الحب لا يموت

الجزء 25

تجمعو على الطبلة ديال الفطور، سيف : غدا غادي تجي لعندي واحد الصديقة من أيامات القراية، نسمة : واش هاديك الللي تلاقيتيها فالمطار ديك المرة؟ سيف : راكي تتعقلي معندي منسالك، هي هديك، را ضريفة لبغيتو نعرفكم عليها، نيت عاد جات مؤخرا للمغرب غدوز شي شهورا هنا و متتعرف تا واحد بقاو تخرجو معاها لبغيتو، ميسم : رائع نبقاو نخرجو بربعة بينا، نسمة : واو ولينا بربعة دغيا، خليكم غير نتوما بثلاثة أنا أنسحب.......ناضت مكملاتش فطورها و خرجات مفقوصة "صافي دغيا نسيتي ختك، كانت خاصك غير السبة و هايا جات، حتا انا ماشي معشوقة فيك" بقات تتمشى حتا لقات واحد الحديقة تيلعبو فيها الوليدات الصغار، جلسات فواحد الكرسي و بقات تتشوف فيهم تيلعبو و ضاحكين، شافت واحد البنية صغيرة كانت تتلعب و هي طيح و بقات تتبكي، مشات تتجري لعندها هزاتها و مسحات ليها حوايجها و جلساتها حداها تتسكتها، نسمة : صافي احبيبة متبكيش، فين تقسحتي، شكون ضربك......البنيتة شيرات زعما الأرض اللي قسحاتها، نسمة : الأرض هي اللي دارت ليك ديدي، آجي نضربوها حتا حنا، هايا طح طح طح، صافي معمرها متعاود، البينة (تضحك) : زيدي، نسمة : هههه واخا، طح طح طح، باراكا ولا نزيدو؟ البنية : بالاكا (باراكا)، نسمة : فينهي ماماك؟ البنية : زيت مع حتي (جيت مع ختي)، نسمة : اه و فين هي ختك؟ البنية : لاها لهيه (راها لهيه)......جات ختها لكبيرة لعندها و جلسات معاها، تكون عندها شي 12 عام، نسمة : شنو سميتك؟ البنت : انا حفصة و هادي سارة ختي الصغيرة، نسمة : اممم سمياتكم زوينين، انا نسمة، حفصة : حتا انت سميتك زوينة، فين هي ماماكم؟ حفصة : راها فالدار تطيب الغذا و حنا خرجنا نلعبو هنا، نسمة : اممم مزيان سعداتكم، حفصة : اه، و انت واش جبتي ختك تلعب؟ نسمة : ههه لا انا غير جيت لهنا و صافي.....نسمة......دارت لقاتو علاء، دورات وجهها و هو جا جلس حداهم، علاء : شكون هاد الكتكوتات؟ نسمة : صحاباتي، علاء : اممم متشرفين، حفصة : حتا انا و لكن دبا خصنا نمشيو للدار تعطلنا، نسمة : بالسلامة......مشاو و بقاو جالسين بوحدهم، علاء : مالكي هاد الأيام شفتك ماشي تالهيه؟ نسمة : مماليش، علاء : لا عندك شي حاجة و مبغاش تقولي، نسمة : و أنت مالك أصلا باش نقوليك، شغلك فيا؟ سير عند شهد قابلها، علاء : اااه و انا نفهم قول هدشي كلو على شهد، نسمة : لا، علاء : و شنو؟ نسمة : صافي متسولش، اصلا بغيت نبقا بوحدي، علاء : و انا مغنخليكش بوحدك، نسمة : ايوا بقا هنا انا مشيت......ناضت تتمشى و هو بقا تابعها، نسمة "هوا تابعني دبا شنو ندير؟ امممم اه لقيتها" بقات غادة تتمشا حتا وصلات لواحد العمارة و طلعات، دقات و هي تخرج ليها نجاة اللي تتخدم فالورشة : أهلا أهلا، فين غبرتي علينا، نسمة : غير الدنيا اخالتي، ياكما برزطتك فهاد الوقت، نجاة : حشومة عليك تقولي فحال هاد الهضرة، نهار كبير هذا دخلي......دخلات و جلسو تيهضرو و يتعاودو حتا داز الوقت و ستأذنات و خرجات، "زعما يكون علاء مشا؟ و مالو تسطا يبقا مزال تيتسناني، أيكون مشا يقابل شغالو" خرجات من العمارة و هي تلقاه تيتسناها حدا الباب، علاء : سكني تما انت حسن، نسمة : هاء و انت مالك قاليك شي واحد تسناني! هانا مشيت و باراكا متبعني.....مشات و هو بقا تابعها و هي كل مرة تدور تشوف بنص عين تتلقاه باقي وراها، واحد اللحظة دارت ملقاتوش، بقات تتشوف هنا و لهيه و تتعجب، علاء : تتقلبي عليا؟ نسمة (قفزات) : خلعتيني، علاء : هانا غير حداك ممشيت لحتا قنت، نسمة : علاش انقلب عليك، علاء : حتا انا معرفتش، يالاهي نوصلك لداركم را الليل دبا، نسمة : غنرجع فطاكسي غير سير، علاء : كوني تسمعي الليل هذا، نسمة : و أنت مالك سوقك؟ علاء : اوكي خليك هانا مشيت.....ديمارا و زاد فحالو و خلاها، نسمة : شفتي دبا هاوا مشا و خلاك، تهنيتي دبا، انبان ليه باقي عقلي صغير، ولكن هو تيعصبني عاود ياااه، و حتا الطاكسيات مكاينينش بقيت واحلة هنا" بقات تتسنا حتا وقف عليها واحد : فين الزين، وايلي هادي ماشي سلعة المغرب، يالاه عطيني غير النمرة، بس تنهضر معاك تواضعي معانا.....هو تيقرب منها و هي تتبعد منو، شد ليها يديها و محس براسو حتا جاتو بونية لوجهو، علاء : هادي باش تعلم تبعد على بنات الناس، و هادي حيت قربتي ليها، و هادي حيت هضرتي معاها، و هادو حيت قستي ليا شي حاجة ديالي.....بقات نسمة غير تتشوف و مخلوعة حيت معمرها شافتو فديك الحالة، خافت غير ليمشي يقتلو، مطلقو حتا عمرو كلو دمايات و ناض معصب، شافيها و جرها من يديها و دخلها لطونوبيل، علاء (معصب) : هادشي علاياش تتقلبي ياك، عجبك الحال ، واش كاينة شي بنت دارهم تتبقا فالزنقة حتال هاد الوقت، نسمة : أنا غير.....علاء : أنت شنو، ملقيتي اللي يحكمك، بالحق انا انوريك........كسيرا و بدات الشتا تطيح مجهدة، الطريق كلها و هوما ساكتين، قربو يوصلو للدار و هوما يلقاو واحد الشجرة طايحة فالطريق و مقطوعة معندهم منين يدوزو.......