''ယိမ်း''
မီးမီးက ယိမ်းကိုတွေ့တော့ မေမေလိုခေါ်ပြီး ယိမ်းအနားကိုပြေးသွားခဲ့သည်။ယိမ်းက မောင့်ကိုမြင်တာနဲ့ အံ့သြသွားတယ်ထင်တယ် ခနအကြာတော့ ယိမ်းက မောင့်အရှေ့ကနေ မီးမီးလက်ကို ဆွဲပြီး လှည့်ထွက်သွားဖို့ အလုပ် ယိမ်းရဲ့လက်တစ်ဖက်ကို မောင် ဆွဲထားလိုက်သည်။
''ယိမ်း ၊ ယိမ်း ခနလေးနေပါအုံး''
လွမ်းနေခဲ့တာ ဒီမျက်နှာလေးကို ၊ကြားချင်နေခဲ့တာ ဒီအသံလေး မောင်ဘယ်လောက်ဘဲ မေ့ဖို့ကြိုးစားနေပါစေ ဘယ်လောက်ဘဲ ကြိုးစားခဲ့ပါစေ အခုတော့ မောင်မေ့ဖို့ကြိုးစားခဲ့သမျှဟာ ယိမ်းရဲ့မျက်နှာလေးကိုတွေ့လိုက်ရတာနဲ့ အကုန်သဲထဲရေသွန်ဖြစ်သွားခဲ့ရသည်။
''မေမေ ၊ဂိုဂိုက မီးမီးပြုက်ကျဝါးတုန်းက မီးမီးဂိုယေ အုံဖွ ရုပ်ပေးတယ်''
''ကျေးဇူးတင်ပါတယ် အိမ့်ခြူးမောင်''
''ခနနေပါအုံး ယိမ်းရဲ့ မီးမီးက၊ ယိမ်းရဲ့ သမီးလေးလား''
''အွန်း ဟုတ်တယ် ၊ တို့ရဲ့သမီးလေး''
''မာမီနဲ့ ဂိုဂိုနဲ့က သိနေကျတာယား မာမီ''
''ဟိုနားလေးက မမတို့နဲ့ ခနသွားဆော့နေနော် မီးမီး ၊ မာမီ ခနနေကျရင် လာခဲ့မယ်နော်''
''ဟုတ်ကဲ့''
သမီးလေးက မောင်နဲ့အရမ်းတူတာ မောင့်လို ပါးချိုင့်လေးတစ်ဖက်လဲ သမီးလေးမှာရှိတယ် ယိမ်းပြောရင် ယုံကြမှာမဟုတ်ဘူးဆိုတာ သိပါတယ် ။
ယိမ်းရဲ့ မောင့်အပေါ်ကို ထားတဲ့ချစ်ခြင်းမေတ္တာဟာစစ်မှန်ခဲ့ကြောင်း ယိမ်းရဲ့သမီးလေးကသက်သေဘဲ ဖြစ်လိမ့်မယ် ။ သွေးမတော် သားမစပ်တာတောင် သမီးလေးက မောင်နဲ့တူနေခဲ့တယ်။
''တို့ကို ဘာပြောစရာရှိလို့လဲ ''
''ဟို မတွေ့တာ ကြာပြီနော် ယိမ်း''
''အွန်း''
''ဒီနှစ်တွေမှာရော အဆင်ပြေရဲ့လား''
မောင့်ရဲ့ အဆင်ပြေရဲ့လားဆိုတဲ့ စကားဟာ ယိမ်းကိုပိုဝမ်းနည်းစေခဲ့တယ်။ မောင်နဲ့ မတွေ့ရတော့တဲ့နောက်ပိုင်း ဘယ်သူကမှ ယိမ်းကို အဆင်ပြေရဲ့လားဆိုပြီး မမေးခဲ့ကြဘူး ၊ မောင်က ယိမ်းရဲ့ စိတ်ကိုဘဲ သိနေခဲ့တာလား ဒါမှမဟုတ် ယိမ်းကဘဲ ဟန်ဆောင်တာညံ့လို့လား ဒါပေမဲ့ အခုချိန်မှာ ဒါတွေတွေးနေလို့လဲ ဘာမှမထူးတော့ပါဘူး ၊ ဟန်ဆောင်လက်စနဲ့ ဆက်ဟန်ဆောင်ရမှာပေါ့
YOU ARE READING
တီချယ် ယိမ်း (သို့) မောင့်ရဲ့ ယိမ်း
Romanceအမျိုးသမီးတစ်ယောက်ကို အမျိုးသမီးတစ်ယောက်က မြတ်နိုးမိတာဟာ အပြစ်လား၊ ဒါဟာ အပြစ်ဆိုရင် မောင်ကြည်ကြည်ဖြူဖြူနဲ့ ခံယူပစ်လိုက်မယ် ယိမ်း။ အတ္တတွေ ၊ မာနတွေ ကြီးတဲ့သူတွေသာ မရှိခဲ့ရင် မောင်တို့ ပျော်ရွှင်စရာ အမှတ်တရတွေ အများကြီးကို ဖန်တီးနိုင်ခဲ့မှာ။
