အပိုင်း(၆၂)
စုရွှမ်၏ အခန်းဖော်က စုရွှမ်၏ အမူအယာကို မြင်လိုက်သဖြင့် "ရွှမ်ရွှမ် နင်က နာမည်ကြီး ကုမ္ပဏီ တစ်ခုမှာ အလုပ်လုပ်နေရပြီဆိုတော့ နင်က တခြားသူတွေနဲ့ မတူတော့ဘူးနော်" ဟုနှစ်သိမ့်ပေးလိုက်သည်။
"ဟုတ်တယ်။ ငါက အခုအချိန်ပြည့် ဝန်ထမ်းဖြစ်နေပြီ။ သူတို့ ပြောနေတဲ့ ချင်းရှင်းက မနက်စာ ရောင်းတဲ့သူပဲ"
စုရွှမ်က သူမကိုယ် သူမ စိတ်သက်သာရာရအောင် ဖြေသိမ့်လိုက်သည်။
စုရွှမ်က လူစုဝေးနေသော နေရာသို့ လှမ်းကြည့်လိုက်သောအခါ အတန်းဖော်များက ဝူဒန်ဒန်ကို ဝိုင်းဝန်းမေးမြန်းနေသည်ကို တွေ့လိုက်ရသည်။
"ဒန်ဒန် ချင်းရှင်းက ဒီနေ့ဘာလို့ မလာတာလဲ"
"ဒန်ဒန် နင်နဲ့ ချင်းရှင်းက အခန်းဖော်တွေပဲ။ သူ့ရဲ့ အကြောင်းကို နင်သိသင့်တာပေါ့"
"ဟုတ်ပ မြန်မြန်ပြောပြစမ်းပါ"
"ချင်းရှင်း နေကောင်းရဲ့လား"
ဝူဒန်ဒန်က လက်သည်းနီ ဆိုးပြီးနောက် ခေါင်းမော့လာကာ "လူတိုင်း သိချင်နေလို့ ငါသတင်းကြီး တစ်ခု ပြောပြမယ်" ဟုပြောလိုက်သည်။
"ဘာသတင်းလဲ ပြောပြပါဦး"
"ချင်းရှင်းက အိမ်ထောင်ပြုတော့မှာလား"
"ဟဲ့ ပေါက်ကရ"
"နေပါဦး။ တစ်ယောက် တစ်ပေါက် ပြောမနေကြနဲ့။ ဒန်ဒန် ပြောတာကို ဆုံးအောင် နားထောင်ပါဦး"
"ရှင်းရှင်းက ကုအုပ်စုနဲ့ ပူးပေါင်း စာချုပ်ချုပ်လိုက်ပြီ။ နောက်ဆို အတူတူ လက်တွဲပြီး အလုပ်လုပ်ကြတော့မှာ" ဟုဝူဒန်ဒန်က အားလုံးကြားအောင် အသံကျယ်ကျယ်ဖြင့် ပြောလိုက်သည်။
ထိုအခါ တစ်ခန်းလုံး တိတ်ဆိတ်သွားပြီး လူအုပ်ကြီးက "ဘာပြောလိုက်တယ်" ဟုအံ့ဩတကြီး ဝိုင်းမေးကြတော့သည်။
...
ဝူဒန်ဒန်က လူတိုင်း၏ တုံ့ပြန်မှုကို ကျေနပ်စွာ ကြည့်နေခဲ့သည်။
ဝူဒန်ဒန်၏ စကားကို ကြားလိုက်သောအခါ စုရွှမ်က စိတ်ရှုပ်သွားခဲ့သည်။
ဤတစ်ခါ၌ ချင်းရှင်းကို ယှဉ်၍ မရတော့ပေ။
စုရွှမ်က တရားဝင် ဝန်ထမ်းတစ်ဦးသာ ဖြစ်သေးသော်လည်း ချင်းရှင်းက ကုအုပ်စုနှင့် ပူးပေါင်းလုပ်ဆောင်နေပြီ ဖြစ်သည်။
စုရွှမ်၏ အခန်းဖော်က မတ်တပ်ထရပ်ပြီး "ဝူဒန်ဒန် နင်ဘာတွေ လျှောက်ပြောနေတာလဲ။ ချင်းရှင်းက မနက်စာ ရောင်းတဲ့သူပါ။ ကုအုပ်စုနဲ့ ဘယ်လို
ပူးပေါင်းနိုင်မှာလဲ" ဟုထပြောလိုက်သည်။
"ဘာလို့ မလုပ်နိုင်ရမှာလဲ။ ငါတို့ရဲ့ ရှင်းရှင်းက အဲဒီအချိန်တုန်းက ကျန်းအုပ်စုနဲ့ ပြိုင်ပွဲမှာ အနိုင်ရခဲ့လို့ ကုအုပ်စုက မျက်စိကျသွားတာ နေမှာပေါ့"
ဝူဒန်ဒန်၏ စကားကြောင့် စုရွှမ်က မတ်တပ်ထရပ်လိုက်ပြီး "ကုအုပ်စုနှင့် ပူးပေါင်းဆောင်ရွက်ဖို့ဆို စာချုပ် ရှိရမှာပေါ့။ ချင်းရှင်းက ကုအုပ်စုနှင့် ပူးပေါင်းတယ် ပြောရအောင် ကုအုပ်စုက အစားအသောက် မရောင်းပါဘူး။ ဘယ်လိုများပူးပေါင်းလိုက်တာလဲ"ဟုပြောလိုက်သည်။
ဝူဒန်ဒန်က ချင်းရှင်းနှင့် ကုအုပ်စုက သဘောတူညီချက်တစ်ခုကို လက်မှတ်ရေးထိုးခဲ့ကြောင်း သိထားသော်လည်း အကြောင်းအရင်းမှန်ကို မသိခဲ့ချေ။
ဝူဒန်ဒန်က အဖြေမပေးနိုင်သည်ကို တွေ့လိုက်ရသောအခါ စုရွှမ်က "ကုအုပ်စုရဲ့ ကုမ္ပဏီအခွဲတွေက အနုပညာကုမ္ပဏီတွေ၊ နည်းပညာကုမ္ပဏီတွေ၊ အိမ်ခြံမြေကုမ္ပဏီတွေ၊ ဟိုတယ်ကုမ္ပဏီတွေပဲ ရှိတာပါ။ အစားအသောက်နဲ့ ပတ်သက်တာဆိုလို့ ဟိုတယ်တွေ
မှာပဲ ရှိမှာ" ဟုပြောလိုက်သည်။
ထိုအခါ စုရွှမ်၏ အခန်းဖော်က ရယ်ပြီး "ချင်းရှင်းကို ကုအုပ်စု လက်အောက်က ဟိုတယ်တစ်ခုမှာ စားဖိုမှူးအဖြစ် လုပ်ခိုင်းတာ ဖြစ်မယ်" ဟုပြောလိုက်သည်။
စုရွှမ်က "အဲ့ဒါကို ပူးပေါင်းတယ်လို့ ပြောရင် ကျန်းအုပ်စုနဲ့ ငါက အချိန်အကြာကြီး ပူးပေါင်းထားတယ်လို့ ပြောလို့ရပြီပေါ့" ဟုထပ်ပြောလိုက်သဖြင့် လူတိုင်းက ခေါင်းညိတ်ကာ လက်ခံလိုက်ကြသည်။
ထိုအချိန်၌ ထောင့်တွင် ထိုင်နေသော ထန်ရှီးလန်က "အားလုံးပဲ ကုအုပ်စုရဲ့ Official Weibo account ကို ဝင်ကြည့်ကြဦး" ဟုထပြောလိုက်သည်။
ထန်ရှီးလန်က ချင်းရှင်း၏ အခန်းဖော်ဖြစ်သော်လည်း အတန်းဖော်များက ချင်းရှင်း၏ အကြောင်း မေးကြသောအခါ ထန်ရှီးလန်က မသိကြောင်းသာ ပြန်ဖြေခဲ့သည်။
ထို့ကြောင့် နှစ်ယောက်သား၏ ဆက်ဆံရေးမှာ ပုံမှန်
သာ ဖြစ်မည်ဟု လူတိုင်းက ထင်နေခဲ့ကြသည်။
ထန်ရှီးလန်၏ စကားကြောင့် လူတိုင်းက လက်ကိုင်ဖုန်းကို ထုတ်၍ Weibo ကိုဖွင့်ကာ ကုအုပ်စု၏ တရားဝင် အကောင့်သို့ ဝင်ကြည့်လိုက်ကြသည်။
ကုအုပ်စု (၅) - တွဲဖက် ရှင်းရှင်းရဲ့ အစားအသောက် ကမ္ဘာနဲ့ ပူးပေါင်းဆောင်ရွက်ခြင်း ပထမဆုံး ထုတ်ကုန် [ငရုတ်ဆီပုံ]
"ဒီငရုတ်ဆီပုလင်းက တော်တော်လှတယ်"
"ငါလည်း အရမ်းမိုက်တယ်လို့ ခံစားရတယ်"
"ကြည့်ပါဦး။ ငရုတ်ဆီပုလင်းပေါ်မှာ ရှင်းရှင်းလို့ရေးထားတယ်"
"ရှင်းရှင်း တံဆိပ် ငရုတ်ဆီဆိုတော့ ကုအုပ်စုနဲ့ ပူးပေါင်းထားတာ မဟုတ်ဘူးလား။ ဘာလို့ ချင်းရှင်းရဲ့ နာမည်ပဲ ပေးထားတာလဲ"
"ချင်းရှင်းက ကုအုပ်စုနဲ့ ပူးပေါင်းဆောင်ရွက်တာတောင် သူရဲ့ ကိုယ်ပိုင်နာမည်ကို သုံးခွင့်ရတာပဲ"
"မှတ်ချက်တွေကို ကြည့်ကြပါဦး"
"ငါ ဒီငရုတ်ဆီကို အရမ်းစားချင်တာပဲ။ ဒန်ဒန် ဒီငရုတ်ဆီကို ဘယ်မှာဝယ်လို့ရမလဲ"
အတန်းဖော်တစ်ယောက်၏ အမေးကြောင့် ဝူဒန်ဒန်က အံသြသွားသည်။
ချင်းရှင်းက ပူးပေါင်းဆောင်ရွက်မှု စာချုပ်၌ လက်မှတ်ထိုးထားကြောင်း ဝူဒန်ဒန်က သိထားသော်လည်း စာချုပ်ချုပ်ထားသည့် အကြောင်းရင်းကို မသိခဲ့ပေ။
ထို့ကြောင့် ဝူဒန်ဒန်က ခေါင်းခါလိုက်ပြီး "ငါလည်း မသိဘူး" ဟုပြန်ပြောလိုက်သည်။
"ငါ မှတ်ချက်တွေ ဖတ်ကြည့်တာတော့ ဒီငရုတ်ဆီက စျေးကွက်ထဲကို မရောက်သေးဘူးလို့ ပြောထားတယ်"
"အောက်က comment တွေအကုန်လုံး ဝယ်ချင်
တယ်ပဲ ပြောထားကြတယ်"
"ငါလည်း ဝယ်ချင်တယ်"
"ဒန်ဒန် နင် ချင်းရှင်းကို မေးကြည့်လို့ ရမလား"
ထိုအခါ ဝူဒန်ဒန်က "ကောင်းပြီလေ။ ဒါပေမယ့် ရှင်းရှင်းက အရမ်းအလုပ်များတယ်။ ငါ အခု သူ့ဆီ မက်ဆေ့ချ် ပို့လိုက်မယ်။ သူငါ့ဆီ ပြန်ပို့လာရင် အဖွဲ့ထဲကို ပြန်ပို့ပေးမယ်" ဟုပြန်ပြောလိုက်သည်။
"ကျေးဇူးနော် ဒန်ဒန်"
"ရပါတယ်။ အားလုံးက အတန်းဖော်တွေပဲ" ဟုဝူဒန်ဒန်က ဝမ်းသာအားရ ပြန်ပြောလိုက်သည်။
ကုအုပ်စု၏ Weibo ကို ဖတ်ပြီးနောက် စုရွှမ်က ဒေါသတကြီးဖြင့် အပြင်ဘက်သို့ ထွက်လာခဲ့သည်။
ခဏအကြာ၌ ဆရာရောက်လာပြီး ဘွဲ့လက်မှတ်များကို ထုတ်ပေးခဲ့သည်။
အတန်းထဲရှိ ကျောင်းသား အားလုံး၏ နာမည်များကို ခေါ်ပြီးသွားသော်လည်း ချင်းရှင်း၏ နာမည်မပါလာခဲ့ပေ။
ထန်ရှီးလန်က ဆရာ့ထံ သွားမေးလိုက်သောအခါ ဆရာမှ "ချင်းရှင်းရဲ့ ဘွဲ့လက်မှတ်ကို သူ့မိဘတွေ ယူသွားပြီ" ဟုပြန်ပြောလိုက်သည်။
ထို့ကြောင့် ထန်ရှီးလန်က ချင်းရှင်းထံ ဖုန်းခေါ်လိုက်သည်။
ချင်းရှင်းက ပါဝင်ပစ္စည်းများကို ပြင်ဆင်နေရင်း ထန်ရှီးလန်က ဖုန်းခေါ်လာသဖြင့် မီးဖိုချောင် အပြင်ဘက်ရှိ လှေကားထစ်သို့ လျှောက်သွားကာ "ဟေး ရှီးလန် ဘာဖြစ်လို့လဲ" ဟုမေးလိုက်သည်။
"အခုလေးတင် ဘွဲ့လက်မှတ်ပေးတဲ့ ဆရာက နင့်မိဘတွေက နင့်ရဲ့ ဘွဲ့လက်မှတ်ကို ယူသွားတယ်လို့ ပြောတယ်"
"အင်း ငါသိပြီ"
ချင်းရှင်းက အလုပ်ရှာမည့် ရည်ရွယ်ချက်မရှိသဖြင့် ဘွဲ့လက်မှတ်ကို မလိုအပ်ပေ။
"တောင်းပန်ပါတယ် ငါနင့်ကို မကူညီနိုင်ခဲ့ဘူး"
"ရပါတယ်။ ငါလည်း ဘွဲ့လက်မှတ် မလိုပါဘူး"
ဖုန်းချပြီးနောက် ချင်းရှင်းက အလုပ်များနေသဖြင့် မီးဖိုချောင်သို့ ပြန်သွားခဲ့သည်။
ညနေပိုင်း အပေါ်ထပ်သို့ ပြန်ရောက်သောအခါ ချင်းရှင်းက ဝူဒန်ဒန်ထံမှ မက်ဆေ့ခ်ျကို ဖွင့်ဖတ်လိုက်သည်။
ကျောင်းသားများစွာက ကုအုပ်စုမှ တင်ထားသော ငရုတ်ဆီပုံကို မြင်သွား၍ မည်သည့်အချိန်၌ ဝယ်နိုင်မည်။ မည်သည့်နေရာ၌ ဝယ်ရမည်ကို ဝူဒန်ဒန်မှ လှမ်းမေးထားခဲ့သည်။
ချင်းရှင်းက Weibo ကိုဖွင့်လိုက်သောအခါ သူမ၏ ပရိသတ် 8 သန်းကျော်က ငရုတ်ဆီနှင့် ပတ်သက်သည့် မှတ်ချက်များကို ဝင်မန့်ထားခဲ့ကြသည်။
ချင်းရှင်းက ကုအုပ်စု၏ တရားဝင် Weibo အကောင့်သို့ ပထမဦးဆုံး သွားခဲ့ပြီး ကုအုပ်စု၏ Weibo အကောင့်က သူမကို follow လုပ်ထားကြောင်း တွေ့လိုက်ရသဖြင့် ချင်းရှင်းက ပြန်၍ follow လုပ်လိုက်သည်။
ကုဝူယွီက မနေ့က ချင်းရှင်းထံသို့ ငရုတ်ဆီ ပုလင်းပုံကို ပို့၍ လိုအပ်ချက် ရှိ၊မရှိကို မေးမြန်းခဲ့သည်။
ချင်းရှင်းက အရမ်းကောင်းသည်ဟု ပြောခဲ့သော်လည်း ကုအုပ်စုက ယနေ့ Weibo ၌ တင်လိမ့်မည်ဟု မမျှော်လင့်ထားခဲ့ချေ။
ထို့နောက် ချင်းရှင်းက ကုအုပ်စု၏ ပို့စ်ကို ပြန်လည်ဝေမျှလိုက်သည်။
[ရှင်းရှင်းရဲ့ အစားအသောက် ကမ္ဘာ- ပျော်ရွှင်စရာကောင်းတဲ့ ပူးပေါင်းဆောင်ရွက်မှုပါ]
Weibo ၌ ပို့စ်တင်ပြီးနောက် ချင်းရှင်းက ဝူဒန်ဒန်အား "ငါလည်း ဘယ်တော့ ဈေးကွက်ထဲ ရောက်မလဲဆိုတာကို အချိန်အတိအကျ မသိသေးဘူး။ လ
အနည်းငယ် ကြာနိုင်တယ်" ဟုစာပြန်ပို့လိုက်သည်။
ဝူဒန်ဒန်က ချင်းရှင်းထံမှ စာကို ရလိုက်သောအခါ သူ့အတန်းဖော်များထံ ချက်ချင်း ပြောပြလိုက်သည်။
ထိုအခါ အားလုံးက လအနည်းငယ်ကြာမှ ရမည်ဟု သိလိုက်ရသဖြင့် စိတ်ပျက်သွားခဲ့ကြသည်။
ဝူဒန်ဒန်က လူတိုင်း၏ တုံ့ပြန်မှုအကြောင်း ချင်းရှင်းထံသို့ ပြန်ပြောလိုက်သောအခါ ချင်းရှင်းက "ပဲပိစပ်တွေကို အချိန်အကြာကြီး အချဉ်ဖောက်ထားတာကြောင့် စောင့်ရတာကြာလေ ငရုတ်ဆီက ပိုအရသာရှိလေပဲ" ဟုပြန်ရှင်းပြခဲ့သည်။
"အဲ့ဒါဆိုလည်း စောင့်နေမယ်နော်။ ဒါနဲ့ နင်နေကောင်းလား"
"ကောင်းပါတယ်။ နင်ရော အဆင်ပြေလား"
"ငါက အလုပ်မရှာရသေးဘူး။ ဒါပေမယ့် ရှီးလန်ကတော့ သနားစရာကောင်းတယ်။ ကုမ္ပဏီတော်တော်များများမှာ လိုက်လျှောက်နေတာတောင်
အလုပ်မရသေးဘူး"
ချင်းရှင်းက ဝူဒန်ဒန်၏ စကားကြောင့် dialog box ကိုပိတ်ပြီး ထန်ရှီးလန်ကို ဖုန်းခေါ်လိုက်သည်။
"ဒီအချိန်ကြီး နင်ဘာလို့ ဖုန်းခေါ်တာလဲ။ မအိပ်သေးဘူးလား"
"ငါနင်နဲ့ ပြောစရာရှိတယ်"
"ဘာကိစ္စရှိလို့လဲ"
"ငါကုအုပ်စု နဲ့ ပူးပေါင်းထားတဲ့ ကုမ္ပဏီမှာ စာရင်းကိုင် မလုံလောက်သေးဘူး။ အဲ့ဒါ နင့်ကို လာကူညီပေးဖို့ တောင်းဆိုချင်တယ်"
ချင်းရှင်း၏ စကားကြောင့် ထန်ရှီးလန်က အံ့ဩသွားခဲ့သည်။
"ကုမ္ပဏီက မှတ်ပုံတင်ထားတယ်။ ဝန်ထမ်းလည်း မရှိသေးဘူး။ ရုံးခန်းနေရာလည်း မရှိသေးဘူး"
ချင်းရှင်းက ထိုသို့ပြောလိုက်သော်လည်း ထန်ရှီးလန်က ပြုံး၍ "ကောင်းပြီလေ ငါလာခဲ့မယ်" ဟုပြောလိုက်သည်။
"တကယ်လား"
ထန်ရှီးလန်က အရည်အချင်းရှိသူ ဖြစ်သဖြင့် သူမ၏ တောင်းဆိုချက်ကို လက်မခံလောက်ဟု ချင်းရှင်းက ထင်ခဲ့သဖြင့် အံ့ဩသွားခဲ့သည်။
"အင်း တစ်ပတ်အတွင်း ငါလာခဲ့မယ်"
"ကောင်းပြီ"
"ငါ့ကို လိပ်စာပေး။ ငါ ခရီးဆောင်အိတ်ကို အရင်ပို့လိုက်မယ်"
ချင်းရှင်းက ထန်ရှီးလန်ကို လိပ်စာပေး၍
"လစာဘယ်လောက်လဲလို့တောင် မမေးတော့ဘူးလား" ဟုပြောလိုက်သည်။
"နင်ပေးချင်သလောက်သာပေး" ဟုထန်ရှီးလန်က
ပြန်ပြောခဲ့သည်။
ထို့နောက် နှစ်ယောက်သား ခေတ္တအနားယူရင်း စကားစမြည် ပြောဆိုခဲ့ကြသည်။
!!.....!!
..........................................
.........................................
အပိုင်း (၆၂) ပြီးပါပြီ။
