တီချယ် ယိမ်း (သို့) မောင့်ရဲ့ ယိမ်း

Part 25

''အိမ့်လေး ဒီနေ့Report cardရတယ်ဆို''

''ဟုတ် တီချယ်ချစ်သဲ''

''တီချယ့်ကို ပြကြည့်ပါအုံး တီချယ့်သမီးလေးက ဒီတစ်ခေါက်လဲ All A ဘဲရမယ်ဆိုတာ တီချယ်သိတယ်''

တီချယ် ချစ်သဲ က ပညာရေးကိုဆိုအတော်အလေးထားတဲ့သူပါ မျိုးရိုးစဥ်ဆက်အလိုက်ချမ်းသာကြတဲ့သူတွေဖြစ်ပေမဲ့ အခုထိကလေးတွေကို ကျူရှင်သင်ပေးတုန်း ပညာတော်တဲ့ကလေးတွေဆို ထောက်ပံ့တယ် လိုအပ်တာတွေလဲကူညီပေးတယ် ကျူရှင်လခမတတ်နိုင်တဲ့ကလေးတွေဆိုရင်လဲ အလကားသင်ပေးတယ် တီချယ်ချစ်သဲက အိမ့်လေးစားရတဲ့သူပါ

''မသဲကို ချယ်ပြောပါတယ် အိမ့်လေးက ဒီတစ်ခေါက်လဲ All A ပါဆို''

''တီချယ့် သမီးလေး ဘာလိုချင်လဲပြော ၊ တီချယ်က ဆုချချင်လို့''

မချယ်က အိမ့်အနားကပ်ပြီး လေသံတိုးတိုးလေးနဲ့ လိုချင်တာရှိရင်ရဲရဲပြောလိုက် အိမ့်လေး

''အိမ့် လိုချင်တာတော့ရှိတယ် တီချယ် ဒါပေမဲ့ အဲ့တာကို အိမ့်ကိုယ်တိုင်ကြိုးစားမှဘဲရမှာမို့လို့ပါ''

''ဟုတ်ပါပြီ ဒါဖြင့် တီချယ် ဘာသာဘဲ တီချယ် ကြိုက်တာဝယ်ပြီး တီချယ့်သမီးကို ဆုချတော့မယ်''

''ဟုတ်ကဲ့😁''
.......

''မေမေ''

''ဘာပြောမလို့လဲ အိမ့်လေး''

''အကယ်၍ မေမေ့သမီးကလေ မိန်းခလေးတစ်ယောက်ကို ချစ်မိသွားရင် မေမေစိတ်ဆိုးမှာလားဟင် ''

''သမီးပြောချင်တာက ၊မေမေ့သမီးလေးက မိန်းခလေးတွေကိုဘဲ စိတ်ဝင်စားတယ်လို့ပြောချင်တာလား''

''အဲ့လိုမဟုတ်ပါဘူးမေမေ ၊ မိန်းခလေးတိုင်းကိုစိတ်ဝင်စားတာမဟုတ်ဘဲ အမျိုးသမီးတစ်ယောက်ထဲကိုဘဲ ချစ်မိသွားတာပါ''

''မေမေကတော့ စိတ်မဆိုးပါဘူး၊ မေမေ့သမီးလေးရွေးချယ်တဲ့လမ်းကို မေမေမကန့်ကွက်ပါဘူး ဒါပေမဲ့ အမျိုးသမီးချင်းဖြစ်တော့ ဒီလမ်းဟာ သာမန်ထက်မတူဘဲ ခက်ခဲကြမ်းတမ်းလိမ့်မယ် မေမေ့သမီးလေးရင်ဆိုင်နိုင်ဖို့ဘဲ မေမေမျှော်လင့်တယ် နောက်ပြီး ကိုယ့်ရွေးချယ်မှုအပေါ် ကိုယ်သစ္စာရှိရမယ်နော် သမီး''