောင်းထည့်ပြီး ကြက်ဥနှစ်လုံးကို ခေါက်လိုက်သည်။
ထို့နောက် အိုးထဲသို့ ရေအေးထည့်ကာ ဆူပွက်အောင်တည်လိုက်သည်။
ပွက်ပွက်ဆူပြီးနောက် ချင်းရှင်းက နှပ်ထားသော ကြက်ပေါင်များကို ရေဆူအိုးထဲသို့ ထည့်လိုက်သည်။
ခဏအကြာတွင် ပြန်ဆယ်၍ ကြက်ပေါင်များကို ဂျုံမှုန့် ပန်းကန်ပြားပေါ်သို့ တင်လှိမ့်လိုက်သည်။
ထို့နောက် ကြက်ဥအရည်ထဲသို့ တစ်ဖန်ထည့်လှိမ့်လိုက်သည်။
နောက်ဆုံးတွင် ပေါင်မုန့်ကြွပ်ဖြင့် ကပ်လိုက်သည်။
ထို့နောက် ချင်းရှင်းက အိုးထဲသို့ ဆီထည့်လိုက်ကာ ပြင်ဆင်ထားသော ကြက်ပေါင်များကို အိုးထဲသို့ထည့်လိုက်ပြီး ရွှေဝါရောင်သန်းသည်အထိ ကြော်လိုက်သည်။
ကြက်ပေါင် ဆယ်ချောင်း ကြော်ပြီးသည်နှင့် ဧည့်သည်က ပြန်ရောက်လာခဲ့သည်။
ချင်းရှင်းက ကြက်ပေါင်များကို ထုပ်ပိုးပြီး ဧည့်သည်၏ လက်ထဲသို့ ထည့်ပေးလိုက်သည်။
ဧည့်သည်က ကြက်ပေါင်တုံးများ ပြည့်နေသော အိတ်နှစ်လုံးကို ကြည့်၍ စိတ်လှုပ်ရှားသွားကာ "ကျေးဇူးပဲ၊ ဘယ်လောက်ကျလဲ" ဟုမေးလိုက်သည်။
ချင်းရှင်းက လက်ကို ဝှေ့ယမ်းပြီး "မပေးပါနဲ့။ ကျွန်မက မေတ္တာလက်ဆောင် ပေးတာပါ" ဟုပြောလိုက်သဖြင့် ဧည့်သည်က ချင်းရှင်းကို ဦးညွှတ်ကာ "ကျေးဇူးတင်ပါတယ်" ဟုပြောလိုက်သည်။
ထို့နောက် ဧည့်သည်က ကြက်ပေါင်များကို ယူ၍ ထွက်သွားခဲ့သည်။
ညနေ ငါးနာရီတွင် ဧည့်သည်များ ရောက်လာသဖြင့် နှစ်ယောက်လုံး အလုပ်များနေပြန်ကာ ခုနစ်နာရီခွဲခါနီး အချိန်အထိ အလုပ်ရှုပ်နေခဲ့ကြ၍ တစ်နေ့တာကုန်ဆုံးသွားခဲ့သည်။
ဟူရှင်းကောက နောက်နေ့အတွက် ပါဝင်ပစ္စည်းများကို ပို့ဆောင်ပြီးနောက် မေ့ကုန်းလန်ကိုပါ တစ်ပါတည်း ခေါ်ဆောင်သွားခဲ့သည်။
မေ့ကုန်းလန် ထွက်သွားပြီးနောက် ချင်ရှင်းက ပထမထပ်တွင် ထိုင်ကာ စာရင်း တွက်ချက်နေခဲ့သည်။
နံနက်ပိုင်းတွင် ယွမ်သုံးထောင် ရောင်းရပြီး နေ့လယ်နှင့် ညပိုင်း၌ တစ်သောင်းငါးထောင်ဖိုး ရောင်းရသည်။
ချင်းရှင်းက ဒုတိယထပ်သို့ တက်ရန် ပြင်လိုက်သောအခါ အိမ်အပြင်ဘက်မှ ကားတစ်စီး ဝင်လာသည်ကို တွေ့လိုက်ရသည်။
ကားက ခြံဝင်းထဲ၌ ရပ်သွားပြီး ကားထဲမှ လူများက တံခါးဆီသို့ လျှောက်လာခဲ့ကြသည်။
ချင်းရှင်းက တံခါးဖွင့်လိုက်ပြီး "မစ္စတာကု လာတာ ဘာကိစ္စများ ရှိလို့လဲ" ဟုမေးလိုက်သည်။
ကုဝူယွီက ပင်ပန်းနေခဲ့ပြီး တောင်ပေါ်မှ ဆင်းလာသောအခါ ချင်းရှင်း၏ အိမ်မှ မီးရောင်ကို မြင်လိုက်ရသဖြင့် လုယိမင်ကို ချင်းရှင်း၏ ဆိုင်သို့ မောင်းခိုင်းလိုက်သည်။
လုယိမင်က "စားစရာရှိသေးလား" ဟုမေးလိုက်သဖြင့် ချင်းရှင်းက "ဟုတ်ကဲ့ ခဏစောင့်ပေးနော်" ဟုပြောလိုက်သည်။
ထို့နောက် ချင်းရှင်းက ထောင့်တစ်နေရာကို ညွှန်ပြပြီး "ဟိုမှာ သောက်စရာရှိတယ်။ လိုချင်သလောက် ယူသောက်လို့ရတယ်" ဟုပြောလိုက်သည်။
လုယိမင်က Coke နှစ်ခွက်ငှဲ့ယူလိုက်ကာ ကုဝူယွီအား တစ်ခွက်ပေးလိုက်သည်။
ကုဝူယွီက မီးဖိုချောင်ထဲတွင် အလုပ်ရှုပ်နေသော ချင်းရှင်းကို မလှုပ်မယှက် ကြည့်နေခဲ့သည်။
ယနေ့အတွက် ပြင်ဆင်ထားသော ပါဝင်ပစ္စည်းများကို အကုန်သုံးပြီး ဖြစ်၍ ရေခဲသေတ္တာထဲ၌ အေးခဲထားသော အစားအစာအချို့နှင့် ဂျုံမှုန့်သာ ရှိတော့သည်။
ထို့ကြောင့် ချင်းရှင်းက ခေါက်ဆွဲလုပ်ရန် ဆုံးဖြတ်လိုက်သည်။
ချင်းရှင်းက ပထမဆုံး ဂျုံမုန့်ကို နှိပ်နယ်ပြီး ဘေးဖယ်ထားကာ စိုစွတ်နေသော မျက်နှာသုတ်ပုဝါဖြင့် ဖုံးအုပ်ထားလိုက်သည်။
ထို့နောက် ချင်းရှင်းက ကြက်သွန်ဖြူ နှင့် ကြက်သွန်နီကို အခွံခွာ၍ အတုံးလေးများ လှီးဖြတ်ကာ ပန်းကန်ထဲတွင် ထည့်ထားလိုက်သည်။
ပြီးနောက် ချင်းရှင်းက နှမ်းဖြူကို ထုတ်ကာ ရနံ့မွှေးရန်အတွက် အိုးတစ်လုံးထဲတွင် ထည့်လှော်လိုက်
သည်။
ပြီးမှ ဇလုံအလွတ်တစ်လုံးကိုထုတ်ကာ ပဲငံပြာရည်အကြည်၊ ပဲငံပြာရည် အနောက်နှင့် သကြားဇွန်းတစ်ဝက်ခန့်ကို ဇွန်းဖြင့်မွှေပြီး ဖယ်ထားလိုက်သည်။
ချင်းရှင်းက မျက်နှာသုတ်ပုဝါကို ဖယ်လိုက်ပြီး ဂျုံလုံးကို နှိပ်နယ်လိုက်သည်။
လုယိမင်က ချင်းရှင်း၏ လှုပ်ရှားမှုများကို ကြည့်ပြီး မရောင်းသေးသော ဟင်းလျာကို ချက်ပြုတ်နေသဖြင့် လုယိမင်၏ မျက်လုံးများက တောက်ပလာကာ အစားအသောက်ကို စောင့်မျှော်နေလေသည်။
ချင်းရှင်းက ဂျုံလုံးကို ဘုတ်ပေါ်တွင် ဖြန့်ပြီး ဂျုံမှုန့်များ ဖြန်းကာ ခေါက်ဆွဲ ပြုလုပ်လိုက်သည်။
ထို့နောက် အိုးထဲသို့ ဆီထည့်ကာ ကြက်သွန်နီနှင့် ကြက်သွန်ဖြူ အတုံးများထည့်ကာ မီးပြင်းပြင်းဖြင့် ညိုလာသည်အထိ ကြော်လိုက်သည်။
ပြိီးနောက် ရောထားသော ပဲငံပြာရည်အကြည်နှင့် ပဲငံပြာရည်အနောက်တို့ကို အိုးထဲသို့ထည့်ကာ
မီးပိတ်၍ ကြက်သွန်နီနှင့် ကြက်သွန်ဖြူများကို ဖယ်ထုတ်လိုက်သည်။
ကြက်သွန်မြိတ်ဆီ ရသွားသောအခါ ချင်းရှင်းက အိုးထဲသို့ ရေထည့်ပြီး ပွက်ပွက်ဆူအောင် တည်ကာခေါက်ဆွဲကို ပြုတ်လိုက်သည်။
ခေါက်ဆွဲကို ပိုမိုစားကောင်းစေရန်အတွက် ချင်းရှင်းက ရေအေးထဲတွင် ဆေးချလိုက်သည်။
ချင်းရှင်းက ခေါက်ဆွဲကို ပန်းကန်နှစ်လုံးထဲသို့ ခွဲထည့်ပြီး ကြက်သွန်မြိတ်ဆီနှင့် ရောနယ်ကာ လှော်ထားသော နှမ်းဖြူများနှင့် ကြက်သွန်မြိတ်ကို အပေါ်မှ ဖြူးလိုက်သည်။
ထို့နောက် ချင်းရှင်းက လုယိမင်တို့ထံ သွားချပေးကာ "ကြက်သွန်မြိတ်ဆီချက်ခေါက်ဆွဲ စားကြည့်ကြပါဦး" ဟုပြောလိုက်သည်။
လုယိမင်က စားချင်နေသည်မှာ ကြာပြီဖြစ်သော်လည်း ကုဝူယွီက မစားသဖြင့် မစားရဲသေးပေ။
ကုဝူယွီက ကြက်သွန်မြိတ် ဆီချက်ခေါက်ဆွဲကို ကြည့်လိုက်ရာ ချင်းရှင်း၏ ပြင်ဆင်မှုကြောင့် မောပန်းနွမ်းနယ်မှုများ ပြေပျောက်သွားပြီး "ကျေးဇူးတင်ပါတယ်" ဟုပြောလိုက်သည်။
ထို့နောက် ကုဝူယွီက တူများကို ကောက်ယူပြီး ခေါက်ဆွဲကို စတင်စားလိုက်သည်။
ထိုအခါမှ လုယိမင်က ဗိုက်ဆာနေပြီ ဖြစ်သဖြင့် ခေါက်ဆွဲကို အလုပ်ကြီးကြီး ယူစားလိုက်သည်။
ခေါက်ဆွဲ၏ အရသာက အလွန်ကောင်းမွန်ပြီး ကြက်သွန်မြိတ်အရသာကို အပြည့်အဝရသည်။
"အင်း စားလို့ကောင်းတယ်"
ကုဝူယွီက အနည်းငယ်သာ စားရသေးသော်လည်း လုယိမင်က တစ်ပန်းကန်လုံး ကုန်သွားခဲ့သည်။
ကုဝူယွီက ခေါက်ဆွဲကို မျိုချလိုက်ပြီးနောက် ဗိုက်ထဲ၌ ပို၍ သက်တောင့်သက်သာရှိသွားသည်ဟု ခံစား
ရပြီး "ဒီနေ့ အလုပ်က ဘယ်လိုလဲ" ဟုချင်းရှင်းကို မေးလိုက်သည်။
"အဆင်ပြေပါတယ်" ဟုချင်ရှင်းက ရိုးရိုးသားသားပြန်ဖြေလိုက်သည်။
"နောက်ဆို ပိုကောင်းလာလိမ့်မယ်"
ကုဝူယွီက ချင်းရှန်ကို ဖွံ့ဖြိုးတိုးတက်အောင် လုပ်ရန်ရည်ရွယ်ထားသဖြင့် ထိုသို့ ပြောလိုက်သည်။
ချင်းရှင်းက "အင်း ကျွန်မလည်း ပိုကောင်းလာမယ်လို့ ယုံကြည်ပါတယ်" ဟုပြန်ပြောလိုက်သဖြင့် ကုဝူယွီက တူကိုကိုင်ထားသော လက်များ ရပ်တန့်သွားကာ ချင်းရှင်းကို မော့ကြည့်လိုက်သည်။
ထိုအခါ ချင်းရှင်း၏ မျက်လုံးများ၌ အနာဂတ်ကို ယုံကြည်မှုအပြည့်ရှိနေသည်ကို တွေ့လိုက်ရသဖြင့် ကုဝူယွီက အနည်းငယ် စိတ်လှုပ်ရှားသွားသည်။
လုယိမင်ကလည်း အနည်းငယ် ထိတ်လန့်သွားသည်။
ကုဝူယွီက မြို့တော် T ၌ လုပ်ငန်းလာလုပ်သောအခါ ရှယ်ယာရှင်အချို့၏ ဆန့်ကျင်မှုကို ခံရပြီး ရှယ်ယာများကို ထုတ်သွားခဲ့ကြသည်။
သို့သော် ရင်းနှီးသည်မှာ မကြာသေးသော ချင်းရှင်းက ကုဝူယွီထံမှ ဤအဆောက်အအုံကို ပထမဆုံးဝယ်ယူပြီး စီးပွားရေးလုပ်ခဲ့သည့်အပြင် အနာဂတ်တွင် ပိုကောင်းလာမည်ဟု အမှန်တကယ် ယုံကြည်နေခဲ့သည်။
လုယိမင်က ချင်းရှင်းက သူမ၏ ဟင်းချက်လက်ရာကို ယုံကြည်သည်လော သို့မဟုတ် ကုဝူယွီ၏ စွမ်းရည်ကို ယုံကြည်သည်လော မသိခဲ့ချေ။
ကုဝူယွီက ချင်းရှင်းနှင့် စကားစမြည်ပြောရင်း ခေါက်ဆွဲကို ဖြည်းဖြည်းချင်း စားနေခဲ့သည်။
ကုဝူယွီ၊ "ဒီနေ့ မင်း အဆင်မပြေတာရှိလား"
ချင်းရှင်းက ထိုအကြောင်းကို ပြောရန်မရည်ရွယ်ခဲ့သော်လည်း စကားပြောရသည်မှာ အလွန်
သဟဇာတ ဖြစ်နေသဖြင့် အော်ဒါမှာသည့် ပြဿနာကို ပြောပြလိုက်သည်။
ထိုအခါ ကုဝူယွီက ခေါင်းညိတ်လိုက်သည်။
ကုဝူယွီက စားပြီးသည်နဲ့ ထပြီး "မင်းရဲ့ ခေါက်ဆွဲက အရမ်းစားကောင်းတယ်။ စောစောအနားယူလိုက်ပါဦး။ ကျေးဇူးပါ" ဟုပြောပြီး ပြန်သွားခဲ့သည်။
အပေါ်ထပ်သို့ ပြန်ရောက်သောအခါ ချင်းရှင်းက ရေချိုးပြီးသည်နှင့် ညအိပ်ဝတ်စုံကို ၀တ်ကာ စနစ်ထဲသို့ ဝင်လိုက်သည်။
မကြာသေးခင်က အမှတ်အများအပြားကို စုဆောင်းထားသဖြင့် အမှတ် 2384 မှတ်ရနေပြီဖြစ်ရာ စနစ်၌ လုပ်ဆောင်ချက် အသစ်များ ပေါ်လာခဲ့သည်။
ချင်းရှင်းက ပစ္စည်းများ ထုပ်ပိုးခြင်း၊ အိမ်ပြောင်းခြင်း၊ ဆိုင်ဖွင့်ရန် ကိစ္စများ ကိုင်တွယ်ခြင်းနှင့် အလုပ်များနေသဖြင့် စနစ်၏ လုပ်ဆောင်ချက် အသစ်ကို မလေ့လာရသေးပေ။
ယနေ့တွင် အရာအားလုံး အခြေကျသွားပြီ ဖြစ်သဖြင့် ချင်းရှင်းက စနစ်၏ လုပ်ဆောင်ချက်အသစ်ကို လေ့လာမည်ဟု စဉ်းစားလိုက်သည်။
!!.....!!
..........................................
.........................................
အပိုင်း (၅၃) ပြီးပါပြီ။
