အပိုင်း(၆၇)
ချင်းရှင်းက ယခုတစ်ခေါက် ပိတ်ရက်အတွက် အများကြီး ပြင်ဆင်ထားခဲ့သည်။
သုံးယောက်သား သုံးရက်ကြာအောင် အလုပ်များနေကြပြီး ညဘက်၌ မီးဖိုချောင်တွင် ထိုင်၍ အနားယူနေခဲ့ကြသည်။
ချင်းရှင်းက "မနက်ဖြန် တစ်ရက်နားကြရအောင်" ဟုပြောလိုက်သဖြင့် မေ့ကုန်းလန်က အနည်းငယ် အံ့ဩသွားခဲ့သည်။
ထို့ကြောင့် ချင်းရှင်းက "အားလပ်ရက်လည်း ပြီးသွားပြီ။ အစ်မတို့ နှစ်ယောက်လုံး သုံးရက်လောက် အလုပ်ရှုပ်သွားရတယ်။ အဲ့ဒါကြောင့် အားလပ်ရက် ပေးတာ" ဟုရှင်းပြလိုက်သည်။
ထိုအချိန်၌ ထန်ရှီးလန် ရောက်လာပြီး မေ့ကုန်းလန်နှင့် ထန်မန်ရင်းတို့ကို စာအိတ်အနီပေးကာ "ဒါက ဒီသုံးရက်အတွက် အချိန်ပိုလုပ်အားခပါ" ဟုပြောလိုက်သည်။
မေ့ကုန်းလန်နှင့် ထန်မန်ရင်းတို့ နှစ်ယောက်သား စာအိတ်အနီကို ယူကာ ပြန်သွားခဲ့ကြသည်။
ထန်ရှီးလန်ကလည်း နောက်မှလိုက်ပြန်ခဲ့သည်။
လွန်ခဲ့သည့် သုံးရက်အတွင်း ကုမ္ပဏီအတွက် ငွေအမြောက်အမြား ရခဲ့သော်လည်း ထန်ရှီးလန်က ငွေပိုရလေလေ ချင်းရှင်း အလုပ်များလေလေ ဖြစ်သည်ကို သိရှိထားသည်။
ထန်ရှီးလန် လုပ်နိုင်သည်မှာ စာရင်းဇယား တွက်ချက်ရန်သာ ဖြစ်သည်။
ထန်မန်ရင်းက အချိန်ပိုလုပ်အားခအတွက် စာအိတ်အနီထဲတွင် ယွမ်၅၀၀သာ အများဆုံးရှိမည်ဟု ထင်ခဲ့သော်လည်း စာအိတ်ကို ကိုင်လိုက်သောအခါ အနည်းငယ် ထူနေသည်ကို သတိထားမိခဲ့သည်။
ထို့ကြောင့် အိမ်ပြန်ရောက်သည့်အချိန်၌ ဖွင့်ကြည့်လိုက်သောအခါ ယွမ် ၂၀၀၀ ဖြစ်နေသည်ကို တွေ့လိုက်ရသဖြင့် အံ့ဩသွားခဲ့သည်။
