တီချယ် ယိမ်း (သို့) မောင့်ရဲ့ ယိမ်း

Part 43

''ယိမ်းရေ  ပစ္စည်းတွေထည့်လို့ ပြီးပြီလား''

''ဟုတ် ပြီးပြီမောင်''

''မနက်ကျရင် မောင်တို့ ၇ နာရီလောက်ထွက်ကြမယ်နော်''

''ဟုတ် ''

ယိမ်းရဲ့ မေမေက နေမကောင်းဘူးဆိုလို့ မောင်တို့လဲ မော်လမြိုင်ကိုပြန်ကြဖို့ဆုံးဖြတ်လိုက်ကြတယ် ။ ရဝီလေးကတော့ ဒီမှာ ပိုပျော်တယ်ထင်ပါ့ အခုလဲ မပြန်ခင် မေမေတို့က ရဝီလေးနဲ့အတူတူ အိပ်မယ်ဆိုပြီး လာခေါ်တာ လိုက်သွားတော့တယ် မောင်တို့လဲ မနက်အစောရီးသွားကြမယ်ဆိုတော့ ပစ္စည်းတွေမကျန်အောင် ပစ္စည်းတွေထည့်ပြီး သေချာပြန်စစ်နေကြတယ်

''ညောင်းနေပြီလား ယိမ်းလေး''

''မညောင်းပါဘူးမောင်ရဲ့၊ ယိမ်းက ဘာမှ သိပ်လုပ်ရတာမှမဟုတ်တာ ၊အကုန်လုံး မောင်ဘဲ သိမ်းပေးနေတာ ကို''

''ဒါကတော့ မောင့်ယိမ်းလေး ပင်ပန်းမှာစိုးလို့ပါ ၊မောင်က ယိမ်းကိုချစ်တာကိုး''

''အပိုတွေ''

မောင့်အပြောကို ယိမ်းကရှက်သွားတယ်ထင်တယ်ရှက်ပြုံး လေးပြုံးနေပြီးတော့ မောင့်လက်မောင်းလေးကို.အသာလေး လာရိုက်တော့သည်။

''တကယ်ပြောတာပါ ယိမ်း ရဲ့၊ မနက်ကလဲ စိုက်ခင်းထဲမှာ  မေမေ့ကို ကူထားတာ ယိမ်းလေးလဲ ပင်ပန်းရောပေါ့''

''ယိမ်းက ဘာမှလုပ်ရတာမှမဟုတ်တာမောင်ရဲ့ ၊မေမေနဲ့ အဖော်လိုက်သွားပေးရုံဘဲ ကို''

''ဟုတ်ပါပြီဗျာ''

.....

''ကို ၊ ပစ္စည်းတွေသေချာထည့်နော် မကျန်အောင်လဲ ပြန်စစ်ပေးအုံး''

''ဟုတ်ကဲ့ပါခဗျ ၊ ပြီးတော့မယ် ဟန်နီရဲ့''

''ဟန်နီလေ ရွာကိုလာတိုင်း ဘယ်တော့မှမပြန်ချင်တော့ဘူးဖြစ်နေတယ်၊ ဒီမှာကလေ ဆိုင်ကယ်တွေ ကားတွေနည်းတော့ အေးအေးဆေးဆေးလေးနေရတယ် နောက်ပြီး အပင်တွေကလဲ များတော့ ညနေပိုင်းလေလေးတွေတိုက်ရင် အေးနေရောဘဲ ရွာလေးကလဲသာယာတော့ ဟန်နီ ပြန်တောင်မပြန်ချင်တော့ဘူးကို''

''ဒါဆို ကိုတို့ ထပ်နေကြမလား ၊ ကို အန်တီမေကို ပြောပေးမယ်လေ''