ჰეროინი [ ტომი I ]

136 თავი

ბიჭებმა სკოლისათვის შესასრულებელი საშინაო დავალება გაინაწილეს და წერას შეუდგნენ. ინი ლოგინზე წამოწვა, ნიკაპით ხელს დაეყრდნო და ისე კითხულობდა ტექსტს, თან შიგადაშიგ ნახევრად მძინარე მადიანად ამთქნარებდა, ერთი-ორჯერ ლამის ხელიდანაც გაუვარდა რვეული.

გუ ჰაიმ შეხედა, გაეღიმა და უთხრა - „დაიღალე... წადი დაიძინე, დანარჩენს მე გავაკეთებ."

ინმა თავი გააქნია უარყოფის ნიშნად, მის გვერდით თავისუფალ ადგილზე ხელით მიანიშნა და უთხრა გუ ჰაის - „აქ დაწექი."

- „რაა?" - გაკვირვებული უყურებს გუ ჰაი.

- „მოდი, დაწექი" - მოუთმენლად ეუბნება ინი.

გუ ჰაი დაბნეული სახით ემორჩილება მას, რის შემდეგაც ინი თავის თავს გუ ჰაის უკანალზე დებს.

- „შენ გინდა ჩემი უკანალი ბალიშის მაგივრად გამოიყენო?" - გუ ჰაი.

- „ეს რა, ბალიში არაა? ....." - ინი.

- „რატომ არ აიღებ ბალიშს?" - გუ ჰაი.

- „ბალიში არ მინდა" - ინი.

- „შეხედე ამას, რაღაც გამოშტერებულივით ხარ ხომ იცი დღეს ..." - გუ ჰაი უყურებს უკან, მის სხეულზე მწოლიარე ინს.

გარკვეული დრო ესე იწვნენ, შემდეგ კი გუ ჰაი გადმოტრიალდა და თქვა:

- „ცოტა დავიღალე, ჩემს მუცელზე დაწექი".

ინმა წკიპურტი ჩაარტყა თავში.

დარცხვენილმა გუ ჰაიმ ჩაახველა - „მე ეგ არ მიგულისხმია, მე მხოლოდ იმის თქმა მინდოდა, რომ შენ საკმაოდ დიდხანს იწექი მანდ, ახლა კი ჩემი დრო მოვიდა შენს უკანალზე დავწვე, არა?"

- „ნუ იტყუები"- კატეგორიული ტონით ამბობს ინი.

- „რატომ ვიტყუები?" - გუ ჰაი, - „მე მოგეცი საშუალება გამოგეძინა, რატომ არ მაძლევ მანდ დაწოლის უფლებას?"

- „შენ იტყუები, რომ ზრუნავ ჩემზე" - ინი.

უეცრად გუ ჰაის შავ თვალებში მუქი-წითელი ალი ავარდა და როგორც გარეული ვეფხვი ინძასკენ გავარდა.