အပိုင်း(၆၅)
ရှောင်းရှောင်း က "မှတ်ဉာဏ်ဆေးတစ်လုံးကို လဲလှယ်ပြီး စမ်းသုံးကြည့်ပါလား" ဟုချင်းရှင်းအား အကြံပေးလိုက်သည်။
မှတ်ဉာဏ်ဆေးတစ်လုံး၏ လဲလှယ်မှတ်သည် အမှတ် 300 ဖြစ်သည်။
ချင်းရှင်းက လဲလှယ်ပြီးနောက် သူမ၏ မှတ်ဉာဏ်တန်ဖိုးက 8 ဖြစ်လာသည်ကို တွေ့ရှိခဲ့သည်။
သို့သော် ဆေးတစ်ကြိမ် သောက်လိုက်ရုံဖြင့် ချင်းရှင်းက သူမ၏ မှတ်ဉာဏ်၌ ပြောင်းလဲမှုများကို ရှင်းရှင်းလင်းလင်း ခံစားခဲ့ရသည်။
ချင်းရှင်းက စနစ်၏ မျက်နှာပြင်ပေါ်ရှိ အကြောင်းအရာတစ်ဝက်ကို ခဏတာ ကြည့်ရုံဖြင့် အလွတ်မှတ်မိနေခဲ့သည်။
ကျန်းမာရေးတန်ဖိုး တိုးလာသည်နှင့် နှိုင်းယှဉ်ပါက အမှတ် 300 ဖြင့် လဲလှယ်ရသော မှတ်ဉာဏ်ဆေးလုံး
က တွက်ခြေကိုက်သည်ဟု ချင်းရှင်းက ခံစားရသည်။
ထို့ကြောင့် ချင်းရှင်းက မှတ်ဉာဏ်ဆေးလုံး နှစ်လုံးကို ထပ်မံ၍ လဲလှယ် သောက်လိုက်ရာ သူမ၏ မှတ်ဉာဏ်က 24 ဖြစ်လာခဲ့သည်။
စနစ်၌ အမှတ် 132 မှတ်သာ ကျန်တော့သောကြောင့် ချင်းရှင်းက ထပ်မံ၍ မလဲလှယ်တော့ပေ။
စနစ်မှ မထွက်ခွာမီ၌ ချင်းရှင်းက သူမ၏ အရည်အချင်း ဇယားကို တစ်ချက်ကြည့်လိုက်သည်။
အမည် - ချင်းရှင်း (08277)
ကျား/မ - မ
အသက် : 21
မျက်နှာလှပမှု : 90
ကျက်သရေရှိမှု : 70
ဟင်းချက်စွမ်းရည် : 80
စိတ်ဝိညာဉ်စွမ်းအား : 100
တိုက်ခိုက်ရေးစွမ်းအား : 100
ကံကောင်းခြင်းတန်ဖိုး : 100
သွက်လက်မှု : 100
အမြင်အာရုံ : 100
ကျန်းမာရေးကောင်းမွန်မှု : 1
မှတ်ဉာဏ် : 24
ဆီနှင့် ငရုတ်သီးများစွာကို လဲလှယ်ထားမှုကြောင့် ချင်ရှင်းက နောက်တစ်နေ့ နံနက်အစောပိုင်းတွင် စောစောအိပ်ယာထပြီး ပထမထပ်ရှိ မီးဖိုချောင်သို့ ဆင်းသွားခဲ့သည်။
မေ့ကုန်းလန် ရောက်လာသောအခါ ချင်းရှင်းက ငရုတ်ဆီ ချက်နေပြီဖြစ်ကြောင်းကို တွေ့လိုက်ရသည်။
မေ့ကုန်းလန်က ငရုတ်ဆီအနံ့ကို ရလိုက်ရုံဖြင့် ဆယ်ယွမ်တန် ငရုတ်ဆီဖြစ်ကြောင်း ချက်ချင်းသိရှိသွားကာ "ဒီနေ့ ငရုတ်ဆီတွေ အများကြီး ချက်နေတာလား" ဟုမေးလိုက်သည်။
ချင်းရှင်းက "ဒီနေ့ချက်တဲ့ ငရုတ်ဆီက အရမ်းကောင်းတယ်။ အဲ့ဒါကြောင့် ဒီနေ့ ချဉ်စပ်ခေါက်ဆွဲတစ်ပွဲကို ယွမ် ၂၀ နဲ့ စရောင်းဖို့ ဆုံးဖြတ်ထားတယ်" ဟုပြန်ပြောခဲ့သည်။
ထိုအခါ မေ့ကုန်းလန်က သူမ၏ တံတွေးကို မျိုချလိုက်သည်။
အကြောင်းမှာ ဈေးကြီးခြင်းကြောင့် မဟုတ်ဘဲ ယွမ်နှစ်ဆယ်တန် ချဉ်စပ်ခေါက်ဆွဲ၏ အရသာကို မြည်းကြည့်ချင်သောကြောင့် ဖြစ်သည်။
ချင်းရှင်းက ငရုတ်ဆီကို ချက်ပြီးသောအခါ ချဉ်စပ်ခေါက်ဆွဲ သုံးပွဲကို ချက်ပြီး "အစ်မတို့ မနက်စာစားပြီးမှ အလုပ်လုပ်ကြရအောင်" ဟုပြောလိုက်သည်။
မေ့ကုန်းလန်က ခေါက်ဆွဲပန်းကန်ကို ကိုင်လိုက်ပြီး ချင်ရှင်း၏ ဘယ်ဘက်တွင် ထိုင်လိုက်သည်။
ထန်မန်ရင်းကလည်း အမြန်ပြေးလာပြီး ချင်ရှင်း၏ ညာဘက်၌ ထိုင်လိုက်ကာ တူကို ကောက်ကိုင်၍ ခေါက်ဆွဲကို တန်းစားတော့သည်။
မီးဖိုချောင်၌ မှန်များ ကာထားသော်လည်း ပြတင်းပေါက်ငယ်လေးများ အနည်းငယ် ရှိနေသဖြင့် ချင်းရှင်း ငရုတ်ဆီချက်ချိန်၌ မွှေးရနံ့က ထိုပြတင်းပေါက်များမှတစ်ဆင့် လွင့်ပျံလာရာ ထန်မန်ရင်းက အနံ့ရရုံဖြင့် အရသာ အရမ်းရှိမည်ကို သိနေခဲ့သည်။
ငရုတ်ဆီ၏ အနှစ်သာရမှာ ငရုတ်သီးဖြစ်ပြီး ဤငရုတ်ဆီထဲရှိ ငရုတ်သီးမှာ အကောင်းဆုံး အရည်အသွေးရှိသော ငရုတ်သီးဖြစ်သည်။
ထန်မန်ရင်းက ငရုတ်ဆီထဲမှ ငရုတ်သီး၏ အရသာမှာ စပ်ခြင်းမကဘဲ အကောင်းဆုံး အရသာကိုသာ ပေးနိုင်သည်ဟု ခံစားခဲ့ရသည်။
မေ့ကုန်းလန်ကား ထန်မန်ရင်းကဲ့သို့ အတွေးများစွာ မရှိခဲ့ဘဲ ယွမ် (၂၀)တန် ချဉ်စပ်ခေါက်ဆွဲမှာ အရသာရှိလှသည်ဟုသာ ခံစားနေခဲ့သည်။
ချင်းရှင်း စတင်မစားခင်ကပင် မေ့ကုန်းလန်နှင့် ထန်မန်ရင်းတို့ နှစ်ယောက်သားက အမြန်စားနေခဲ့ကြသည်။
ခေါက်ဆွဲ ကုန်ခါနီးအချိန်၌ မေ့ကုန်းလန်နှင့် ထန်မန်ရင်းတို့က အမြန်စားရန် တွန့်ဆုတ်နေကြသည်။
ထို့ကြောင့် ချဉ်စပ်ခေါက်ဆွဲကို ဖြည်းဖြည်းချင်း အရသာခံ စားနေခဲ့ကြသည်။
ခဏအကြာတွင် ဧည့်သည်တစ်ယောက် ရောက်လာပြီး ချင်ရှင်းတို့ သုံးယောက်သား ခေါက်ဆွဲစားနေသည်ကို မြင်လိုက်ရာ ခေါက်ဆွဲ၏ အနံ့ကြောင့် တခဏချင်း သွားရည်များ ကျလာတော့မည်ဟု ခံစားလိုက်ရသည်။
ထို့ကြောင့် ထိုဧည့်သည်က "ရှင်းရှင်း ကျွန်တော် ဆယ်ယွမ်တန် ချဉ်စပ်ခေါက်ဆွဲ လိုချင်တယ်" ဟုပြောလိုက်သည်။
ချင်းရှင်းက "ဒီနေ့ ဆယ်ယွမ်တန် ချဉ်စပ်ခေါက်ဆွဲ မရှိဘူး" ဟုပြောလိုက်သဖြင့် ဧည့်သည်က ဆယ်ယွမ်တန် ခေါက်ဆွဲ ကုန်သွားပြီဟု ထင်သွားကာ "အခုမှ ၇ နာရီပဲ ရှိသေးတာကို ရောင်းကုန်သွားပြီလား" ဟုအံ့ဩတကြီး မေးမြန်းလိုက်သည်။
ထိုအခါ ချင်းရှင်းက သူမ၏ ပန်းကန်ကို ညွှန်ပြပြီး "ယွမ် (၂၀)တန် ချဉ်စပ်ခေါက်ဆွဲပဲ ရှိတယ်။ စမ်းစားကြည့်ချင်လား" ဟုပြန်ပြောလိုက်သည်။
ထိုအချိန်၌ ထန်မန်ရင်းက ခေါက်ဆွဲကို တူဖြင့် နှိုးဆွလိုက်သဖြင့် ငရုတ်ဆီ၏ မွှေးရနံ့များက ထွက်လာခဲ့သည်။
ဧည့်သည်က ရနံ့ကို ရလိုက်သောအခါ ချက်ချင်း တံတွေးမြိုချပြီး "ကောင်းပြီ။ ဒါဆို ယွမ်(၂၀)တန် ခေါက်ဆွဲ တစ်ပွဲပေးပါ" ဟုပြောလိုက်သည်။
"ခဏနေရင် ရမယ်နော်"
ချင်းရှင်းက သူမစားလိုက်စ ပန်းကန်ကို ချထားပြီး မီးဖိုချောင်ထဲသို့ ဝင်ရန် ပြင်လိုက်သောအခါ မေ့ကုန်းလန်က အမြန်ထပြီး ကူညီရန် ပြင်လိုက်သဖြင့် ချင်းရှင်းက "အစ်မတို့နှစ်ယောက်လုံး ဒီခေါက်ဆွဲ ပန်းကန်ကို မကုန်မချင်း ဘယ်မှထသွားခွင့်မပေးဘူး" ဟုပြောလိုက်သည်။
ထန်မန်ရင်းက ချင်းရှင်း၏ သဘောထားကို နားလည်သဖြင့် စားပွဲ၌သာ ထိုင်နေပြီး ခေါက်ဆွဲကို ဖြည်းညှင်းစွာ စားနေလိုက်သည်။
မေ့ကုန်းလန်က ချင်းရှင်းကို အနည်းငယ် စိတ်ပူနေသော်လည်း ထန်မန်ရင်းကိုကြည့်၍ ခေါက်ဆွဲကို ဖြည်းညှင်းစွာ ဆက်စားလိုက်သည်။
ယွမ်(၂၀)တန် ချဉ်စပ်ခေါက်ဆွဲ ရလာသောအခါ ဧည့်သည်က ပထမဆုံး အနံ့ခံကြည့်လိုက်ရာ ယခင်ကထက် ပိုမွှေးကြောင်းကို သိလိုက်ရသည်။
ထို့ကြောင့် ခေါက်ဆွဲ ပန်းကန်ကိုကိုင်၍ စားပွဲဆီသို့ အမြန်ပြေးသွားကာ တူကို ကောက်ယူပြီး ငရုတ်ဆီနှင့် ခေါက်ဆွဲကို မွှေလိုက်သည်။
ထိုအခါ ငရုတ်ဆီ၏ မွှေးရနံ့က အလွန်ပျံ့လွင့်လာသဖြင့် ဧည့်သည်က သေချာမမွှေနိုင်တော့ဘဲ ပထမအလုတ်ကို စိတ်အားထက်သန်စွာ စားလိုက်သည်။
ပါးစပ်ထဲသို့ ရောက်သွားသောအခါ ငရုတ်ဆီ၏ အရသာကို အသေအချာ ခံစားလိုက်ရပြီး မျက်စိကိုမှိတ်ကာ အရသာကို ဂရုတစိုက် ခံစားနေချိန်၌ ပတ်ဝန်းကျင်မှ လူတစ်ယောက်၏ ရုတ်တရက် အော်ငေါက်သံကို ကြားလိုက်ရသည်။
"ဘာ ခေါက်ဆွဲတစ်ပွဲကို ယွမ်နှစ်ဆယ်တဲ့လား။ ဒါက ဓားပြတိုက်နေတာ မဟုတ်ဘူးလား"
အော်ငေါက်နေသောလူကို ကြည့်လိုက်သောအခါ လူလတ်ပိုင်းအရွယ် အမျိုးသားတစ်ယောက်ဖြစ်ပြီး ချင်းရှင်း၏ဆိုင်သို့ ပထမဆုံးအကြိမ် ရောက်လာပုံရသည်။
သို့သော် အနီးနားမှ ဖောက်သည်များက သူ၏စကားကို အရေးမစိုက်ကြပေ။
ဆန့်ကျင်ဘက်အနေဖြင့် ထိုလူအား ဧည့်သည်များက ထူးဆန်းသည့် အမူအရာဖြင့် လှမ်းကြည့်နေခဲ့ကြသည်။
ထိုလူကား ယနေ့၌ ကုဌာနချုပ်သို့ စီးပွားရေး ကိစ္စဖြင့် သွားရန်လာရင်း ချင်းရှင်း၏ ဆိုင်သို့ မနက်စာ ဝင်စားခြင်း ဖြစ်သည်။
ဆိုင်ထဲသို့ ဝင်လာပြီးနောက် အခြားသူများ မှာနေကြသော ချဉ်စပ်ခေါက်ဆွဲကို မှာရန်အတွက် ကုဒ်ကို စကင်န် ဖတ်ကြည့်လိုက်သောအခါ ခေါက်ဆွဲတစ်ပွဲကို ယွမ် ၂၀ ကျသင့်ကြောင်း တွေ့ရှိခဲ့သည်။
ထို့ကြောင့် ထိုလူက မကျေမနပ် အော်ပြောသော်လည်း မည်သူမျှ ဂရုမစိုက်ကြဘဲ လူတိုင်းက ထိုလူအား ထူးဆန်းသော မျက်လုံးများဖြင့် ကြည့်နေခဲ့ကြသည်။
သို့သော်ငြား အလုပ်ကိစ္စ ဆွေးနွေးရမည် ဖြစ်သဖြင့်
ဗိုက်ထဲ၌ အစာမရှိလျှင် အဆင်မပြေသောကြောင့် ထိုလူက မဖြစ်မနေ မှာစားလိုက်ရသည်။
မကြာခင် ချဉ်စပ်ခေါက်ဆွဲ ရလာသဖြင့် ထိုလူက ခေါက်ဆွဲပမာဏကို ကြည့်လိုက်သောအခါ ပမာဏ များသဖြင့် စိတ်ထဲမှ "အင်း ခေါက်ဆွဲတစ်ပွဲ ငါးယွမ်တန်ရင် ဒီလောက်ဆို ခြောက်ယွမ်တန်လောက်ပေါ့" ဟုတွေးလိုက်သည်။
ထို့နောက် ထိုလူက ခေါင်းငုံ့ကာ အနံ့ခံပြန်သည်။
အထူးသဖြင့် ခေါက်ဆွဲထဲမှ ငရုတ်ဆီ၏အနံ့က အလွန်မွှေးသဖြင့် "အင်း ဒီလောက်ဆို ရှစ်ယွမ်လောက်တော့ တန်မှာပေါ့" ဟုတွေးလိုက်ပြန်သည်။
ထို့နောက် တူကို ကောက်ကိုင်လိုက်ကာ ငရုတ်ဆီနှင့် ခေါက်ဆွဲကို သမအောင် မွှေလိုက်ရာ မွှေးရနံ့ ပိုပြင်းလာသဖြင့် ထိုလူက "ဒီလောက်ဆို ဆယ်ယွမ်လောက်ပဲ ပေးရမှာပါ" ဟုတွေးလိုက်သည်။
ထိုလူက ထိုသို့တွေးရင်း ခေါက်ဆွဲကို ကောက်ယူ၍ ပါးစပ်ထဲသို့ ထည့်လိုက်ရာ အနည်းငယ်စားပြီးနောက် သူ၏အမူအရာက အရသာရှိလိုက်တာဟု
အော်ပြောလုနီးပါး ဖြစ်သွားခဲ့သည်။
ထို့နောက် ခေါက်ဆွဲကို ဆက်တိုက် ယူစားကာ ကြည်နူးနေခဲ့သည်။
ယနေ့အတွက် ဤခေါက်ဆွဲပန်းကန်ကြောင့် ခံစားချက်ကောင်းသွားသဖြင့် စီးပွားရေး ကိစ္စ အဆင်ပြေမည်ဟုပင် ခံစားနေရသည်။
ပုံမှန် ဖောက်သည်များက ထိုယောက်ျား၏ တုံ့ပြန်မှုကို မြင်ပြီး ကျေနပ်စွာ ခေါင်းညိတ်ပြကာ စားသောက်ဆိုင်မှ ထွက်လာခဲ့ကြသည်။
ပုံမှန်ဖောက်သည် အများအပြားက ယွမ်(၂၀)တန် ချဉ်စပ်ခေါက်ဆွဲကိုသာ မှာယူကြသဖြင့် ချင်းရှင်းက ယနေ့အတွက် ချဉ်စပ်ခေါက်ဆွဲကို ယခင်နေ့များထက် ပမာဏ ပို၍ရောင်းချပေးခဲ့သည်။
ယွမ်(၂၀)တန် ချဉ်စပ်ခေါက်ဆွဲက ဈေးပိုကြီးသော်လည်း ပမာဏပိုများပြီး အရသာပိုရှိသဖြင့် ဝယ်သူများက ဈေးတန်သည်ဟု ခံစားမိကြသည်။
ငရုတ်ဆီ ကျန်နေသေးသော်လည်း မနက် ရှစ်နာရီ၌ ချင်းရှင်းက ဆက်မရောင်းတော့ဘဲ ဆိုင်ပိတ်လိုက်သည်။
ချင်းရှင်းက ဖောက်သည်များ ကျေနပ်ပျော်ရွှင်စွာ စားသောက်နေကြသည်ကို မြင်လိုက်ရသဖြင့် အလွန်ဝမ်းသာနေခဲ့သည်။
ချင်းရှင်းက သူမ၏လက်ကို ဆေးကြောပြီး မေ့ကုန်းလန်နှင့် ထန်မန်ရင်းတို့ထံ အလုပ်များ အပ်ခဲ့ကာ "ကျွန်မ ခဏအပြင်သွားလိုက်ဦးမယ်" ဟုနှုတ်ဆက်ပြီး အပြင်ထွက်သွားခဲ့သည်။
အကြောင်းမှာ ချင်းရှင်းက ယနေ့ ထန်ရှီးလန်ကို ရုံးခန်းသို့ ခေါ်သွားရန် ဖြစ်သည်။
ထန်ရှီးလန်က ကုမ္ပဏီ အဆောက်အဦ၏ တံခါးဝ၌ ရောက်နှင့်နေပြီ ဖြစ်သဖြင့် ချင်းရှင်းက "နင်အစောကြီး ရောက်နေတာလား" ဟုမေးလိုက်သည်။
ထန်ရှီးလန်က တက္ကသိုလ်တက်နေစဉ်အတွင်း အချိန်ပိုင်း အလုပ်များ လုပ်ခဲ့သော်လည်း ထို
အလုပ်များက အပျော်တမ်းများသာ ဖြစ်သည်။
ယခုကား ပထမဆုံးအကြိမ် အတည်တကျ အလုပ်လုပ်ရတော့မည် ဖြစ်သဖြင့် ထန်ရှီးလန်က လေးလေးနက်နက် လုပ်ဆောင်ခဲ့သည်။
"ဒီနေ့က ပထမဆုံး အလုပ်တက်ရမယ့်နေ့ဆိုတော့ စောစောလာရမှာပေါ့" ဟုထန်ရှီးလန်က ပြန်ဖြေခဲ့သည်။
နှစ်ယောက်သား ရုံးခန်းအဆောက်အဦထဲသို့ ဝင်လာရင်း ချင်းရှင်းက "နင်က တိတ်တိတ်ဆိတ်ဆိတ် နေရတာကြိုက်လို့ ရုံးခန်းကို (၁၂)ထပ်မှာ ငှားထားတယ်" ဟုပြောလိုက်သည်။
"ကောင်းတာပေါ့"
ထန်ရှီးလန်က တိတ်ဆိတ်သည့် ပတ်ဝန်းကျင်ကို နှစ်သက်သူ ဖြစ်သဖြင့် ထိုသို့ပြန်ပြောလိုက်သည်။
ချင်းရှင်းက "ဒါပေမယ့် ရုံးခန်းက လောလောဆယ် စတုရန်းမီတာ 20 ပဲရှိတယ်။ နောက်ပိုင်းတော့
ဖြည်းဖြည်းချင်း ချဲ့ကြတာပေါ့" ဟုပြောလိုက်သဖြင့် ထန်ရှီးလန်က "စိတ်မပူပါနဲ့၊ နောက်ဆို ပိုအဆင်ပြေလာမှာပါ" ဟုပြောလိုက်သည်။
ဓာတ်လှေကားက (၁၂)ထပ်သို့ ရောက်သောအခါ ချင်းရှင်းက ထန်ရှီးလန်ကို ရုံးခန်းဆီသို့ ခေါ်သွားပြီး "ချင်းရှန်က လောလောဆယ် ဖွံ့ဖြိုးဆဲနေရာ ဖြစ်နေသေးလို့ ဒီအဆောက်အဦမှာ လူသိပ်မရှိသေးဘူး" ဟုပြောလိုက်သည်။
ထိုအခါ ထန်ရှီးလန်က "ဆိတ်ငြိမ်တဲ့ ပတ်ဝန်းကျင်က အလုပ်လုပ်ရတာ ပိုအဆင်ပြေတယ်" ဟုပြန်ပြောခဲ့သည်။
ချင်းရှင်းက ရုံးခန်း တံခါးကိုဖွင့်၍ ထန်ရှီးလန်အား သော့ပေးကာ "စားပွဲပေါ်မှာ ဘေလ်တွေရှိတယ်။ နင်ကုမ္ပဏီရဲ့ ပိုက်ဆံတွေကို စိတ်ကြိုက် ထုတ်သုံးလို့ရတယ်။ ဘာပဲဖြစ်ဖြစ် လောလောဆယ်တော့ ဘယ်သူမှ မရှိသေးဘူး ဆိုတော့ စာရင်းကိုင်ရော ငွေကိုင်ရောက နင်ပဲဖြစ်လိမ့်မယ်" ဟုပြောလိုက်သည်။
ထန်ရှီးလန်က ပြုံးပြပြီး "စိတ်မပူပါနဲ့" ဟုပြောလိုက်
သည်။
"အစ်မထန်နဲ့ အစ်မကုန်းလန်ကို လစဉ် လစာပေးဖို့ သတိရပေးနော်"
ချင်းရှင်းက စားပွဲအံဆွဲထဲမှ စာချုပ်နှစ်စောင်ကို ထုတ်လိုက်ပြီး "ဒီစာချုပ်က နင့်အတွက်" ဟုပြော၍ ထန်ရှီးလန်အား စာချုပ် ကမ်းပေးလိုက်သည်။
ထန်ရှီးလန်က စာချုပ်ကို မကြည့်ဘဲ လက်မှတ်တန်းထိုးလိုက်သဖြင့် ချင်းရှင်းက "နင့်ကို ငါလိမ်မှာ မကြောက်ဘူးလား" ဟုမေးလိုက်သည်။
ထိုအခါ ထန်ရှီးလန်က"နင်က သေချာပေါက် လိမ်မှာမဟုတ်ဘူး" ဟုပြန်ပြောလိုက်သည်။
"ကောင်းပြီ။ ဒါဆို နင်နောက်ပိုင်း ဝယ်စရာရှိရင် နင့်သဘောအတိုင်း ဝယ်လို့ရတယ်" ဟုချင်းရှင်းက ပြောပြီး စားသောက်ဆိုင် အလုပ်ရှိနေသေးသဖြင့် စားသောက်ဆိုင်သို့ ပြန်သွားခဲ့သည်။
ထန်ရှီးလန်က ချင်းရှင်းကို ဓာတ်လှေကားအထိ
လိုက်ပို့ပေးပြီး ရုံးခန်းကို သန့်ရှင်းရေးလုပ်ကာ ငွေစာရင်းများကို စတင်ဖတ်လိုက်သည်။
ထန်ရှီးလန်က ငွေတောင်းခံလွှာများမှ တစ်ဆင့် ချင်းရှင်း လျှောက်လှမ်းခဲ့သော လမ်းကြောင်းကို သိလာခဲ့သည်။
!!.....!!
..........................................
.........................................
အပိုင်း (၆၅) ပြီးပါပြီ။
