الحب لا يموت

الجزء 9

ميسم : احح ضهري تقسم، علاء (مندهش) : نسمة شنو تديري هنا؟ ميسم : أنت عاود، علاء (مد ليها يديه) : ياكما تقسحتي انعاونك، ميسم : لا بلاش، علاء : ماجاوبتينيش، ميسم : علاياش؟ علاء : جيتيني مبدلة، ولكن قولي بعدا شنو تديري هنا؟ ميسم ***باينة معارفش را حنا توأم خخخخ يساحبلو را أنا نسمة*** : احم احم حنا تنعرفو لالاهم نورة، جارتنا ساكنين غير حداهم و جينا، علاء : لالاهم نورة هههه ضحكتيني، حمزة : يالاه اصحبي كلشي تيتسناك، معامن تتهضر......غير شافها بقا حال فمو و هي كذلك، هو حيت عقل عليها و متوقعش حتا هو يتلاقاها تما، و هي حيت كان بوكووووس، عرفتو بعدا شكون ؟ حمزة فعمرو 24 عام، سمر و مربي اللحية شوية و شعرو قوي كحل و رطب، لافورم و اللباس، و أجمل حاجة فيه هوما عينيه، زرقين فحال لون السما و تيلفتو الأنظار، و هو نفسو الشاب اللي كانت غتدخل فيه نسمة بالطوموبيل داك النهار و نزلو بقاو تدابزو، حمزة : علاء واش تتعرفها؟ علاء : تنقدم ليك نسمة، حمزة : دابا نسمة ديالك هي نفسها البنت ديال ديك النهار، علاء : واش تتعرفها؟ حمزة عاود ليه البلان كامل ديال ديك النهار و ميسم غير حالة فمها ***هدشي كلو واقع ألالة نسمة و أنا مفراسي ميتعاود، و هاد الجوج من الصباح يسحابلهوم أنا هي انت ههههه ناااري ربي غير الله يستر و صافي*** ميسم : المهم تشرفت بيكم بجوج أنا خصني نهبط تعطلت عليهم، حمزة : را كلنا هابطين، ميسم (مع راسها) : ***دابا تنتصور غير وجههم فاش يشوفو نسمة لتحت خخخخ ايدوخو***.......هبطو كلهم للصالون و لكن مكانتش نسمة تما كانو غير هوما مجموعين، السي حمد : فين كنتي من قبيلة و حنا تنتسناوك، ميسم : كنت لفوق، أسامة : المهم نعرفكم، هذا علاء، و هذا حمزة، بجوجهم صحابي و كانو تيقراو معايا برا و جاو باش يستقرو حتا هوما هنا، و راهم معايا هاد الأيام حتا يكملو الشقق اللي غيسكنو فيها، السي حمد : أهلا أهلا مرحبا بكم، أنا حمد، و هادا ولدي مراد و مرتو صفاء، سيف ولدي و هادي بنتي و الأخرى را مشات تقلب عليها، علاء و حمزة : متشرفين بيكم.....ايوا جلسو تيهضرو، علاء : عندك ختك مفراسيش، ميسم : ههه آه واحد الفنكوشة هههه، علاء : نتمنى نتعرف عليها، ميسم : ههههه غير تسنى، أسامة : علاء خويا واخا تجيب البيسي معاك نوريهم داك البروجي اللي خدامين عليه، علاء : را خليتو لفوق انا نطلع نجيبو، مشا علاء يجيبو و فديك الأثناء كانت نسمة لفوق تتقلب على ختها : يا ربي هاد البنت فين مشات، تقدر تكون فهاد البيت زعما؟ حلات البيت ملقاتهاش، كانت اتسدو و هي يبان ليها واحد الخاتم زوين محطوط فوق المكتب، من الفضول مشات هزاتو و دارتو فصبعها و بقات تتشوف فيه حتا حسات بالباب تحل و هي تقفز و خبات يديها ورا ظهرها، و دخل علاء يجبد البيسي، شافها و هو يتصدم، علاء : كيدرتي وصلتي لهنا ياك خليتك لتحت، نسمة (بصدمة) : علاااء شنو تدير هنا؟ علاء : كيفاش هاد السؤال، نسمة : واش كيفاش مفهمتش، سلتات الخاتم من يديها و رماتو فوق الناموسية بلا ميشوفها، علاء : أنا انجيب البيسي و نهبطو، نسمة (باقا مفاهمة والو) : واخا........هز البيسي ديالو و هبطو بجوج، غير دخلو للصالون شاف ميسم حل فمو و مفهم والو، و حمزة فاش شاف نسمة نفس الشيء، و هي شافتو تصدمات، المهم صدمة ثلاثية الأبعاد، علاء : و لكن كيفاش؟ حمزة : شنو هدشي؟ نسمة : شنو تدير انت هنا؟ ميسم شافت داك المنظر و بقات تضحك عليهم تضحك تضحك حتا قربات تسخف، المهم حتا شبعات ضحك عاد جلسو كلهم و شرحات ليهم كلشي، علاء : دابا أنت ميسم، و هي نسمة، و لكن بلاتي أنا دابا تنعرف ميسم و لا نسمة؟ تنعرف نسمة! ميسم : حنا تلاقينا غير مرة وحدة هي فالريسطو و صافي، علاء : يعني نسمة هي اللي كانت ديك النهار فالليل حدا......نسمة (ضرباتو برجليها باش يسكت) : اه حنا اللي كنا تنتلاقاو ديما ههه، حمزة : و شكون تلاقيتها ديك النهار؟ نسمة : انا، علاء : ناااري دخت، دابا نتوما توأم؟ ميسم : شنو بان ليك؟ حمزة : كتشابهو بزاااف، فوطوكوبي، ميسم : اييييوا شتي، نسمة : علاء دابا أنت تتعرف أسامة؟ علاء : آه هادي شحال، قرينا حنا بثلاثة معا معا، ميسم : واااو هادي كلها صدفة؟ حمزة : صدفة خير من ألف ميعاد، علاء : صدفة و أش من صدفة، بقاو تيهضرو و تعرفو على بعض كثر و تبادلو النماري و رجعو لدارهم و كانت هادي هي البداية ديال القصة، حتا واحد منهم مكان عارف شنو مخبي ليه القدر .